The World Could Die (Change Series #3)

Chapter 30

"Luke Greyson Valdez po."

Nakaalalay sa akin si Lian dahil parang anytime ay hihimatayin ako. Kasama namin si Drew at nandito na kami sa police station. Hindi na nga ako nakapagsalita kaya si Lian ang nagtanong sa guard kung saan namin pwedeng makita si Luke.

"Elly!" sigaw kaagad ni Calynn nang makita kami. Napatingin kaming lahat sa kaniya, kasama niya si Steve na mukhang problemado. Lumapit sa amin si Calynn at naiwan doon si Steve.

"Please, calm down." sabi ni Calynn nang makalapit siya sa amin.

"Nasaan si Luke?" tanong ko. Mabuti na lang at hindi na ako umiiyak pero halata pa rin sa akin ang panginginig.

"Here. Come here." Tinuro niya sa amin kung nasaan si Luke. Sumunod sa amin sina Lian at Drew.

Para akong hihimatayin nang makita ko si Luke na nakasandal ang ulo sa rehas ng kulungan. Nakatingin sa kaniya si Steve na nakakrus ang braso, mukha silang problemado parehas.

"Luke," nginig ang boses na tawag ko sa kaniya. Napatingin kaagad siya sa akin at nabalot ng pag-aalala ang mukha. Ako nga ang dapat nag-aalala dahil siya ang nakakulong ngayon!

"Elly," He offered his hand. Lumapit ako sa kaniya at hinawakan ang kamay niya. Hindi ko na napigilang umiyak. Pinagdikit namin ang noo namin kahit na may rehas sa pagitan namin.

"Luke," I cried. "Ano'ng nangyari?"

"Sshh," Luke calmed me. "Huwag kang umiyak, makakasama kay baby."

Nagpunas ako ng luha at tumingin kay Steve. "Steve, anong nangyari?"

Steve sighed. "Luke, come on, tell Elly." parang galit na sabi ni Steve.

Umiling si Luke. "Please,"

"Do you know that he's working?" tanong ni Steve sa 'kin, seryosong seryoso ang mukha niya.

"Oo." sagot ko. Nakahawak pa rin ang kaliwang kamay ko kay Luke.

"Well, he's working at some illegal business!" nagtitimping sabi ni Steve.

Napatingin ako kay Luke. "Anong...?"

"Hindi ko nga alam na ilegal 'yon. Nagbebenta ako ng kotse, sinabi ko sa 'yo 'yon, Elly, 'di ba?" Tumingin siya sa 'kin. "Hindi ko alam na nakaw 'yon. Wala akong alam, promise." he whispered, begging me to believe him.

Umiling si Steve. "I told you to stay away from that Jason. High school pa lang tayo, I had a bad feeling about him. I told you to fucking stay away!" sigaw ni Steve kay Luke. Lumapit sa kaniya si Calynn dahil galit na galit si Steve, kay Luke o sa sitwasyon, hindi ko na alam.

"Steve, please." Luke sighed.

"You should have told me you need a fucking money. That's why I'm here. Bakit sa iba ka lumapit? You should have fucking told me, Luke!" galit na sabi ni Steve. Hinawakan siya sa braso ni Calynn.

Hindi na nagsalita si Luke. Mas lalong nagdilim ang tingin ni Steve nang may makita siyang kung ano sa hindi kalayuan sa 'min. Napatingin kami sa tinitignan niya. Mabilis siyang lumapit sa isang lalaki at kinwelyuhan ito. Napanganga kaming lahat.

"You fucking asshole!" sigaw niya sa lalaki. "Why do you need to drag Luke into this?"

Inawat sila ng mga pulis. Naki-awat na rin si Calynn, Drew at Lian habang ako ay naiwan dito kay Luke. Hawak ko pa rin ang kamay niya. Hindi ko alam kung ano na ang gagawin namin.

Para akong napako sa kinatatayuan ko nang makita ko ang mga magulang ni Luke na paparating. Lumayo kaagad ako at aalis sana pero hinigpitan ni Luke ang kapit sa kamay ko.