ជុងហ្គុករៀបចំឯកសារដាក់ចូលទៅក្នុងវ៉ាលីតូចមួយហើយអោយលោកពូចូយកវាទៅទុកក្នុងឡាន ។ ការងាររបស់យ៉ុនហ្គីនិងនាយត្រូវទៅកាន់ណាដានិយាយធុរៈកិច្ចជាមួយលោកវីន ( Win ) ហើយទៅត្រឹមតែ 3 ថ្ងៃប៉ុណ្ណោះ ។
« ហេតុអីក៏ជុងធ្វើបែបនេះ?? » អ្នកស្រីចនព្យាយាមទាក់ទងទៅកូនប្រុស 5 - 6 ដងហើយប៉ុន្តែមិនចូលសោះ គាត់និយាយទាំងក្នុងចិត្តអន្ទះអន្ទែង គ្មាននរណា៎ម្នាក់ដឹងថានាយទៅណា៎ទេ ។
« សូមទោសផងអ្នកស្រីដែលខ្ញុំមិនបានសួរអ្នកប្រុសថាគាត់ទៅណា៎ » លោកពូចូអោនគំនាបពោលពាក្យសូមទោសទៅរកអ្នកស្រីចនព្រោះតែគាត់បានចូលនាយទៅដល់អាកាសយានដ្ឋានប៉ុន្តែបែរជាមិនបានសួរនាំនាយទៅណា៎ ។
« មិនអីទេ ទៅធ្វើការវិញចុះ » អ្នកស្រីចនគាត់ក៏មិនបន្ទោសយកពៃអ្វីដែរ កូនគាត់មិនមែនជាមនុស្សគ្មានហេតុផលនោះទេ ប្រហែលបន្តិចទៀតគេអាចនឹងទាក់ទងមកក៏ថាបាន ។
« មនុស្សចង្រៃ ទៅមិនប្រាប់គ្នាមួយម៉ាត់ » ថេយ៍គប់ខ្នើយទៅជញ្ជាំងជេរនាយតាមអ្វីដែលខ្លួនកំពុងតែខឹងពេលនេះ ខឹងអីណាស់ណា៎ទៅ បើសូម្បីតែប្រាប់ក៏មិនប្រាប់គ្នាមួយម៉ាត់ផង ។
« ហ្អឹកៗ. គួរអោយស្អប់ ហុីៗ. » ថេយ៍សកដៃអង្អែលពោះនិយាយមកទាំងយំសសឹក មនុស្សនេះពេលល្អក៏ល្អ ពេលមិនល្អក៏ទុកខ្លួននិងកូនចោលបាត់ ។
មួយម៉ោងក្រោយមកថេយ៍ក៏គេងលក់ស្ងាត់មាត់ក.ដោយមានទឹកភ្នែកជាប់នឹងថ្ពាល់ក្រពុំមិនទាន់ស្ងួតអស់នោះទេ ។
ថ្ងៃថ្មីបន្ទាប់ពីញុំាអាហារពេលព្រឹកហើយរួចរាល់លោកពូចូក៏បានជូនថេយ៍មកហាងជីមីនព្រោះតែអ្នកស្រីចនឃើញទឹកមុខគេមិនស្រស់បស់អាចថានឹកជុងហ្គុកទើបគាត់អោយពូចូនាំគេទៅរកជីមីនកុំអោយមើលមកធុញថប់ពេក ។ ហើយចំណែកឯរឿងថេយ៍អាចពរពោះមានកូនបាននោះពួកគាត់ក៏បានដឹងឮគ្រប់ៗ.គ្នា លោកតាចនបានផ្ដាំអោយគេមើលថែសុខភាព គាត់ពិតជាសប្បាយចិត្តព្រោះទីបំផុតគាត់មានចៅទួតហើយ ។
« លោកចនទៅកាន់ណាដាជាមួយបងយ៉ុន 3 ថ្ងៃទេ មិនមែន 3 ឆ្នាំឯណា៎ហេតុអីក៏ធ្វើទឹកមុខមើលតែមិនបានជួបគ្នារហូតបែបនោះ » ជីមីននិយាយរបៀបលេងសើចទៅរកថេយ៍ ពេលគេនៅធ្វើឯងអីណា៎ ប៉ុន្តែពេលគេទៅបាត់មើលទឹកមុខចុះដូចគេយកទៅចង់បាញ់យ៉ាងអញ្ចឹង ។
ВЫ ЧИТАЕТЕ
✯ លង់ស្នេហ៍ភរិយាក្លែងក្លាយ ✯
Фанфикшнរត់គេចពីការផ្គូរផ្គង់ តែបែរជាមកធ្លាក់ក្នុងអន្លង់ស្នេហ៍ភរិយាក្លែងក្លាយ*ម្នាក់នេះទៅវិញ.... ។ #គ្រាន់តែបោកបញ្ឆោតថាត្រឹមជាសង្សារក្លែងក្លាយ តែពួកគាត់ក៏បង្ខំអោយរៀបការ !!! # តាមហួងហែងគេ តាមបារម្ភខ្វល់ខ្វាយពីគេ តើបានអ្វីមកវិញ?? #ស្រលាញ់គេ តែបើជាមិនព្រមសា...
