ဦးဟန်၏အရှေ့တွင် ကောင်လေးတစ်ယောက်အား ပါးစပ်ကိုပိတ် ခန္ဓာကိုယ်ကိုကြိုးတွေဖြင့်တုပ်ထားလေ၏ ။ ဦးဟန် ထိုကောင်လေးကိုမြင်နေရသည်က မျက်ရည်များပြည့်လျှံလာပြီး ခေါင်းကိုခါရမ်းနေ၏ ။
"မလုပ်ပါနဲ့ မလုပ်လိုက်ပါနဲ့ ... ကျွန်တော်တောင်းပန်ပါတယ် မလုပ်လိုက်ပါနဲ့"
ထိုကြိုးတုပ်ဖမ်းဆီးခံထားရသည့်ကောင်လေး၏အရှေ့တွင် လူတစ်ယောက်အားဒူးထောက်တောင်းပန်နေသည့်ကောင်လေးတစ်ယောက်ကိုလည်းမြင်နေရပါသေးသည်။ မတ်တပ်နေသည့်လူသည် လက်ထဲတွင်လည်းသံတုတ်တစ်ချောင်းကိုကိုင်ထားသည်။
"တောင်းပန်ပါတယ် ... ကျွန်တော်ပြင်ပါ့မယ် ကျွန်တော့်ကိုသာကြိုက်သလိုပြုပြင်ပါ ... သူ့ကိုတော့ဘာမှမလုပ်လိုက်ပါနဲ့"
သံတုတ်ချောင်းကိုကိုင်ထားသည့်လူက ဦးဟန်ရှိနေသည့်ဘက်ကိုလှည့်ကြည့်ပြီး ခြောက်ခြားစွာပြုံးလျက်ပြောသည်။
"ဒီအတိတ်ကိုမင်းမေ့ပစ်လိုက်ပြီလား"
သော်ဇေနဲ့အတူအိပ်ပျော်နေသည့်ဦးဟန်သည် ရုတ်တရက်ကြီးရုန်းကန်လာပြီး ပါးစပ်မှလည်းကယောင်ကတမ်းတွေအော်ဟစ်နေလေသည်။
"မလုပ်လိုက်ပါနဲ့ သူ့ကိုတော့မထိလိုက်ပါနဲ့ ... မလုပ်ပါနဲ့"
"ဦးဟန် ဦးဟန် ..."
သော်ဇေလည်းဦးဟန်၏လှုပ်ရှားမှုနှင့်အသံကြောင့်နိုးလာပြီး အခန်းမီးကိုအမြန်ပြေးဖွင့်ကာ ဦးဟန်ကိုအတင်းလှုပ်နိုးရပါတော့သည်။
"ဦးဟန် ဦးဟန် ..."
အတော်ကြာလေးလှုပ်နှိုးလိုက်မှ ဦးဟန်သည်ချွေးများရွှဲနစ်စွာဖြင့်နိုးလာပါတော့သည်။ သူနိုးနိုးချင်း သော်ဇေ့ကိုမြင်လိုက်ရသည်ကြောင့် သူစိတ်သက်သာရာရသွားရသည်။
"ဦးဟန်အိမ်မက်ဆိုးတွေမက်တယ်ထင်တယ် ... ခဏလေးနော် ကျွန်တော်ရေသွားယူပေးမယ်"
ဦးဟန် ငုတ်တုပ်ထထိုင်လိုက်ပြီး ခေါင်းညိတ်ပြလိုက်သည်။ လန့်ထားသည့်အရှိန်ကြောင့်စကားလည်းပြောမထွက်သေးပါ။
ВЫ ЧИТАЕТЕ
သူနဲ့ကျွန်တော် (Season - 3)
Любовные романыဤဇာတ်လမ်း ဇာတ်ကွက်ဖြစ်ရပ်များသည် စာရေးသူ၏စိတ်ကူးယဥ်သပ်သပ်သာဖြစ်သည်။ မည်သူတစ်ဦးတစ်ယောက်ကိုမှ ထိခိုက်လ်ုစေခြင်းမရှိပါ။