يافتحة عيونج غير هالناس
رفعتي الجفن وتلالة انوار
عينج للنبي هوه الي سماج
زينب بت علي ياشمعة الدار
ياول وليده تناغي الاملاك
ياهزة مهدهه اليحمل اسرار
فراشج يننسج من صبر السنين
ملفوفه بعلم وتحملج اقدار
اصحاب العبا منهم تنبعين
ياعصمة الصغره ونسل الاطهار
محتارين نبدي بوصفج شلون
يتيه القلم وتيه الافكار
جدج من اله الكون علاه
خاتم للنبوه وصار مختار
وامج فاطمه كوكب المشكاة
من انوارها انسدلت الانوار
حيدر والدج ما مثله موجود
يفتر عالمناقب مثل الاعصار
يا اخت الحسن يا اخت الحسين
اقمار الامامه ونعم الاقمار
وانتي بينهم فتحتي العيون
ودورج بده من ضمن الادوار
يمن حزتي العلم من دون تعليم
وحزتي المكرمه من نعم الاظفار
وحگ الي وگف بالطف يحاميج
من اول نفس صرنالج انصار
