خزنت بگلبه جروح
مهدي يامهدي
ثارات ابد متروح
مهدي يامهدي
بالعسكري نعزيه
لمصابه نواسيه
مهدي يامهدي
.......
بيحال حاله من غمضله عينه
بحضنه ابوه وين الذي يعينه
مسجى الحسن وانفجع والينه
وحيد بين الضلام
مهدي يامهدي
وسد امام الاسلام
مهدي يامهدي
.....
شحاله ينزل والده لترابه
محروم من جمع الاهل واحبابه
بس دمعة المهدي تهل سجابه
جم لوعه يحمل ومصاب
مهدي يامهدي
اولها لوعات الباب
مهدي يامهدي
.....
من غرب الهادي لحد هاذا اليوم
توالت علينه مصايب وكثر هموم
ساعدك الله گلبك شكد مالوم
شحالك وابوك اليوم غرب مسموم
نعزيك يبن الزهره
مهدي يامهدي
باللطم والعبره
مهدي يامهدي
.......
چم لوعه نتجرع غصص نتصبر
ننصب عزا بسامره يمك نحضر
للعسكري منا الدمع يتفجر
والشيعي لمصاب الولي يتكدر
ننصب مواكبنه هناك
مهدي يامهدي
بالحزن واسيناك
مهدي يامهدي
......
احزان مرت چم الم چم فجعه
شيعتك مثلك روحهم متصدعه
عهد الامامه نريد بيك نرجعه
بغيبتك نكضي العمر بالدمعه
وياك ناخذ ثارات
مهدي يامهدي
ليدك نسلم رايات
مهدي يامهدي
......
للخادمه ام عباس الخفاجي
