#اقتباس
#رواية_القائد
بقلم / اسماء جمال جمعه ( Soma Ahmed )
*******
حمزه ابتسم : منور والله يا ادم
ادم رفع حاجبه : أمال حضرتها فين مش شايفها ؟
حمزه كتم ضحكته : راحت تشتريلك شبكه و صناره
ادم رفع حاجبه : نعم ؟ تشتريلى انا صناره ؟
حمزه دارى ضحكته ببراءه : طبعا ، بتجيبلك هدية الجواز بقا ، مش انت باربونيا ؟
ادم كتم غيظه : اهلا .. هو انت عرفت الحكايه دى ؟
حمزه كتم المرح اللى ف كلامه بإبتسامه يستفزه : و يا ريتنى ما عرفت .. كان يوم اسود يوم ما عرفت .. بيقولوا الصعيدى دايما ريس ..مسمعتهاش عن صعيدى اتقلب سمكه
ادم عض شفايفه بغيظ : متكبرش الموضوع بس
حمزه : متصغروش انت يا ادم .. افتح موبايلك كده يا ادم يا حبيبي
ادم رفع حاجبه و حمزه شاورله بعينيه على موبايله و ضم بوقه بإستفزاز : افتح افتح متتكسفش
ادم مسك موبايله فتحه بغيظ : اهو
حمزه كعمش وشه : قولي انت مسيڤ كام رقم ف الكونتاكتس ؟
ادم : نص البلد
حمزه كتم ضحكته بإستفزاز : يا خيبتك .. لو قولنا إن نص العدد ده بس بيستخدم برنامج التروكولر يبقى ربع البلد بقوا عارفين انك باربونيا .. يا باربونيا
ادم برّق قدامه و بصّله و برّق : قصدك تقووول ...
حمزه كعمش وشه يدارى ضحكته : بالظبط .. مسيڤاك باربونيا
ادم عض بوقه بغيظ : آه يا بنت الصرمه .. لامؤاخذه يعنى
حمزه قلب بوقه برخامه عليه : لا لا خالص .. انا زعلان علشانك اصلا .. بقا البت واخداك راجل ملو هدومه بعد كام شهر تخليك من الاسماك ؟
ادم كعمش وشه يدارى غيظه ..
حمزه هز راسه بإستفزاز : عاجبك حالك كدا يا ادم ؟ عاجباك خياشيمك دى ؟
ادم رد بغيظ : ما تخليك ف حالك
حمزه شاور بغلاسه : تخيل تتعامل مع عيل سيكو سيكو يعرفك ؟ هيبصلك ازاى و انت باربونيا ؟
ادم زم بوقه بتذمّر : أول ما الجزمه ترجع من برا لازم اخليها تغير الإسم ده
حمزه كعمش ملامحه بضحكه : حاجات كتير لازم تتغير يا حبيبى .. حاجات كتير
ادم بصّله بغيظ : هو حضرتك ماسك عليا ڤيديوهات و لا حاجه ؟
حمزه ضحك بإستفزاز : و الله شكلها هى اللى ماسكه عليك فيديوهات
ادم برّق بضحك : تقريبا كده
حمزه كتم ضحكته بالعافيه قدام ضحكة ادم : لالا ان شاء الله لاء
حمزه رفع حاجبه و ادم بصّله بغيظ : تقدر تسأل بنت الصرمه اما تجى
حمزه ضم بوقه بإستفزاز : أنا بسألك انت يا خيبه .. ولاا انت اتعرفت عليها ف موقع اباحى ؟
ادم عض بوقه : منى لله
حمزه كتم ضحكته : كانت بتضربك بالحزام الجلد على ضهرك يا حبيبى ؟
ادم ضم ملامحه اوى : منك لله
حمزه كعمش وشه بإستفزاز : أمال ازاى بقيت باربونيا ؟
ادم ببلاهه : منها لله
حمزه كتم ضحكته : احكيلى طب قصة تحولك من إنسان محترم لسمكه ؟
ادم وقف بغيظ : احكيلك قصة ايه هو انا متعافى من البودره ؟
✋✋✋
اللى كان عايز اقتباس لحمزه مع ادم اهو 💟
المهم متنسوش معادنا بكره ان شاء الله ف اولى حلقاتنا من حدوتتنا #القائد و هترجع من تانى حكاوينا
للكل اللى هيتابع اثبتوا وجودكم هنا
متنسوش دعمكم و اللى يشوف البوست ده يرفعه بلايك و عشر ملصقات خلوه يوصل للكل و يتشاف 💟
و هنتفق اتفاق .. لو حلقة بكره فرقعت تفاعل و عدت الاف و نص لايكات مثلا مش هناخد اجازه الجمعه دى بس هرفع الحلقه بدرى قبل ما اخرج 😊
#فوتكم_بعافيه
#نتقابل_بكره
#سوووووما 💟
