مسامحه ياخوي ابد لاتعتذر
مسامحه وادريك بالغير جمر
مسامحه مسامحه
.........
انه بوجودك أميره عالناس
حالي تبدل من رحت يعباس
بعدك ولوني گوم كلهم ارجاس
وياك احس بزودي
محد يصل لحدودي
انه الي مل مني الصبر
ياخوي ابد لا تعتذر مسامحه
مسامحه
.........
ماعتب عليك العتب ويه النهر
موسى تسلح بالبحر من الخطر
والعلگمي لا طاف لا حرك اثر
شاف السهم بالعين
ومگطعه الايدين
وشلون من شاف الطبر
ادريك بالغيره جمر مسامحه
مسامحه
.....
لو تدري حالي يا بدر ياحماي
جيت اركض بلايه فكر وبلا راي
لحسين اجيت وشفته ضاگت دنياي
شفت الجسد دامي
ينازع وضامي
راكب على صدره الشمر
ياخوي ابد لاتعتذر مسامحه
......
ذايب دليلي من شفت حز الراس
وشحال گلبي من شفت صدره انداس
ياخوي ماضلي عقل لا احساس
ومن گطعو الاصبع
هالمنضر المفجع
عباس صحت بلا فكر
ياخوي ابد لا تعتذر
مسامحه مسامحه
......
ريتك تعاين لليسر اخذونه
بحبال خشنه ومؤلمه گيدونه
ضرب وسبي لو نصرخ يسبونه
وعيونه الك تربى
يل ضيعت دربي
دلالي بالهم انفطر
وادريك بالغير جمر
مسامحه مسامحه
.....
للخادمه ام عباس الخفاجي
