သော်ဇေ့ကိုဆောင်းဦးဟန်ကဖုန်းဆက်ချိန်းသည်မို့ ကော်ဖီဆိုင်ကလေးတစ်ဆိုင်သို့ရောက်လာလေသည်။ သော်ဇေဝင်လာသည့်အချိန်တွင် ဆောင်းဦးဟန်ကရောက်နေနှင့်ပြီးဖြစ်သည်။
"မင်းကော်ဖီသောက်မလား"
"ရတယ် မသောက်တော့ဘူး ... မင်းချိန်းတာဘာကိစ္စရှိလို့လဲ"
ဆောင်းဦးဟန်သည် မပြောလို့ကလည်းမဖြစ် ပြောရလည်းခက်နေသည့်အခြေအနေရောက်နေသည်။ လည်ပင်းပွတ်လိုက် လက်တွေပွတ်လိုက်နဲ့ စကားပြောရန်အရှိန်ယူနေသည်။
"ဆောင်းဦးဟန် ပြောစရာရှိတာပြောလေ ... ငါအချိန်သိပ်မရဘူး"
"အေး ပြောမယ် ... ငါရှေ့မျက်နှာနောက်ထားပြီးပြောပါရစေ ဦးဟန်မင်းမြတ်ကိုလေ ငါတို့ကုမ္ပဏီမှာရှယ်ယာဝင်ပေးဖို့အတွက် မင်းပြောပေးပါလား ... အဖေထောင်ကျနေတော့ ကုမ္ပဏီကတော်တော်ယိုင်နေပြီ ... ငါပြောဖို့ကျတော့အဆင်မပြေလို့ မင်းကနေတစ်ဆင့်အကူအညီလေးတောင်းခိုင်းချင်လို့ပါ"
"ငါပြောကြည့်ပေးမယ်လေ မင်းတို့ရောအဆင်ပြေရဲ့လား"
"အင်း အဆင်ပြေပါတယ် ... ငါလည်းဆေးကုသမှုခံယူနေတယ် မဟေသီလည်းသူ့ဟာနဲ့သူနည်းနည်းလေးတော့ပုံမှန်အနေအထားပြန်ရောက်လာပြီ ... ကုမ္ပဏီကနလန်ပြန်ထူနိုင်ဖို့အတွက်လိုအပ်နေလို့ပါ ကူညီပေးပါဦးသော်ဇေ ... အရက်ကကိစ္စတွေအားလုံးအတွက် ငါတောင်းပန်ပါတယ်"
"အဲ့တာတွေပြန်ပြောမနေပါနဲ့တော့ မင်းပြောတာကိုငါဦးဟန်ကိုပြောကြည့်ပေးမယ် ... အခုတော့ ငါသွားတော့မယ်နော်"
"ကော်ဖီလေးတောင်သောက်မသွားတော့ဘူးလား"
"ငါကော်ဖီသောက်လို့မရလို့ပါ ငါသွားပြီ"
သော်ဇေသည် ဦးဟန်မသိအောင်ခိုးထွက်လာရသည်မို့ အိမ်ကိုမြန်မြန်ပြန်ရလေသည်။ သော်ဇေအိမ်ပြန်ရောက်သည့်အခါ ဦးဟန်သည်ဆိုဖာပေါ်တွင်ထိုင်နေလေသည်။
"ဦးဟန်!"
ဦးဟန်စိတ်ဆိုးနေမှာတော့ကျိန်းသေပါသည်။ ဦးဟန်၏မျက်နှာကိုကြည့်သည်နှင့် ဘယ်လောက်စိတ်ဆိုးနေလဲဆိုသည်ကိုခန့်မှန်းနိုင်သည်။ ဦးဟန်၏ဘေးနားတွင်လည်း မနေ့တစ်နေ့ကမှအလုပ်ခန့်ထားသည့်အိမ်အကူကောင်မလေးကမတ်တပ်လေးရပ်နေသည်။ သော်ဇေသည် အိမ်အကူကောင်မလေးကိုချိန်းထားတာလေးရှိလို့သွားဦးမယ်လို့သာပြောပြီးထွက်လာခဲ့သည်မို့ ကောင်မလေးကဦးဟန်ကိုပြောပြလိုက်သည်မှာ ကျိန်းသေနေပါသည်။
ВЫ ЧИТАЕТЕ
သူနဲ့ကျွန်တော် (Season - 3)
Любовные романыဤဇာတ်လမ်း ဇာတ်ကွက်ဖြစ်ရပ်များသည် စာရေးသူ၏စိတ်ကူးယဥ်သပ်သပ်သာဖြစ်သည်။ မည်သူတစ်ဦးတစ်ယောက်ကိုမှ ထိခိုက်လ်ုစေခြင်းမရှိပါ။