Zombies From Nowhere

Chapter 07

Tada! Another Christmas update!

Jamira

Nakaramdam ako ng kati sa lalamunan, kaya napaubo ako. Kaagad akong napadilat at tumambad sa paningin ko ang mukha ni Drake. Nakatitig siya sa leeg ko, pero dahan-dahan na umakyat ang tingin niya sa mga mata ko.

"Jam!" gulat na wika niya, kaya kumunot ang noo ko. "A-Ano kasi. . ."

Napatikhim siya at bahagyang lumayo sa akin. "Pinagmamasdan ko kasi 'yong necklace na suot mo! Dark green kasi siya, 'di ba? Tapos bigla na lang nagla-light!"

Inayos ko ang upo ko, kaya napahaplos siya batok niya. Hindi nakaligtas sa paningin ko ang pamumula ng mukha niya, kaya napailing na lang ako. Bumaba ang tingin ko sa braso ko at agad akong nataranta nang hindi ko pala hawak si Astro.

"Hee!" Napalingon ako at nakita siyang kasalukuyang nilalaro ni Daisy sa likuran ko.

"Am I bothering you, Daisy?" tanong ko kaya natawa siya at agad na umiling.

"Nope! I'm actually having fun taking care of Astro! Don't worry, Jami. Magpahinga ka na lang muna riyan," nakangiting wika niya.

"Anong Jami? Ako lang tumatawag sa kaniya n'on, huy!" magtatampo hiyaw naman ni Drake, na parang isang bata na inagawan ng lollipop.

Kaagad na umarko ang kilay ni Daisy. "Sa tingin mo ba napapatawad na kita para biruin mo ako nang ganiyan, Drake? Hindi pa at hinding-hindi talaga!"

"Sungit," nakangusong bulong ni Drake, saka niya ako tiningnan para magsumbong. "Jami—"

"What happened?" I changed the topic by asking. "We were just running a while ago, right? Paano tayo napadpad dito sa. . . dito sa isang van? How and where did you guys even get this?"

Napalingon si Rachel sa akin. "I'll say we got lucky. The van was wide open, so we just got rid of the driver, who turned into a fucker. Then, here we are!"

"You mean the driver who turned into a zombie?" nakangiwing tanong ni Daisy.

"Zombie? Pfft! Ano ka, bata?" nang-aasar na tanong naman ni Rachel, kaya natawa rin si Kio. "'Wag kang makitawa rito, hindi pa tayo okay."

"Pfft! Okay, ma'am!" Kio just shrugged his shoulders.

I couldn't bring myself to laugh with them. "Kung gano'n pala 'yong mga nangyari kanina, bakit wala akong matandaan?"

Natahimik silang lahat nang marinig nila ang tanong ko. Nagkatinginan sina Rachel at Drake at sabay na napakibit-balikat. Napalunok na lang ako at naguguluhan na napahaplos sa sentido ko.

"Kaya ba tulala ka lang kanina, Jam?" nag-aalalang tanong naman ni Drake sa akin. "Kaya hindi na muna kita kinausap or ginulo pa, kasi akala ko hindi ka pa rin maka-get over do'n sa nangyari sa 7-Eleven."

"Para ka ngang tinakasan ng kaluluwa mo kanina, e," Rachel joked while flashing her eyebrows. "Baka sinapian ka?"

"Sinapian, ampota," natatawang mura ni Drake.

"Kailan ba ako nawalan ng malay?" tanong ko muli kaya kaagad na sumeryoso ang mukha ni Drake.

"Noong pumasok na tayo sa van. Bigla mo na lang. . ." Natigilan siya at wala sa sariling napahaplos sa balikat niya. "Bigla mo na lang hinilig 'yong ulo mo rito."

Napabuntong-hininga ako. "Ang huli ko lang talaga na naalala, 'yong tumatakbo tayo paalis do'n sa 7-Eleven. I couldn't even remember a thing after that."