"အလင်းလေး အလင်းလေး ... အလင်းလေး ကိုယ်ပြောတာနားထောင်ပါဦး"
အဝတ်အစားအိတ်ကြီးဆွဲပြီးထွက်လာသည့်နိုင်လင်း၏အနောက်သို့ မင်းသွေးစက်ပြေးလိုက်လာသည်။ နိုင်လင်း၏လက်ကလေးကိုလှမ်းဆွဲလိုက်သည်။
"ကျွန်တော့်ကိုမထိနဲ့ ... ခင်ဗျားဆီကကျွန်တော်အလုပ်ထွက်တယ်"
"ကိုယ်ပြောတာအရင်နားထောင်ပါဦး"
"နားမထောင်ချင်ဘူး ... ခင်ဗျားကတော့အသုံးချလို့ရနေတော့ပျော်နေမှာပေါ့ ကျွန်တော်ကတော့အသုံးချခံလိုက်ရလို့သေလောက်အောင်နာကျင်ရတယ်"
"ကိုယ်မင်းကိုဘယ်တုန်းကမှအသုံးမချခဲ့ဖူးဘူး"
"ဒါဆိုအဖြည့်ခံပေါ့ ... ခင်ဗျားရဲ့အရင်ချစ်သူကိုသတိရတိုင်း ကျွန်တော့်ကိုအသုံးချနေတာပေါ့ ... ပျော်လား အဲ့လိုလုပ်ရတာသိပ်ကျေနပ်နေလား"
နိုင်လင်းသည် ပစ္စည်းတစ်ခုကိုရှာဖွေရင်း မင်းသွေးစက်၏စားပွဲအံဆွဲထဲမှ ဓါတ်ပုံလေးတစ်ခုကိုသွားတွေ့လေသည်။ ဓါတ်ပုံထဲကကောင်လေးသည် နိုင်လင်းနဲ့ရုပ်ချင်းအနည်းငယ်ဆင်နေပြီး မင်းသွေးစက်ကိုဖက်နမ်းနေသည်။
"ဒါကဘယ်သူလဲ"
မင်းသွေးစက်ဆီသို့ဓါတ်ပုံကိုယူသွားပြီးမေးလိုက်သည်။ မင်းသွေးစက်ကဓါတ်ပုံကိုချက်ချင်းဆွဲယူလိုက်ပြီး စားပွဲပေါ်မှာမှောက်တင်ထားလိုက်သည်။
"သူနဲ့ကျွန်တော်ကရုပ်ချင်းနည်းနည်းဆင်နေသလိုပဲ သူကဘယ်သူလဲ ... ဧကန္တ ခင်ဗျားရဲ့အရင်ချစ်သူလား"
မင်းသွေးစက်ကဘာမှပြန်မဖြေဘဲ ငြိမ်နေသည်။ အခုမှပဲ ဇာတ်လမ်းကိုနိုင်လင်းတဖြည်းဖြည်းသဘောပေါက်လာရသည်။
"ဒါဆို ခင်ဗျားအနားခေါ်ထားတာသူ့ကြောင့်ပေါ့ ... ဟိုလူ့ရှောင်ချင် ဒီလူ့ရှောင်ချင်လို့ဆိုတာအကြောင်းပြချက်သပ်သပ်ပဲပေါ့ ... ခင်ဗျားကကျွန်တော့်ကိုအသုံးချခဲ့တာပေါ့ ခင်ဗျားချစ်သူနေရာမှာကျွန်တော့်ကိုပိုက်ဆံနဲ့ပစ်ပေါက်ပြီးအစားထိုးခဲ့တာပေါ့"
YOU ARE READING
သူနဲ့ကျွန်တော် (Season - 3)
Romanceဤဇာတ်လမ်း ဇာတ်ကွက်ဖြစ်ရပ်များသည် စာရေးသူ၏စိတ်ကူးယဥ်သပ်သပ်သာဖြစ်သည်။ မည်သူတစ်ဦးတစ်ယောက်ကိုမှ ထိခိုက်လ်ုစေခြင်းမရှိပါ။
