مسموم الوصي واربعه يشلونه
مسموم الوصي واربعه يشيلونه
.......
معصومه تنادي الوالدي اخذوني
انه من البواجي ذابت عيوني
راهب ال هاشم عنه خبروني
ابويه بياذنب ضلما يسجنونه
.......
من يوم الخذوه وحكمو فراگه
تشب نار الابو بالگلب حراكه
اعوام ومضت كل ضني نتلاكه
تاليها الخبر عالجسر يرمونه
.....
ياحالة ابونه حالته حاله
مگيد بالسلاسل رضته اغلاله
يبويه الفاركتني الغربه جتاله
اعزاز العلينه ما يودعونه
......
انه المعصومه فاركني بصغر سني
خذو نور الامامه والشمس مني
وصلوله خبر واخذو الخبر مني
كولوله عليمن منخطف لونه
......
من ضمد جروحه ومنهو داواها
منهو الوسده ومن گطر شفاها
من غمض عيونه وايدا ساواها
المن وصه بينه لو يغدرونه
.......
كالو عالجسر واعله الارض مطروح
اسم الله الابو منه تروح الروح
اعليه الشيعه ويانه تون وتنوح
بهيده ويه الوصي لمن تشيعونه
مسموم الوصي
