تهدمت من الامامه اركانها
انثلم سور المجد وواسلامها
....
لو غدر وكتك وطحت بمشكله
للرضا اگصد يحل كل معضله
اعتنيله ولح اله بالمساله
هاذ سلطان العرب واعجامها
.........
اسمع المقصود بالخطب الصريح
لو گصدت الضامن ودمعك يسيح
كل ذنوبك تنغسل عنك تطيح
وروحك من الله تحصل احلامها
...........
ضامن الجنه يدفنوه بغرب
شكد صعب من قرب جده ينطلب
المصاب الرضى مفطور الگلب
سنين عمره بغرب تكضي يامها
........
ظالم المامون من طبعه الغدر
جابه من اهل المدينه للقصر
بالحجَِر گضه سنينه بالحجر
صار بالاحزان يگضي اعوامها
.........
لا اهل وياه من صار الامر
وشراب العنب بالسم ينعصر
الرضا محتار ياٰوي الاي كتر
جرعوه السم شرار.ازلامها
.........
اه واويلام من السم ضمى
عطش ومنعو ضل ينزف دمه
حالة المعصوم احاله مؤلمه
شيعته تنعى تريد ايمامها
.........
الرضا واجب يشيعه نعتني
نذكر مصابه ونواسي الزهره بي
نطلب الحاجات منه وننتخي
من الولي والله وثلث تنعامهه
......
للخادمه ام عباس الخفاجي.
