JUST FOR YOU ❤

JUST FOR YOU - Episode 23

ජිමින් සෝෆා එකෙන් ලිස්සලා යද්දි... ඒ ඒරියා එකම හිනා හඬවල් වලින් පිරිලා යනවත් එක්කම..  තමන්ගේ ඇඳුම් ෆිටෝන් කරලා ඒ අඩුපාඩු හදන්න දුන්නු හෝබි ෆිටෝන් රූම් එකෙන් එළියට ආවේ ඊළඟ වාරය ජන්ග්කූක්ට වග මතක් කරගෙනමයි.. තාමත් ජිමින්ට හිනා වෙවී හිටපු ජන්ග්කුක්, ඒ හිනාව පිටින්ම ඉඳගෙන ඉඳපු තැනින් නැගිටලා ෆිටෝන් ඒරියා එක පැත්තට යන්න යද්දිම වගේ..  කට්ටිය එක්කම හිනාවට එකතු වෙලා උන්න ආර්.එම් , එතනින් ටිකකට ඈත් වෙලා ජන්ග්කුක් ගාවට ආවේ ඉක්මන් ගමනෙන්..

" ජන්කුක්යාහ්... "

" වේ.. ? "

" ජන්කුක්යා..හ්.. ඇතුලට ගියාට පස්සේ අර ගර්ල්ට ඇහෙන්න පැණි කතා නම් කියන්න යන්න එපා...දෙවියන්ගෙ නාමේට ඒක නම් කරන්න එපා ජේ.කේ.."

" වේ..ඒ.. මම පැණි කතා කියන්නෑනේ පොඩි විහිළුවක් කරාට ඉතින්..වේ හ්යුන්ග් එහෙම කියන්නේ..  "

" එහෙම කියන්නේ මේකයි..  "

ජන්ග්කුක් ගාවට අඩියට දෙකට එන ගමන් ආර්.එම් , අනිත් අයට ඇහෙන නෑහෙන තරමින් ජන්ග්කුක්ට විස්තරය කිව්වත්.. අවසාන උපදෙස දෙන්න ටිකක් නතර උන ආර්.එම්, ජන්ග්කුක් ඉස්සරහින් නැවතිලා, කෝට් සාක්කුවේ දාගෙන තිබුණු අත් දෙකෙන් එකක් අරගෙන ජන්ග්කුක්ගේ උරහිසකට අත තියලා තමන්ගේ ගාවට ඇදලා අරගෙන කනට කරලා දුන්න උත්තරය නිසා ජන්ග්කුක්ට එක මොහොතකට තමන් හිටපු තැන.. කරන්න යන වැඩේ පවා අමතක උනේ... ඒ ලොකු, බෝල හා ඇස් දෙක උඩ යද්දි...

" මොනව කිව්වත් කමක් නෑ. අනම් මනම් කියන්න නම් එපා .  මොකද එයාට හොඳට කොරියන් පුළුවන්... ඒකයි.. ඔයා කියන දෙයක් පරිස්සමට.... "

" ඒ...හ්..  "

" යේ... එයා එදා ජින් හ්යුන්ග්ට ලැජ්ජා හිතෙයි කියලා තමයි ඉංග්‍රීසියෙන් කතා කරලා තියෙන්නෙ.."

" න..නම්ජුන් හ්යුන්ග් කොහොමද ඒක දන්නෙ.. "

" මම කතා කරා අපේ ටීම් එකේ වැඩ වලට එන එක ගැන අහන්න.. එතකොට තමයි දැනගත්තෙ..අපි මේ වැඩේ ඉවර උනාම අනිත් අයටත් කියමු. දැනට ඔයා විතරක් ඒක දැනගෙන හිටියම ඇති.. ඔයාගෙ හොඳට ඒක කිව්වෙ.. කුරෙසෝ... දැන් යන්න.. "
.
ජන්ග්කුක්, එක මොහොතකට ඒ දේවල් වලින් පුදුමයට පත් වෙද්දි වගේම එදා ජියැන්ගේ කැබින් එකේදි තමන් හැසිරුණ විදිහ ගැන වැරදිකාර සිතුවිල්ලක් හිතට එද්දි කොල්ලගෙ ඉරියව් මාරු වෙන මූණ දිහා බලාගෙන හිටපු ආර්.එම්. ජේ.කේ ගෙ පිටට තට්ටුවක් දාලා කොල්ලව කූල් කරන්න උත්සාහ කරේ.. කොයිතරම් ශක්තිමත් කියලා පිටට පෙන්නුවත් ජේ.කේ හරිම පොඩි දේටත් විශේෂයෙන් තමන්ගේ අයියලා සම්බන්ධ දේවල් වලදි ක්ෂණිකව සංවේදි වෙන තරම දන්න නිසාමයි..
________________________________________