"ဆောင်းဦးဟန် မင်းမြဲမြဲမှတ်ထား ... မင်းအိမ်ထောင်ကျရင် မိန်းမကိုချစ်ရမယ် ကလေးယူပြီးသာယာတဲ့မိသားစုလေးတစ်ခုကိုကျိန်းသေပေါက်ဦးဆောင်နိုင်ရမယ် ... မင်းမြဲမြဲမှတ်ထား"
"ဟုတ်ကဲ့ပါအဖေ ကျွန်တော်မှတ်ထားပါ့မယ်"
ဆောင်းဦးဟန် တစ်ကိုယ်လုံးချွေးများရွှဲနစ်စွာဖြင့်အိမ်မက်မှလန့်နို့လာခဲ့သည်။ အဖေရဲ့လောင်းရိပ်အောက်မှာကြီးပြင်းလာရပြီး အဖေပြောသမျှစကားအားလုံးခေါင်းထဲအတင်းထည့်ကာ မှတ်သားသိမ်းဆည်းထားသည်။ တစ်နေ့ထက်တစ်နေ့ တစ်နှစ်ထက်တစ်နှစ် ပိုပိုပြီးခေါင်းထဲစွဲလာရသည်။ ဆောင်းဦးဟန်၏အတွေးထဲမှာလည်း အဖေ၏ပြောစကားများက ဆောင်းဦးဟန်၏စိတ်ဖြစ်လာခဲ့သည်။
"ချစ် ကိုယ်တို့ကလေးယူကြရအောင် ... သော်ဇေ့အကြောင်းလည်းသိထားပြီးပြီမလား ကိုယ်တို့အတွက်သူမွေးပေးနိုင်တယ်"
"ကို သော်ဇေကအိမ်ထောင်ရှိနေပြီလေ ... ချစ်တို့အခြားနည်းလမ်းစဥ်းစားကြရအောင်"
"မဟုတ်ဘူး သော်ဇေကကိုယ့်အတွက်ဆိုလုပ်ပေးမှာ"
နေ့တိုင်းအလိုလိုဒီစကားတွေပဲပြောနေသည့်ဆောင်းဦးဟန်ကို မဟေသီဒေါသဖြစ်လာရသည်။ မိန်းမသားတစ်ယောက်ဖြစ်နေပေမဲ့ မိသားစုဘဝကိုမတည်ထောင်နိုင်တဲ့အတွက်ဝမ်းနည်းနေရသည့်အပြင် ယောကျာ်းသားဖြစ်ပြီးမိသားစုဘဝကိုတည်ထောင်နိုင်သည့်သော်ဇေ့ကိုပဲ ဆောင်းဦးဟန်ကတမ်းတနေသည်။
"ရှင်သူ့ကိုကြိုက်နေတာလား"
"ချစ် ဘာတွေပြောနေတာလဲ ... ကိုယ်ကချစ်ကိုပဲချစ်တာလေ သော်ဇေ့ကိုကိုယ်တို့အတွက်အသုံးချရုံသပ်သပ်ပဲ"
"အသုံးချတာထက် နင့်အတွက်နင်ပိုတွေးနေတာမလား ... ငါ့အတွက်ရော နင်တွေးပေးဖူးလား ... ငါကလေးမရနိုင်တာ ဘယ်လိုခံစားနေရမလဲနင်တွေးပေးဖူးလား ... ဆောင်းဦးဟန် ငါနင့်ကိုတဖြည်းဖြည်းနဲ့စိတ်ပျက်လာပြီ"
မဟေသီ ကားသော့ဆွဲယူသွားပြီး အိမ်မှထွက်သွားကာ ဘားမှာသွားထိုင်နေသည်။ စိတ်ညစ်ညစ်နဲ့အရက်တွေပဲလှိမ့်သောက်နေမိသည်။ ထိုစဥ် မဟေသီ့အနားကိုကောင်လေးတစ်ယောက်ရောက်လာသည်။
YOU ARE READING
သူနဲ့ကျွန်တော် (Season - 3)
Romanceဤဇာတ်လမ်း ဇာတ်ကွက်ဖြစ်ရပ်များသည် စာရေးသူ၏စိတ်ကူးယဥ်သပ်သပ်သာဖြစ်သည်။ မည်သူတစ်ဦးတစ်ယောက်ကိုမှ ထိခိုက်လ်ုစေခြင်းမရှိပါ။
