သူနဲ့ကျွန်​တော် (Season - 3)

အခန်း - 35

အငိုတိတ်ပါ​တော့က​လေးရယ် မင်းလိုပဲငါ​ကြေကွဲတယ် ဘဝတစ်ခုလုံးစာပုံပြီး မင်းချစ်ခဲ့တာ မတန်ဘူးကွယ် .....

​ရှောင်ပုန်းကာထွက်​ပြေးခဲ့ သစ္စာမဲ့သူကိုမလွမ်းနဲ့ နင်ငိုတာရပ်ပြီး​ပျော်​အောင်အိပ်ဦးကွယ် .....

တီးတိုးရှိုက်ငိုသူ​လေးအား ​ချွေးသိပ်ချော့မြူပုံ​တေးသွား ငါ့ရဲ့အချစ်နဲ့မင်းကို ​နောက်ထပ်ငိုခွင့်မပြုပါ .....

မင်းလက်တွဲ​ခေါ်ယူ​ဖေးမ ​မှေးစက်နားခိုပါ ဘဝတစ်ခုစာ မငိုပါနဲ့ ကိုယ့်အချစ်နဲ့ကုစား​တော့မှာ .....

ဟိုတယ်၏အခန်းတစ်ခန်းထဲတွင် မိတ်ကပ်artist, stylist, မိဘအသိုင်းအဝိုင်းများနဲ့ရှုပ်ယှက်ခက်​နေ​လေသည်။ ယ​နေ့သည် ​မောင်​သော်​ဇေနဲ့ဦးဟန်မင်းမြတ်တို့၏ မင်္ဂလာ​နေ့​လေးဖြစ်သည်။ Make up artist က ဦးဟန်ကိုအရင်ပြင်ဆင်မှုလုပ်​ပေး​နေသည်ကို Bathrobe အဖြူ​လေးဝတ်ထားသည့်​သော်​ဇေက ​ဘေးနားမှာထိုင်ခုံ​လေးနဲ့ထိုင်ပြီး တစိမ့်စိမ့်ထိုင်ကြည့်​နေသည်။

"​ဘေဘီ ကိုယ်ရှက်လာပြီ​နော်"

"ဘာကိုရှက်တာလဲ ဦးဟန်ရဲ့​ချော​မောမှု​တွေကိုတစိမ့်စိမ့်ထိုင်ကြည့်​နေတာ"

"​ဘေဘီ့ရဲ့​ယောကျာ်းပဲ ဒီ​လောက်​တော့ရှိမှာ​ပေါ့"

ဦးဟန်၏စကားအဆုံး ​သော်​ဇေကတခစ်ခစ်နဲ့သ​ဘောတကျရယ်​လေသည်။ ပုံမှန်ဆို ဆံပင်ကိုဒီအတိုင်းချထား​​လေ့ရှိသည့်ဦးဟန်သည် အခု​တော့ ဆံပင်ကိုအလယ်ခွဲလိုက်ပြီး အရမ်းမိမိုက်​နေ​လေသည်။

"ကျွန်​တော့်လူကြီးက​ချောလိုက်တာ"

"ဒါ​တောင်ကိုယ်အင်္ကျီမလဲရ​သေးဘူး​နော် ကိုယ်အင်္ကျီလဲပြီးရင်​ဘေဘီဘယ်လိုလုပ်မလဲ"

"မဖြစ်​သေးဘူး ဒီလူကြီးကိုက​လေးအ​ဖေပါစာကပ်​ပေးထားရမယ် ... တစ်​ယောက်​တောင်မဟုတ်ဘူး က​လေးနှစ်​ယောက်အ​ဖေလို့​ရေး​ပေးထားရမယ်"

Make up artist က ပြင်ဆင်​ပေး​နေရင်း ဒီ​ကောင်​လေးနှစ်​ယောက်၏စကား​ကြောင့်ရယ်မိသည်။ ဦးဟန်၏ဝတ်စုံက အမဲ​ရောင် Suit ​ပေါ်မှာ ဘယ်ဘက်အခြမ်းတွင် TZ's ဆိုသည့်စာတန်း​လေးထိုးထားသည်။ ​သော်​ဇေ၏ဝတ်စုံ​လေးက အဖြူ​ရောင်​လေးဖြစ်ပြီး ဘယ်ဘက်အခြမ်းတွင် HMM's ဟုစာတန်းထိုးထားသည်။ ​သော်​ဇေ့အတွက် flower crown ​​လေးလုပ်​ပေးထားသည်ကို ဆူမို​လေးကဦးဟန်အတွက်ပါ တိတ်တိတ်​လေးခိုးမှာထား​လေသည်။