မ [ Uni🔛Zaw ]

အပိုင်း ၁၇

unicode

စိတ်ကပျော်ရွှင်နေလို့လား အိပ်ယာထတည်းက ကျွန်တော့်စိတ်တွေကြည်လင်နေတာ။လူတစ်ကိုယ်လုံး လေထဲလွှင့်နေမျောနေသလို လှုပ်ရှားရတာပေါ့ပါးနေတာပဲ။

ရေချိုးနေရင်း တိုးတိုးလေးဖွင့်ထားတဲ့ music ကို လိုက်လျောညီထွေလိုက်ဆိုနေမိတယ်။

John Legend ရဲ့ all of me.သီချင်းလေးက ခုတလော ထပ်တလဲလဲ စွဲစွဲမြဲမြဲ နားထောင်နေဖြစ်တာ။တယောသံ ဆွေးဆွေးမြေ့မြေ့လေးနဲ့ စကားလုံးတိုင်းက အတော် ခံစားလို့ကောင်းသား။

"Cause all of me(အားလုံးငါ့ကြောင့်ပဲ)
Loves all of you(မင်းရဲ့ အရာအားလုံးကို ချစ်မိတယ်)

Love your curves and all your edges(မင်းရဲ့ အကွေ့ကောက် အနားသတ် အချိုးစား သွင်ပြင် အားလုံးကိုလဲချစ်တယ်)

All your perfect imperfections(မင်းရဲ့ပြည့်စုံမှု မပြည့်စုံမှုတွေ အားလုံးကိုလဲချစ်တယ်)

Give your all to me(မင်းရဲ့အရာရာကို ငါ့ကိုပေးပါလား)

I'll give my all to you(ငါ့ရဲ့အရာရာကို မင်းကိုပေးပါ့မယ်)

You're my end and my beginning(မင်းက ငါ့ဘဝရဲ့အစလဲဟုတ်တယ် အဆုံးသတ်လဲဟုတ်တယ်)

Even when I lose I'm winning(ငါ့ရဲ့ကျဆုံးမှုကြားမှာတောင် အောင်မြင်စေခဲ့သူလဲဟုတ်တယ်)

Cause I give you all of me(ငါ့ရဲ့အရာရာကို မင်းကိုပေးပါ့မယ်)

And you give me all of you (ပြီးတော့ မင်းရဲ့အရာရာ ငါ့ကိုပေးပါ)"

ရေပန်းခလုတ်ပိတ်ပြီး ကိုယ်ပေါ်ကရေစတွေခါထုတ်လိုက်တယ်။အခန်းထောင့်ကခေါက်ထားတဲ့ towel လှမ်းယူပြီး ခါးအောက်ပိုင်းစည်းလိုက်တယ်။မှန်ထဲက မြင်နေရတဲ့ကိုယ့်ပုံကိုရပ်ကြည့်ပြီး ဆေးလိပ်မှိုင်းစွဲထင်နေတဲ့နှုတ်ခမ်းညိညိုက ညစ်ထေးထေးတစ်ချက်ပြုံးကြည့်လိုက်တယ်။

"Cause all of me...Loves all of you."

ဒါပထမဆုံးပဲ။မှန်ထဲက ကိုယ့်ရုပ်ကိုရပ်ကြည့်ပြီး သီချင်းဆိုဖူးတာ။အချစ်က လူကိုပြုစားတတ်သည်လား ကြည်နူးဖို့တော့ကောင်းသား။ရေစိုရွဲနေတဲ့ ဆံပင်တွေခါရမ်းပစ်ပြီး ရေချိုးခန်းထဲကထွက်ခဲ့လိုက်တယ်။အလုပ်သင်ဆင်းဖို့နောက်ကျနေပြီလေ။