ريتك عدل… يابو الفضل
وتسمع خبر
درب اليسر… نار وجمر
واحنه بخطر
----------------------------------------
انه اليحلم صباح الله يصد ليه
وخيالي تاه وي ظلمة لياليه
انه الخدري درس بالكل معانيه
وملائكة السمه صارت خدم ليه
وانته الگمر… نبع ونهر
راعي الستر راعي الستر
••••••••••••••••••••••••••••••••••••••
وصلنه الكربلا ومنها انخطف لوني
واحس ماي العمه يطفّي ضوه عيوني
دخبرني يخويه وين جبتوني
وگلي شلون لو رحتو وتركتوني
خويه ولون… دار الزمن
يدفنك نهر يدفنك نهر
••••••••••••••••••••••••••••••••••••••
تذكر يوم طلعتنه يكافلني
يراعي الغيره اعله ناگه ترچبني
يخويه وبسمتك ليه تفرحني
واگولن خويه ابو فاضل تكفلني
بعيني البدر… وجهك يسر
عز وفخر عز وفخر
••••••••••••••••••••••••••••••••••••••
گمرعدنان وصار الي خفت منه
يغالي ودهري سيف الجور الي سنه
شفت شبان من دماهم الحنه
وعبدالله ذبيح وايست منه
متحيره… دمعي جره
گلبي انفطر گلبي انفطر
••••••••••••••••••••••••••••••••••••••
اصد للعلگمي وگلبي ينازف دم
انشدك يا بطل يمته الشمل يلتم
يجاوبني الحسين ومنحني من الهم
يزينب ايسي ما يرجع إلِموزم
سهم وطبر… چف منبتر
ظهري انكسر ظهري انكسر
••••••••••••••••••••••••••••••••••••••
الم همومي وادري همومي چتاله
ضعنك تاه بعدك منهو يبراله
حرم واطفال حالتهم اشد حاله
و العطشان شوفه مگطعه أوصاله
خيل الكفر… تسحك صدر
ابن الطهر ابن الطهر
••••••••••••••••••••••••••••••••••••••
يعباس اشتكيلك گلي ياحاله
حرگ خيام عيالك بين خياله
وعليل بجامعه مگيد وأنه ابراله
واشوف حسين مرمي وفوگه چتاله
شفت الشمر…فوگ الصدر
يگطع نحر يگطع نحر
••••••••••••••••••••••••••••••••••••••
صوره يالوفي انقله الك ودي
صعبه يالولي امشي الدرب وحدي
مابين الشتم وشماتة اليحدي
ومابين السياط الوسمت زندي
وصعب أمر… سوط والزجر
درب السفر درب السفر
-----------------------------
للخادمه ام عباس الخفاجي
