"ငါဘယ်ရောက်နေတာလဲ"
သော်ဇေနောက်ဆုံးသတိရတာကတော့ သူတိုက်ခန်းထဲကနေထွက်လာသည့်အထိဖြစ်သည်။ သူ့ကို ဦးဟန်ကခေါ်ခိုင်းလိုက်သည်ဟုပြောပြီးလာခေါ်သည့်လူအချို့က သူ့ကိုအတင်းဖမ်းချုပ်လိုက်တာကိုလည်းသူမှတ်မိသည်။
"ဘယ်လိုလဲ သတိရလာပြီလား"
တည်ငြိမ်သည့်အသံတစ်သံသူ့နားထဲသို့ဝင်ရောက်လာသည်။ ဒီအသံကို သူရင်းရင်းနှီးနှီးကြားဖူးနေသည်။ သူဘယ်မှာဒီအသံကိုကြားဖူးခဲ့တာလဲ။
"သူ့မျက်လုံးကအဝတ်ကိုဖယ်ပေးလိုက်"
အဝတ်စကိုဖယ်လိုက်သည့်အခါ သူ့မျက်လုံးထဲသို့စူးရှစွာဝင်ရောက်လာသည့်အလင်းရောင်ကြောင့် သော်ဇေမျက်လုံးကိုချက်ချင်းမဖွင့်နိုင်သေးပါ။ ခဏလောက်မျက်လုံးမှိတ်ထားပြီးမှ မျက်လုံးကိုဖွင့်ကြည့်လိုက်သည်။
"ဦးအောင်မင်းလတ်!"
သော်ဇေမျက်လုံးဖွင့်ဖွင့်ချင်းမြင်လိုက်ရသည့်လူကြောင့် သော်ဇေလန့်သွားသည်။ ဦးဟန်နဲ့သူနဲ့တွဲနေတာကို ဦးအောင်မင်းလတ်သဘောမကျတာကြောင့်လုပ်တယ်ဆိုတာကိုလည်း သော်ဇေတစ်ခါတည်းတွေးလိုက်မိသည်။
"အကြောင်းအရင်းကိုမင်းသိတယ်မလား"
"ဟုတ်ကဲ့ သိပါတယ် ... ဒါပေမဲ့ ဒီလောက်အထိလုပ်ဖို့လိုလို့လား"
"ကျစ် ... မင်းကဟန်မင်းမြတ်အကြောင်းကိုကောင်းကောင်းမသိသေးဘူးထင်တယ်"
ဦးအောင်မင်းလတ်ကဆေးလိပ်ကိုမီးညှိလိုက်ပြီးဆက်ပြောသည်။
"ဒီနေရာကမင်းပိုင်ဆိုင်ရမယ့်နေရာမဟုတ်ဘူးဆိုတာ မင်းသိသင့်တယ် ... အန်ကယ့်သားဟန်မင်းမြတ်က ထက်မြက်တဲ့မိန်းကလေးနဲ့လက်ထပ်ပြီးပျော်ရွှင်တဲ့မိသားစုလေးတစ်ခုကိုတည်ထောင်ရမယ့်လူ ... မင်းလိုမိဘမဲ့တစ်ယောက်ကအန်ကယ့်သားဘေးနားမှာရှိနေစရာမလိုဘူး အဆင့်အတန်းချင်းမတူဘူးလေ ... ပြီးတော့ မင်းကယောကျ်ားလေး ... မင်းသိလား အန်ကယ်ကအခြောက်တွေဆိုအရမ်းရွံ့မုန်းတာ မင်းလိုလူတွေပေါ့"
"အန်ကယ့်ခံစားချက်ကို ကျွန်တော်နားလည်ပါတယ် ... ဒါပေမဲ့ ကျွန်တော့်ကိုလွှတ်ပေးပါ ... အခုလောက်ဆို ဦးဟန်အရမ်းစိတ်ပူပြီးရှာနေလောက်ပြီဗျာ့ ... ကျွန်တော့်ကြောင့်ဦးဟန်ကိုအပူတွေမပေးချင်လို့ပါ"
ESTÁS LEYENDO
သူနဲ့ကျွန်တော် (Season - 3)
Romanceဤဇာတ်လမ်း ဇာတ်ကွက်ဖြစ်ရပ်များသည် စာရေးသူ၏စိတ်ကူးယဥ်သပ်သပ်သာဖြစ်သည်။ မည်သူတစ်ဦးတစ်ယောက်ကိုမှ ထိခိုက်လ်ုစေခြင်းမရှိပါ။
