ကြယ်ကလေးတွေတလက်လက်နဲ့အလှဆင်ထားသည့်ကောင်းကင်ကြီးကို သော်ဇေမော့ကြည့်နေမိသည်။ ဒီလိုခမ်းခမ်းနားနားမင်္ဂလာဆောင်ကို သူ့မိဘတွေများရှိခဲ့လျှင်ဘယ်လောက်တောင်ဝမ်းသာလိုက်ကြမလဲ။ မြေးလေးတွေကိုလည်းအရမ်းချစ်ကြရှာမှာလို့ သူတွေးနေမိသည်။
"ဘေဘီ ကိုယ်တို့ရေကူးကြရအောင်"
ဦးဟန်သည် သော်ဇေ့ကိုအနောက်ဘက်မှသိုင်းဖက်လိုက်ပြီး ပုခုံးပေါ်မေးတင်ထားလိုက်သည်။ သူ့ကိုသိုင်းဖက်ထားသည့်လက်အစုံကို သေချာလေးထပ်ကိုင်လိုက်ပြီး ဦးဟန်၏ရင်ခွင်ထဲမှာမှီနေလိုက်သည်။
"ခဏလေး ဒီလိုလေးနေချင်သေးတယ်"
"ဘေဘီဆန္ဒရှိသလောက်နေလို့ရပါတယ် ... ဒီနေ့ပျော်ရဲ့လား"
"အင်း အရမ်းပျော်ပါတယ် ... ကျွန်တော့်ကိုစိတ်ချမ်းသာအောင်ထားပေးလို့ပိုပြီးပျော်တယ်"
"ဘေဘီ့ကိုလည်းကိုယ့်ဆီလာပေးလို့ ကိုယ်ကျေးဇူးအများကြီးတင်တယ်"
ဦးဟန်သည် သော်ဇေ့၏ခေါင်းလုံးလုံးလေးကိုနမ်းရှိုက်လိုက်ပြီး နားထင်လေးကိုလည်းဖိကပ်နမ်းလိုက်သည်။ သော်ဇေကဦးဟန်ကိုမော့ကြည့်လာသည်။
"ရေသွားကူးကြမယ်"
ဟိုတယ်အခန်းထဲမှာကိုပင် မှန်ခန်းများဖြင့်ကာရံထားသည့် ရေကူးကန်ကလေးပါသည်။ ရေကန်လေးရှိသည့်အခန်းထဲသို့ဝင်လိုက်ပြီး အရင်ဆုံးရေငုပ်လိုက်ကြသည်။
"လန်းဆန်းသွားတာပဲ"
သော်ဇေသည်မျက်နှာပေါ်ကရေတွေကိုသပ်ချပစ်လိုက်ပြီးပြောသည်။ ဦးဟန်ကရေကန်ဘောင်ကိုမှီလိုက်ပြီး သော်ဇေ့ကိုသူ့ရင်ခွင်ထဲသို့လာရင်ခေါ်သည်။
"ဘေဘီ ဒီကိုလာ"
သော်ဇေသည် ဦးဟန်၏ရင်ခွင်ကိုမှီလိုက်ပြီး ပြုံးနေလေသည်။ ဦးဟန်က သော်ဇေ့၏ပုခုံးလေးကို နမ်းလိုက်ခွာလိုက်လုပ်နေလေသည်။ ဦးဟန်၏လက်တွေကလည်း သော်ဇေ၏ခန္ဓာကိုယ်ပေါ်တွင် လှုပ်ရှားသွားလာနေသည်။ တဖြည်းဖြည်းနဲ့သော်ဇေ့မျက်လုံးလေးတွေ မှေးစင်းလာသည်။ သော်ဇေသားနဲ့သမီးလေးကိုမွေးဖွားပြီးကတည်းက အတူမနေခဲ့သည်မှာ ယနေ့ထက်ထိပင်ဖြစ်သည်။ သော်ဇေ၏ကျန်းမာရေးကြောင့်တစ်ကြောင်း ခွဲစိတ်ထားရသည့်ဒဏ်ကြောင့်တစ်ကြောင်းနဲ့ ဦးဟန် သူ့ဆန္ဒတွေကိုတစ်ခါမှမတောင်းဆိုခဲ့ပါ။
YOU ARE READING
သူနဲ့ကျွန်တော် (Season - 3)
Romanceဤဇာတ်လမ်း ဇာတ်ကွက်ဖြစ်ရပ်များသည် စာရေးသူ၏စိတ်ကူးယဥ်သပ်သပ်သာဖြစ်သည်။ မည်သူတစ်ဦးတစ်ယောက်ကိုမှ ထိခိုက်လ်ုစေခြင်းမရှိပါ။
