UNICODE
"မောင်တို့ ဘုရားကြီး အရင်သွားကြမလား အသော် "
"အင်း ကောင်းသားပဲ မောင် "
ကားကို ကွေ့ကာ ရွာလမ်းမကြီး အတိုင်း မောင်းထွက်လာပြီး ကားလမ်းမပေါ်သို့ ...
ကျွန်တော် ပြန်လာတော့ အသော်က အံ့ဩမယ် ထင်တာ တအားကြီးလည်း အံ့ဩပုံမပေါ်။ ဒါပေမယ့် ကားပေါ် စတက်ကတည်းက ကျွန်တော့်ကို ငေးနေသည့် မျက်လုံးကလေးတွေက ကလေးတွေလို သဘောကျသည့် အရာကို ကြည့်နေသလို မျက်စိမလွှဲ ။
အသော်လေးက အရင်အတိုင်းပဲ ။ အသားလေးတွေ ဖြူစွတ်နေတာရော ဆံပင်လေးကရော ကုန်ကုန်ပြောရရင် ခန္ဓာကိုယ်လေးကလည်း အရင်အတိုင်း သွယ်လျလျလေး ။ ၀တ်ထားသည့် တီရှပ်နဲ့ လုံချည်က အသော်လေးနဲ့မှ ပိုပြီး ကြည့်ကောင်းနေသလိုပင် ။အကုန်လုံးကို ခြုံကြည့်ရင် အသော်က တကယ်ကို လှပါသည်။
ဘုရားကြီးကိုရောက်တော့ ကားကို ဘုရားရှေ့မှာ ရပ်ခဲ့ပြီး အသော့်လက်ကို ဆွဲလို့ ဘုရားပရဝုဏ်ထဲသို့ ၀င်လာလိုက်သည်။ ညနေနည်းနည်းစောင်းနေပြီ ဖြစ်တာကြောင့် ဘုရားထဲမှာ လူတော့ အတော်လေး စည်နေသည်။ သူတို့ လက်တွဲထားတော့ တစ်ချို့ကတော့ ကွက်ကြည့် ကွက်ကြည့်ပေါ့ ။ ဒါပေမယ့် သူတို့ အရေးမထားပါဘူး ။ ပတ်၀န်းကျင်ဆိုတာ အပြစ်ပဲ လိုက်မြင်နေတာမဟုတ်လား ။ အကောင်းပြောဖို့ကျ ၀န်လေးပြီး အပြစ်ဆိုရင် အပိုဆောင်းပြီး ပြောတတ်တာ ပတ်၀န်းကျင်ပဲ မဟုတ်လား ။
" အလှူရှင် နာမည်"
"မောင်မျိုးမြတ်မဟာ နဲ့ မောင်ပိုင်လွန်းသော် "
"မောင် မျိုး မြတ် မဟာ နဲ့ မောင် ပိုင် လွန်း သော် နော် "
"ဟုတ်ကဲ့ ဗျ "
အလှူခံဌာန ရောက်သည့် အထိ မောင်က သူ့လက်ကို မလွှတ် ။ဘုရားရှိခိုးနေတုန်း ခဏသာ လွှတ်ပေးပြီး ပြန်ပြီး ဆုပ်ကိုင်ထားပြန်သည်။
"ဟို ဦးလေး အနှုတ် နဲ့ မရေးပါနဲ့ ဗျ အပေါင်းလေးလုပ်ပေးပါ "
အယ် မောင်က အဲ့လိုပြောတော့ ရေးနေသည့် ဦးလေးကြီးက အနှုတ်ကို အပေါင်းပြောင်းပေးရပြန်သည်။
YOU ARE READING
ရွှေသမက်ဖြစ်ဖို့ ကျွန်တော်ကြိုးစားမည်... ( Complete )
Romanceမီ့ ရဲ့ ဒီကလေးလေးတွေကိုလည်း ချစ်ပေးကြပါဦးနော်။ ချစ်စရာ အသော်လေးရယ် ၊ အသော်လေးကို ချစ်တဲ့မောင်ရယ် ၊ မောင်နဲ့ အသော်ကို သဘောမတူတဲ့ အသော့်ဖေဖေရယ် ဒီသုံးယောက်က ဘယ်လိုမျိုး အမျိုးစုံကြိုးခုန်မလဲ ဆိုတာကို ဖတ်ပေးကြပါဦးနော် ။
