حمال الجسد ريض
هذا موسى ابن جعفر
هاشم مادرو عنه
معصوم و نسل حيدر
......
يل شلت الجسد انشد
منك انه اريد جواب
منهو الي غمض عينه
شلون يموت بين اغراب
اكلك يل شلت نعشه
مصابه اشد مصاب
لو شفته جسد مطروح
بلا نعش وتشيله اغرب
يلي شايل المعصوم
بالك تمشي لاتعثر
انه اعلى الجسد خايف
من الگيد يتكسر
حمال الجسد ريض
هاذا موسى ابن جعفر
......
موسى وبگلب المحزون
اذكر سجنك المضلم
سنين المضت مسجون
ربي بحالتك يعلم
الاغلا ل ارسمت الجروح
تنزف ما اضن تنلم
ماتعرف نهار وليل
والسجان مايرحم
شگد تعذبت مولاي
نارك بالگلب تسعر
حمال الجسد ريض
هاذا موسى ابن جعفر
.......
شيال النعش خَبر
هم بالسم خطف لونه
ادري اهله ما حضروه
المن دارت عيونه
معصومه وعلي شلون
ماگدرو يودعونه
بثكل السلاسل اه
اينازع يخلونه
سمه الطاغيه الملعون
ماله عذر بالمحشر
هاذا موسى ابن جعفر
.......
يل شايل نعش موسى
لاترمي عجيد الگوم
عالجسر لاتخلو
كلفه طيحة المعصوم
موعد منه يوصلنه
عالجسر نشوفه اليوم
ماضنينه عالاجتاف
يوصل والجسد مسموم
هاجت بال گلب نيران
صار اليوم يوم اكشر
حمال الجسد ريض
هاذا موسى ابن جعفر
.....
نادو عالجنازه هناك
الشيعه مات واليها
طاح العلم والنبراس
ونور الجان هاديها
سابع شمس من الال
غربت مادرو بيها
عليها المنادي يصيح
منهو الي يواريها
بيه الشيعه معصومين
لن جبد السمه تفطر
حمال النعش ريض
هاذا موسى ابن جعفر
......
بمصابه يعود اليوم
طف كربلا واحزانه
مكيد والعليل هناك
مكيدين نسوانه
بغربه ومثل جده يصير
غريب وفاكد اخوانه
موسى هالكضه مسموم
وحسين بكلبه نيشانه
موسى معصمه مرضوض
ضلع حسين يتوذر
شيال النعش ريض
هاذا موسى ابن جعفر
..........
للخادمه ام عباس الخفاجي
