الحلقه العاشره
سلسلة #القائد ( الجزء التانى )
بقلم / اسماء جمال جمعه Soma Ahmed
•••••••
اللى مهتم بوجوده عندى بس يثبت وجوده انهارده عشان بجد ببلك من امبارح!
انا من امبارح ضغطى عالى بسبب الانبوكس و المسدجات اللى بتتبعت اعتراضا على مشهد رحاب و ادم .. اللى هيتكلم باحترام هسمعه غير كده بلوك .. انا بتقبل النقد لكن توصل للاهانه و كل شويه واحده تبعتلى " انتى بتدعى للديوث ، انتى عندك مشكله ف تفكيرك ، انتى تفكيرك شاذ ، انتى و انتى و انتى ، قسما بالله مقدميش غير البلوك
محتاجه رأيكم انهارده ضرورى و محتاجه ترفعوا الحلقه
•••••••
حمزه ضيّق عينيه و هديه سحبته من إيده لقدام ادم اللى مش عارف يحدد اى حاجه جواه او براه ..
حنين بصتله من بعيد و عينيها اتوترت بشكل لا ارادى و هى بتتقدم منهم ..
حمزه قرب منه كذا خطوه و اتقابلت وشوشهم اكتر من عيونهم بملامح غريبه ..
حمزه قرب خطوه كمان و بصّله قوى ..
هديه قربت قصادهم و شاورت على ادم لابوها و هى بصاله : ده ادم يا بابا
حنين اتنفضت ع الاسم و بتلقائيه شهقت ..
حمزه محودش عينيه من على ادم .. مدقق قوى ف ملامحه مش عارف بيشبّه عليها و لا بيقرا الجمود اللى عليها..
هديه بصت لادم اللى ممدش إيده و نكزته و هو انتبه بصعوبه ..
ادم بإحراج : اسف مخدتش بالى
حمزه ابتسم بتدقيق و مد إيده و ادم اخد لحظات لحد ما مد إيده و إتقابلوا ف سلام غريب و الاغرب ان محدش فيهم فكر يسحب إيده !
هديه بصت لنظراتهم و استغربت .. ترجمتها على وجود ادم ف وقت متأخر زى ده عندها و حبت تكسر توتر الموقف ف حطت دراعها على حنين و ابتسمت لآدم بمرح : و دى بقا مين ؟ الوليه
ادم اتشد بصعوبه من الحوار الصامت مع حمزه و ضحكلها ضحكه صغيره تخرّجه من صعوبه الموقف ..
هديه رفعت حاجبها لحنين اللى مركزه بإستغراب مع الدمعه المحبوسه ف عيون ادم و ميلت جنب ودنه بهمس : متفكرش تمد إيدك تسلم لاحسن عم الحج يقطعهالك .. احنا صاعيده و مهنهزرش ف الشرف و الست مننا اللى تفرط ف صوباع واحد من صوابعها تفرط ف
ادم ضحك ضحكه خفيفه و هى قطعت كلامها مع حنين اللى مدت إيدها و سلمت ..
هديه رفعت حاجبها لادم : مش قولتلك مبنفرطش .. احنا اصلا عيله مشافتش بربع جنيه اخلاق
ادم ضربها بكوعه ف جنبها و هى انتبهت لحمزه اللى مدقق مع ادم و رفعتله حاجبها : و بالنسبه لعم الحج .. ايه خير ؟ شايفه المودام مدت صوابعها و سلمت و شويه و هتبوس .. و انت ايه ؟
حمزه ضحك ضحكه خفيفه و مدلها إيده شدها من جنب ادم جنبه و لف دراعه حوالين كتفها و هى ابتسمت بهمس : انا صحيح قولتلك خبى العرق الصعيدى اه بس مش لازم تقلب على جون الاجنبى ...انت قربت تلقط الاوروبى
ادم ابتسم بتوتر و اتحرك ينسحب : طب استأذن انا
مشى و حمزه عينيه اللى شردت شويه بصت لهديه اللى مبتسمه ببلاهه لأثره بعد ما اختفى ..
حمزه : نطلع ؟
هديه ببلاهه : نطلع فين ؟
حمزه برّق و هديه انتبهت ف حطت إيدها على بوقها و ضحكت اوى بخفه ..
#سووووما
فاطيمه بصت لجوزها بقلق على ادم اللى واقف ف البلكونه و مبتسم بشكل استغربوه ..
ابوه وقف و كلمها و هو رايح ناحيته : اعمليلنا شاى طيب
فاطمه سابته و دخلت المطبخ و هو راح جنب ادم اللى عينيه سارحه بعيد ..
ابوه ابتسم اما ادم انتبه : روحت لحد فين انا واقف جنبك من بدرى ؟
ادم بص بعيد بإحراج : و لا فين
ابوه : مش مهم فين اد ماهو مهم متروحش بعيد عشان اما تيجى ترجع متاخدش وقت و مجهود
ادم رد بخمول : مش مهم بقا
ابوه بصّله شويه و قبل ما يتكلم فاطيمه دخلت بالشاى ..
ابوه بصّله بمرح : اسرع كوباية شاى ممكن تتعمل ف التاريخ اللى بتعملها امك اما تبقى عايزه تعرف بنرغى ف ايه
فاطيمه كشرت بإصطناع : انا ممكن اقعد و اخليك انت و ابنك تعملوا الشاى اصلا .. يبقى معايا راجلين و اعمل شاى ؟
