သူနဲ့ကျွန်​တော် (Season - 3)

အခန်း - 3

​ဆောင်းဦးဟန်တစ်​ယောက် မ​ဟေသီနဲ့အတူတူ​ဈေးဝယ်ထွက်လာ​ပေမဲ့ ခုဏက ဟန်မင်းမြတ်နဲ့​သော်​ဇေတို့အရမ်ူနီးကပ်​နေသည့်မြင်ကွင်းကိုမြင်ပြီးကတည်းက မျက်နှာကသုန်မှုန်ပြီး စိတ်ကမကြည်မလင်ဖြစ်​နေ​လေသည်။ သူ့စိတ်ထဲမှာ ​သူ့သူငယ်ချင်း​သော်​ဇေက သူရွံမုန်းတဲ့​​ဂေးတစ်​ယောက်များဖြစ်​နေလားဆိုသည့်အ​တွေးက ဝင်​နေသည်။ သူ့ရဲ့ဒီအ​တွေးကို ဟန်မင်းမြတ်အ​ပေါ်မ​ကောင်းမြင်ကာ​​ဖြေ​ဖျောက်​နေခြင်းကို သူကိုယ်တိုင်သတိမထားမိပါ။

"ကို ​သော်​ဇေနဲ့ကိုနဲ့ကအရမ်းရင်းနှီးကြတာပဲလားဟင်"

မ​ဟေသီ့စကားသံကြားမှ သူ့အ​တွေး​တွေအ​ဝေးကိုခဏလွင့်စင်ထွက်သွား​လေသည်။

"အင်း အဲ့လိုပဲ​ပြောရမှာ​ပေါ့ ... တက္ကသိုလ်စတက်ကတည်းကဆို​တော့ ​လေးနှစ်​လောက်​တော့ရှိပြီ ... ဘာဖြစ်လို့လဲ ချစ်ဘာ​တွေးမိလို့လဲ"

"မဟုတ်ပါဘူး ... ချစ်သိချင်လို့​မေးကြည့်တာပါ ... ခုဏက ကိုအရမ်း​ဒေါသထွက်သွား​တော့​လေ သူများ​တွေမြင်ရင် ကိုသဝန်တို​နေတယ်လို့ပဲမြင်ကြမှာ"

မ​ဟေသီကလည်းစကားကို​ထေ့​ထေ့​ငေါ့​ငေါ့ပုံစံမျိုး​ပြောလာ​လေသည်။

"ချစ်​တွေးထင်​နေတာ​တွေမှား​နေပြီ ... ကိုယ်ကအဲ့လို​ကောင်မျိုးမဟုတ်ဘူး ... ကိုယ်ကအဲ့လိုဟာ​တွေအရမ်းမုန်းတာ ချစ်တဖြည်းဖြည်းနဲ့သိလာမှာပါ"

​ဆောင်းဦးဟန်သည်လည်း သူ့ကိုအခုလိုထင်မှား​ပြော​တော့ ​ဒေါသမထိန်းနိုင်ဘဲ ​လေသံကမာသွား​လေသည်။

"ဟုတ်ပါပြီကိုရယ် စိတ်က​လေးလည်း​လျှော့ပါဦး ... ချစ်ထပ်လည်းမ​ပြော​တော့ပါဘူး ဟုတ်ပြီလား"

"​ဆောရီး ကိုယ်လည်းစိတ်မထိန်းနိုင်ဖြစ်သွားတယ် ... ချစ်ဗိုက်ဆာ​နေပြီလား ချစ်ဝယ်စရာရှိတာ​တွေဝယ်ပြီးရင်တစ်ခုခုသွားစားကြရ​အောင်​လေ"

"အင်း ... ချစ်လည်းဗိုက်ဆာ​နေပြီ မြန််မြန်​လေးဝယ်လိုက်မယ်"

​ဆောင်းဦးဟန်စိတ်ထဲမှာ​​တော့ သူ့သူငယ်ချင်း​သော်​ဇေ့ကို သူမုန်းတဲ့လူစားမျိုးဖြစ်မ​နေ​စေချင်ပါ။ ​သော်​ဇေကသူ့အ​ပေါ်ဆို အမြဲတမ်းဂရုတစိုက်ရှိ​ခဲ့​ပေးတာ​တွေကို သူပြန်သတိရလာမိသည်။ ​သော်​ဇေ့လိုသူငယ်ချင်း​ကောင်းတစ်​ယောက်ကို​တော့ သူလက်လွှတ်ဆုံးရှုံးမခံနိုင်ပါ။