"ဒီဘက်ကိုကြွပါအစ်ကိုလေး"
ဒီနေ့ နိုင်လင်းသည်မင်းသွေးစက်ဆီ၌အလုပ်စဝင်ရသည့်နေ့ဖြစ်သည်။ မနက်စောစောသူ့အိမ်ကိုလာခဲ့ရန်အမိန့်ပေးထားသည်မို့ အလုပ်ချိန်မတိုင်မီ မင်းသွေးစက်၏အိမ်သို့ရောက်လာရသည်။ သူ့ကိုလမ်းပြပေးသည့်မိန်းကလေးကတံခါးချပ်နှစ်ချပ်ဖြင့်ဖွဲ့စည်းထားသည့်အခန်းတံခါးအကြီးကြီးအရှေ့သို့ရောက်သည့်အခါရပ်တန့်လိုက်ပြီး အခန်းတံခါးကိုဖြည်းဖြည်းညှင်သာစွာခေါက်လိုက်သည်။
"အစ်ကိုသွေးစက်ရှင့် အစ်ကိုလေးနိုင်လင်းရောက်ပါပြီ"
"အထဲကိုလွှတ်လိုက်"
"ဟုတ်ကဲ့ပါ"
မင်းသွေးစက်၏အိမ်ကြီးသည် သုံးထပ်ကိုမှခြံအကျယ်ကြီးထဲတွင်တည်ရှိသည်။ အိမ်ကြီးကိုကြည့်သည်နှင့်မင်းသွေးစက်၏ချမ်းသာကြွယ်ဝမှုကအတိုင်းအတာမရှိဆိုတာကိုသိနိုင်သည်။ ချမ်းသာတဲ့လူတွေကျတော့လည်းချမ်းသာလိုက်ကြတာ ဘိန်းများမှောင်ခိုသွင်းကြလေသလားလို့ နိုင်လင်းစိတ်ထဲတွင်တွေးနေမိသည်။
"မင်းထွက်သွားလို့ရပြီ"
"ဟုတ်ကဲ့"
နိုင်လင်းကိုလမ်းပြပေးသည့်ကောင်မလေးကအခန်းအပြင်ဘက်ကိုထွက်သွားပြီး အခန်းတံခါးကြီးကိုပိတ်သွားလေသည်။ နိုင်လင်းသည် အရှေ့လည်းမတိုးအနောက်လည်းမဆုတ်ဘဲ အခန်းတံခါးအနားတွင်သာတောင့်တောင့်ကြီးရပ်နေလေသည်။ မင်းသွေးစက်၏အခန်းကြီးသည် သူတို့ရပ်ကွက်တစ်ကွက်စာလောက်ကျယ်လောက်သည်ကိုလည်းစိတ်ထဲမှာတွက်ချက်နေသေးသည်။
"ဒီနားကိုတိုးလာခဲ့"
"ဗျာ!"
"မင်းကိုငါ့အနားလာခဲ့လို့ပြောနေတာ ငါစကားကိုနှစ်ခါထပ်မပြောချင်ဘူး"
"ဟုတ်"
နိုင်လင်း ကြောက်ရွံ့စွာနဲ့ပဲမင်းသွေးစက်အနားကိုရောက်သွားလေသည်။ မင်းသွေးစက်သည် သူ့မျက်နှာကိုသေချာမော့ယူပြီးကြည့်နေလေသည်။ နိုင်လင်းလည်းထိတ်လန့်နေတော့ အသက်ပင်မရှူမိပါ။ မင်းသွေးစက်၏နှုတ်ခမ်းလေးမသိမသာကွေးတက်သွားသည်။
YOU ARE READING
သူနဲ့ကျွန်တော် (Season - 3)
Romanceဤဇာတ်လမ်း ဇာတ်ကွက်ဖြစ်ရပ်များသည် စာရေးသူ၏စိတ်ကူးယဥ်သပ်သပ်သာဖြစ်သည်။ မည်သူတစ်ဦးတစ်ယောက်ကိုမှ ထိခိုက်လ်ုစေခြင်းမရှိပါ။
