"ကျွန်တော် မင်္ဂလာပွဲမလုပ်ချင်တော့ဘူး"
ကောင်လေးစစဦးချင်းပြောလာသည့်စကားကြောင့် ဦးဟန်ရင်ထဲဒိန်းခနဲဖြစ်သွားရသည်။ သို့ပေမဲ့လည်း ကောင်လေးအရှေ့မှာတော့ ပျာယာခတ်နေသည့်ပုံစံမျိုးမဖြစ်စေဘဲ အေးအေးဆေးဆေးသာမေးလိုက်သည်။
"ဘာလို့လဲဘေဘီ ဘေဘီကဆောင်းဦးဟန်ပြောတာကိုလက်ခံမလို့လား"
"ဟင့်အင်း မလုပ်နိုင်ပါဘူး ... ကျွန်တော်ပြောတာက လက်မှတ်ပဲထိုးပြီး ပွဲမလုပ်ဖို့ပါ"
အခုမှ ဦးဟန်စိတ်ထဲအနည်းငယ်အေးချမ်းသွားရသည်။ ရုတ်တရက်ဆိုတော့ ဦးဟန်လည်းသူ့ကိုမချစ်တော့ဘူးလားလို့တွေးမိသွားပါသေးသည်။
"ဘေဘီ ကိုယ်တို့အားလုံးစီစဥ်ပြီးသွားပြီလေ ... ဘာဖြစ်လို့မလုပ်ချင်တာလဲ"
"ကျွန်တော့်အကြောင်းကိုလူတွေသိကုန်ရင် ဆောင်းဦးဟန်လိုပဲလာပြောကြရင်ဘယ်လိုလုပ်မလဲ ... ပြီးတော့ ကျွန်တော့်ကိုအမြဲတမ်းအသုံးချဖို့ပဲတွေးနေကြရင်ဘယ်လိုလုပ်မလဲ ... ကျွန်တော်ကြောက်တယ် ကျွန်တော်လူအများရှေ့မထွက်ချင်ဘူး ... ဒီအတိုင်းလက်မှတ်ပဲထိုးလိုက်ကြရအောင်နော်"
"ဟုတ်ပြီ ... အခုကိုယ်ကဘေဘီ့ရဲ့ဆန္ဒကိုလိုက်လျောပေးမယ်နော် အခုဘေဘီစိတ်မငြိမ်သေးတာမို့ဘေဘီ့သဘောအတိုင်း ဦးဟန်စီစဥ်လိုက်မယ် ... တစ်နေ့ကျရင်တော့ ကိုယ်မင်းကိုခမ်းခမ်းနားနားနဲ့လက်ထပ်ချင်ပါသေးတယ် ... ဘေဘီအဆင်သင့်ဖြစ်တဲ့အခါကျရင် လက်ထပ်ပွဲကျင်းပခွင့်ပေးပါ"
ကောင်လေးကဦးဟန်၏တောင်းဆိုချက်ကိုခေါင်းညိတ်လက်ခံလိုက်သည်။ ကောင်လေး၏သဘောအရ စီစဥ်ထားသမျှအရာအားလုံးကိုဖျက်သိမ်းလိုက်ပြီး လက်မှတ်ထိုးရန်သာစီစဥ်လိုက်သည်။ ဦးဟန်အနေနဲ့ ကောင်လေးကိုအပြည့်အဝကာကွယ်မှုပေးချင်သည်မို့ သူ့တစ်ဦးတည်းသောအပိုင်လေးဖြစ်ချင်သည်မို့ မနက်ဖြန်ချက်ချင်းလက်မှတ်ထိုးရန်စီစဥ်လိုက်သည်။ ကောင်လေးကလည်း ဦးဟန်၏စီစဥ်မှုအပေါ်မှာ ထပ်မံငြင်းဆိုခြင်းမရှိဘဲ အသာတကြည်လက်ခံပေးပါသည်။
ВЫ ЧИТАЕТЕ
သူနဲ့ကျွန်တော် (Season - 3)
Любовные романыဤဇာတ်လမ်း ဇာတ်ကွက်ဖြစ်ရပ်များသည် စာရေးသူ၏စိတ်ကူးယဥ်သပ်သပ်သာဖြစ်သည်။ မည်သူတစ်ဦးတစ်ယောက်ကိုမှ ထိခိုက်လ်ုစေခြင်းမရှိပါ။
