عايزين تعرفوا انتم ف علاقه سامه و لا لأ ؟
جاوبوا ..
١-مستحوذ على تفكيرك ٢٤ ساعة و كل قراراتك متوقفه على الطرف التانى ؟
٢-طول الوقت عندك خوف انكوا تسيبوا بعض و كل خناقة بتحسوا انها الأخيره ؟
٣-موجوعه منه جدا بس مش عارفه توصفى وجعك ده من ايه و ليه ؟
٤-مش قادر تحدد اذا كانت بتكرهك و ندمانه ولا متقدرش تعيش من غيرك ؟
٥-طول الوقت بتبرريله افعالك و حاسه انك عامله عامله و انه هيثور اهو ؟
٦-كل مناسباتك و خروجاتك الحلوه لازم تقلب نكد حتى لو مشيت على قشر بيض عشان ماتغلطش؟
٧-ردود افعالكم بقت مبالغ فيها و اعصابكم بايظه من اقل حاجة بتنهاروا او تتعصبوا؟
٨- عندك احساس ان دايما بيخونك بس عمرك ما لاقيتى دليل ؟
٩- بتخاف تحكيلها اى حاجه مضايقاك او اى مشكله عندك عشان عل طول هتطلعك انت الغلطان و تقلب خناقه ؟
١٠-قايده صوابعك العشرة شمع و مفيش حاجة بترضيه و لا تسلم ايدك حتي بتسمعيها ؟
١١- بتعمل حاجات انت مش عايز تعملها و تروح اماكن و تقعد مع ناس غصب عنك ؟
١٢-ماعندكيش خصوصيه ف اى حاجة و لا اى وقت من حياتك ؟
١٣-بتندموا على كل حاجه بتحكوها لبعض و كل موضوع بتفتحوه سوا ؟
١٤-حاسه بقلة حيلة و عجز ؟
١٥-جعان مشاعر و اهتمام ؟
.. مش شخص مبيعتذرش ؟ مبيصالحش ؟ مبيهوّنش ؟ مفيش كلمة انا اسف ف قاموسه ؟
استووووووب ..
لو معظم اجاباتكم "بنعم" أو اكتر من "٥" يبقي انتوا محتاجين تفهموا أكتر عن الابتزاز العاطفى و التلاعب بالمشاعر و العلاقات المستنزفه السامه..
ادوا فرصه و اتنين و تلاته بس مع الدروبّ اللى يقلب حياتكم اقلبوا الصفحه معاه و امشوا .. اقفلوا الباب الموارب ساعتها عشان تعلموهم يحترموا الفرص
عوّدوا نفسكم على الوسطيه ف كُل عِلاقاتكم .. حب بمعدل مناسب ، إهتمى بمعدل مناسب ، ضحوا برضو بمعدل مناسب..
لكن إياكم تحبوا و تهتموا و تضحوا أكتر من اللازم .. لإنه ف الزمن اللى احنا فيه ده اللى بيضمن قلب التانى بيستقوى عليه.. و قلبك البيور المليان بالحُب هيكون نقطة ضعفك اللى هيهزموك منها
اعرفوا كويس ان العلاقات ارزاق ❤
حلوه العلاقات الحلوه .. رزق ما بعده رزق ..علاقات فيها الناس حلوة بجد .. لا فيها نداله ولا قلة اصل و لا تزييف ..
لما يحصل زعل يجروا علي بعض
واول الكلام " الدنيا كلها تزعل إلا انت "
علاقات منوره واضحه .. الكلام فيها من غير حساب ..
تقول اللى جواك و انت مرتاح و متأكد انك مفهوم و مقبول زى ما انت ..
مش بتزوّق كلامك علشان تتفهم و لا بتدافع عن نفسك لأنك متأمّن بحب اللي معاك ..
علاقات فيها سند بجد
من غير معايرة ولا غدر ولا خيانه ولا قلة أصل ولا نداله و لا قلبة وش !!
علاقات كل واحد فيها علي طبيعته، بيلاقي نفسه مع نفسه ويمكن أكتر
رزق جمال العلاقات أغلى من رزق الفلوس ،
الكنز الحقيقي هو كنز النفوس ..
العلاقات ارزاق عشان حقيقي الناس أرزاق ❤
ممكن حد تكون بتعمله كل حاجه بس هو مش شايف إنك بتعمله حاجه وممكن يأذيك كمان .. و حد تاني مجرد كلمه واحده كويسه تقولهاله يبقى عايز يشيلك من على الأرض شيل .. في قصص حقيقية عن طفل حد أكرمه في طفولته بحاجة بسيطة ويفضل يدور عليه بقية عمره عشان يرد ليه الجميل !!
وطفل تاني يعق أبوه وأمه اللي ضحوا بعمرهم عشانه !!
حرم علي النار كل هين لين قريب من الناس !!
الحياة رحلة صعبة أوي كلها مطبات و كلها وجع و مشاكل .. خليك مع اللي لما بيشوفك بيفرح مش يقولك أنا زعلان منك.. مع اللى مبيعملكش لايك و لا فاكرك هنا أساسا بس لما بتحتاجه هو اللى بيكلمك .. خليك مع الطيبين ولاد الاصول والباقي أتمنالهم كل خير بس الحياة من غيرهم أحلي "
اهتم بمن يهتم بك أما الباقين ف رد التحيه يكفي !!
و ترجع من تانى حكاوينا استنوونى يوميا بداية من يوم 11/11/ 2021 ماعدا الجمعه و السبت مع رواية #القائد ❤
بقلم / اسماء جمال جمعه 😊
متنسوش دعمكم برفع الالبوم ، لايك و عشر ملصقات ف كومنتات ارفعوا الالبوم للكل ..
و ليا طلب خاص خدوا الغلاف و ارفعوا عندكم و لو لمدة يوم او انشروه ف اى جروب او اعملوا شير للبوست محتاجه البوست ينتشر ❤
لو البوست ده عدى الالفين لايك لحد بكره زى دلوقت هنزل اقتباس طويل من الاحداث
نياهياهياهياهييياه 😂🙈
#فوتكم_بعافيه ❤
