မင်းသွေးစက်ကိုမြင်လိုက်ရတဲ့ကောင်လေးကအရမ်းကိုလန့်သွားသည့်ပုံပင်။ ကောင်လေးလည်းလန့်သလို သွေးစက်လည်းအရမ်းလန့်ရသည်။ သူ့ကောင်လေးဘာတွေများအဲ့လောက်တောင်လျှို့ဝှက်ထားရလေသလဲ။
"ဒီ ... ဒီကို ဘယ်လိုရောက်လာတာလဲကိုကို"
"ကလေး ဘာတွေလုပ်နေတာလဲ ... ကလေးမှာ ရောဂါတစ်ခုခုများရှိနေတာလား ... ဟင် ပြောပါဦးကလေးရယ် ကိုယ်ထူပူနေရပြီ"
"ဒီက နိုင်လင်းရဲ့အမျိုးသားလား"
၂ယောက်ရှုပ်နေစဥ် ဝင်လာသည့်ဆရာဝန်၏စကားသံကြောင့် သွေးစက်ဆရာဝန်ကိုလှည့်ကြည့်မိသည်။ အခုအခြေအနေကြီးက သွေးစက်အတွက် အရမ်းကိုအေးစက်နေသလိုပင်။ အလင်းရဲ့မျက်လုံးလေးတွေကလည်း သူ့ကိုကြည့်ပြီး တုန်လှုပ်နေသလိုပင်။
"ဟုတ်ပါတယ် ... သူဘာများဖြစ်လို့လဲဟင် ရောဂါတစ်ခုခုများဖြစ်နေတာလား"
"အရင်ထိုင်လိုက်ပါဦး ... ရောက်လာတာအတော်ပဲ ကျွန်တော်လည်းကိုမင်းသွေးစက်ကိုတွေ့ချင်နေတာပါ"
"ကျွန်တော့်ကိုသိနေတာလား"
"ဆိုပါတော့ ..."
ဆရာဝန်ကတောင်သူ့ကိုသိနေတာတဲ့လား။ ဒါဘယ်လိုအခြေအနေကြီးလဲ။ သူအတတ်နိုင်ဆုံးစိတ်ကိုအေးအေးထားလိုက်ပြီး ထိုင်လိုက်သည်။
"မောင်နိုင်လင်း ထိုင်လေ ... အခုမှကြောက်မနေပါနဲ့တော့ နောက်လည်းပြောရမှာပဲမလား"
ဆရာဝန်၏စကားတွေက သွေးစက်ကို အကြီးအကျယ်ထိတ်လန့်စေသည်။
"မောင်နိုင်လင်းက သားအိမ်အစားထိုးမှုတွေလုပ်ထားတာသိလား"
"ဗျာ ..."
"သားအိမ်အစားထိုးမှုလုပ်ထားတယ် အဲ့တာခင်ပွန်းဖြစ်သူကသိလားလို့မေးနေတာပါ"
သွေးစက် ခေါင်းတွေချာချာလည်ချင်သွားရသည်။ ဒီဆရာဝန်ကဘာတွေလာပြောနေတာလဲမသိ။ သူ့ကောင်လေးကဘာလို့သားအိမ်အစားထိုးရမှာလဲ။ ဒီဆရာဝန်ဟာသတွေလာပြောနေတာပဲလို့သာတွေးမိသည်။
DU LIEST GERADE
သူနဲ့ကျွန်တော် (Season - 3)
Romantikဤဇာတ်လမ်း ဇာတ်ကွက်ဖြစ်ရပ်များသည် စာရေးသူ၏စိတ်ကူးယဥ်သပ်သပ်သာဖြစ်သည်။ မည်သူတစ်ဦးတစ်ယောက်ကိုမှ ထိခိုက်လ်ုစေခြင်းမရှိပါ။
