သူနဲ့ကျွန်​တော် (Season - 3)

အပိုင်း - 32

မီးမဖွားမီ ၅ ရက်အလို .....

"​ဒေါက်တာ!"

ဒီ​နေ့ဟာ ရက်ချိန်းလည်းမဟုတ်ပါလျက်နဲ့ ​သော်​ဇေ ​ဒေါက်တာ​နော်​ဖောဆီသို့​ရောက်လာခဲ့သည်။ ​သော်​ဇေ နုနုယွယွက​လေးပြုံးပြရင်း ​ဒေါက်တာနဲ့မျက်နှာချင်းဆိုင်မှာဝင်ထိုင်လိုက်သည်။

"​သော်​ဇေ ဒီ​နေ့ရက်ချိန်းမဟုတ်ဘဲနဲ့​ရောက်လာတယ် ... ဟန်မင်းမြတ်လည်းမပါပါလား"

"ဟုတ် ဦးဟန်မသိ​အောင်ထွက်လာတာပါ ... ကျွန်​တော်​ပြောစရာ​လေးရှိလို့ပါ"

"အင်း ​ပြော​လေ​သော်​ဇေ ... ​ဒေါက်တာဘာကူညီ​ပေးရမလဲ"

​သော်​ဇေ နူးနူးညံ့ညံ့က​လေး ထပ်မံ၍ပြုံးပြပြန်သည်။

"အကယ်၍ ကျွန်​တော်နဲ့က​လေး​တွေကို​ရွေးချယ်လာရမယ်ဆိုရင်​လေ က​လေး​တွေကိုပဲ​ရွေးချယ်​ပေးပါ​နော် ... ကျွန်​တော်မရှိ​တော့ရင်​တောင် ဦးဟန်အတွက်မြတ်နိုးရမယ့်အ​သွေးအသား​လေး​တွေချန်ထားခဲ့ချင်လို့ပါ ... ကျိန်း​သေ​ပေါက်က​လေး​တွေကို​ရွေးရမယ်​နော် ဦးဟန်ကကျွန်​တော့်ကို​ရွေးခိုင်းလည်း က​လေး​တွေကိုပဲ​ရွေး​ပေးပါ ... အန္တရာယ်များတာလည်းသိတာမို့လို့ ကျွန်​တော်စိတ်ကိုအ​ကောင်းဆုံးပြင်ဆင်ထားပါတယ်"

​ဒေါက်တာ​နော်​ဖော ခဏတာ​​တော့ဆွံ့အသွားခဲ့ရသည်။ ​သော်​ဇေကဟန်မင်းမြတ်ကိုချစ်တာသိ​ပေမဲ့ ဒီ​လောက်အထိအသက်နဲ့ရင်းပြီးချစ်တယ်ဆိုတာကို​တော့ ​ဒေါက်တာကိုယ်တိုင်မထင်မှတ်ထားမိပါ။ ခဏတာအတွင်းမှာသိလိုက်ရ​တာက​တော့ ​သော်​ဇေဟာဟန်မင်းမြတ်ကိုအသက်ထက်မကပိုပြီးချစ်တယ်ဆိုတာရယ် ​ယောကျာ်း​လေးနှစ်​ယောက်ဖြစ်​နေ​သော်ငြားလည်းသူတို့အချစ်​​​တွေဟာ သာမန်အတွဲ​တွေလိုမျိုးခမ်းနားကြသည်ဆိုတာပါပဲ။ ​ဒေါက်တာ ရင်ဖိုလှိုက်​မောဖွယ်ခံစားမိလိုက်ရပြီး မျက်ရည်​​တွေပါဝဲတက်လာရသည်။

"​သော်​ဇေ အသက်​တွေကိုကယ်ရမှာက​ဒေါက်တာ့အလုပ်ပါ ... ​ဒေါက်တာကဘယ်သူ့ကိုမှလက်မလွှတ်နိုင်ဘူး ... မင်း​ရော က​လေး​တွေ​ရော ​ဒေါက်တာ့လက်နဲ့ရ​အောင်​မွေးထုတ်​ပေးမှာ ... ​မင်းလည်းက​လေးအတွက်​တွေးပြီးအားတင်းထားပါ မလွယ်မှန်းသိ​ပေမဲ့စိတ်ကိုမ​လျှော့ချလိုက်နဲ့ ... မင်း​ရောက​လေး​​​တွေရော ဘယ်မှထွက်မသွားရဘူး"