ﻣﻬﻤﺘﻲ ﺩﻣﺮﺕ ﺣﻴﺎﺗﻲ
١ﺍﻟﺠﺰء
ﻣﺘﺠﻤﻌﻴﻦ ﺣﻮﻝ ﻃﺎﻭﻟﺔ ﻣﺴﺘﺪﻳﺮﺓ
ﻣﺘﺮﺃﺳﻬﺎ ﺍﻟﻜﻮﻟﻮﻧﺎﻝ ﺳﻲ ﺍﺑﺮﺍﻫﻴﻢ
ﺑﺠﻨﺒﻮ ﺍﻟﻌﻤﻴﺪ ﺳﻲ ﺍﺣﻤﺪ ﻭ ﺍﻟﻌﻤﻴﺪ
ﺳﻲ ﻋﻠﻲ ﻭ ﻣﺠﻤﻮﻋﺔ ﻣﻦ
ﺍﻟﻤﺴﺎﻋﺪﻳﻦ . ﻭﺍﻗﻔﺔ ﻣﻘﺎﺑﻠﺘﻬﻢ ﻛﻠﻬﺎ
ﺣﻴﺮﺓ ﻭﺗﺨﻮﻑ ﻣﻦ ﺍﻟﺸﻲ ﻟﻲ ﺭﺡ
ﻳﻄﻠﺒﻮﻩ ﺍﻭ ﺑﺎﻻﺣﺮﻯ ﻳﺄﻣﺮﻭﻫﺎ
ﺗﻌﻤﻠﻮ، ﺑﻌﺪ ﻣﺪﺓ ﻣﻦ ﺍﻟﺴﻜﻮﺕ
ﻧﻄﻖ ﺳﻲ ﺍﺑﺮﺍﻫﻴﻢ ﺑﻨﺒﺮﺓ ﻗﻮﻳﺔ
ﻭﺻﺎﺭﻣﺔ ﻭﺍﻣﺮﻫﺎ ﺑﺎﻟﺸﻲ ﻟﻲ
ﻋﻤﺮﻫﺎ ﻣﺎﺗﻤﻨﺎﺕ ﺗﻌﻤﻠﻮ ﻓﻲ ﺣﻴﺎﺗﻬﺎ
،ﻭﻫﻮ ﺍﻧﻬﺎ ﺗﻜﻮﻥ ﺟﺎﺳﻮﺳﺔ
ﺗﺼﺪﻣﺖ ﻭﺑﻠﻌﺖ ﺭﻳﻘﻬﺎ ﻏﺮﻏﺮﻭ
ﻋﻴﻨﻴﻬﺎ ﻭﺣﻮﻟﺖ ﻧﻈﺮﻫﺎ ﻟﺴﻲ ﺍﺣﻤﺪ
ﻟﻲ ﻛﺎﻥ ﻣﻬﺒﻂ ﺭﺍﺳﻮ ﻭﻣﺶ ﺑﺎﻏﻲ
ﻳﻮﺍﺟﻪ ﻋﻴﻨﻴﻬﺎ ﺍﻭ ﺑﺎﻻﺣﺮﻯ ﻣﺶ
ﺑﺎﻏﻲ ﻳﺸﻮﻑ ﺩﻣﻮﻋﻬﺎ ﻟﻲ ﻫﻮ
ﺍﻟﺴﺒﺐ ﻓﻴﻬﻢ. ﻫﻮ ﻣﻦ ﺍﻻﻭﻝ ﻛﺎﻥ
ﻋﺎﺭﻑ ﻭﺵ ﺑﺎﻏﻲ ﻣﻨﻬﺎ ﺳﻲ
ﺍﺑﺮﺍﻫﻴﻢ ﻭﻛﺎﻥ ﻋﺎﺭﻑ ﺍﻟﺸﻲ ﻟﻲ
ﺭﺡ ﻳﺮﻏﻤﻬﺎ ﺗﻌﻤﻠﻮ ،ﻣﺎﻗﺪﺭﺗﺶ
ﺗﻌﺘﺎﺭﺽ ﻭﻣﺎﻗﺪﺭﺗﺶ ﺗﻨﺎﻗﺶ ﻻﻧﻮ
ﻋﻤﺒﺎﻟﻬﺎ ﺍﻟﺸﻲ ﻟﻲ ﺭﺡ ﻳﺼﺮﺍ ﺍﺫﺍ
ﻋﺎﺭﺿﺖ ﻫﺒﻄﺖ ﺭﺍﺳﻬﺎ ﻭﺣﻜﻤﺖ
ﺩﻣﻮﻋﻬﺎ ﺑﺶ ﻣﺎ ﻳﻨﺰﻟﻮﺵ ﻭﻣﺎ
ﺗﺒﺎﻧﺶ ﺿﻌﻴﻔﺔ ﻣﺎﺗﺤﺒﺶ ﺗﻀﻌﻒ
.ﻗﺪﺍﻡ ﺣﺪ ﺧﺼﻮﺻﺎ ﻟﻲ ﻣﻘﺎﺑﻠﻴﻨﻬﺎ
ﺿﻐﻄﺖ ﻋﻠﻰ ﻳﺪﻫﺎ ﻭﺧﺮﺟﺖ ﻣﻦ
.ﺍﻟﻐﺮﻓﺔ ﺑﻌﺪﻣﺎ ﻃﻠﺒﺖ ﺍﻻﺫﻥ
ﻏﻠﻘﺖ ﺍﻟﺒﺎﺏ ﺗﻨﻬﺪﺕ ﻭﻣﺸﺎﺕ
ﻣﻬﺒﻄﺔ ﺭﺍﺳﻬﺎ ﻓﻲ ﺍﻟﻤﻤﺮ
ﻣﺎﺣﺴﺘﺶ ﻏﻴﺮ ﻛﻲ ﺗﺴﺎﻃﺤﺖ ﻣﻊ
ﺷﺨﺺ ﻫﺰﺕ ﺭﺍﺳﻬﺎ ﺍﻋﺘﺬﺭﺕ
ﻭﻣﺸﺎﺕ ﻟﻜﻦ ﻫﻮ ﻋﻴﻨﻴﻪ ﺗﺒﻌﻮﻫﺎ
ﺣﺘﻰ ﺍﺧﺘﻔﺎﺕ ﻣﺮﺭ ﻳﺪﻭ ﻋﻠﻰ
ﺷﻌﺮﻭ ﻭﻛﻤﻞ ﻃﺮﻳﻘﻮ ﻗﺎﺻﺪ ﻏﺮﻓﺔ
.ﺍﻻﺟﺘﻤﺎﻋﺎﺕ
ﺧﺮﺟﺖ ﺗﺤﺖ ﺍﻟﻤﻄﺮ ﺗﻤﺸﻲ
ﺳﺎﺭﺣﺔ ﺗﺘﻔﻜﺮ ﻓﻲ ﻧﻬﺎﺭ ﻛﺎﻧﺖ
ﻗﺎﻋﺪﺓ ﻣﻊ ﺍﻣﻬﺎ ﻭ ﺍﺧﻮﻫﺎ ﺍﻟﺼﻐﻴﺮ
ﻭﻣﻘﺎﺑﻠﻬﻢ ﺭﺍﺟﻞ ﺍﻣﻬﺎ ﻟﻲ ﻳﻌﺘﺎﺑﺮﻫﺎ
ﻛﻲ ﺑﻨﺘﻮ. ﺻﻮﻧﺎ ﻣﻮﺑﻴﻠﻬﺎ ﻫﺰﺕ
ﺗﺸﻮﻑ ﻭﺭﺩﺕ ﺑﻌﺪﻣﺎ ﺍﺳﺘﺄﺫﻧﺖ
ﻣﻨﻬﻢ ﻭﺑﻌﺪﺕ ﻋﻠﻴﻬﻢ، ﻛﺎﻥ ﺳﻲ
!ﺍﺣﻤﺪ: ﺑﻨﺘﻲ ﺍﻟﺰﻳﻨﺔ ﻭﺵ ﺭﺍﻫﻲ
.ﻣﻴﺮﻧﺎ: ﺑﺎﺑﻲ ﺣﺒﻴﺒﻲ ﺗﻮﺣﺸﺘﻚ
ﻭﺵ ﺣﻮﺍﻟﻚ ﻏﺒﺮﺕ ﻣﻌﺎﺩﺵ
ﺳﻤﻌﺖ ﺻﻮﺗﻚ؟
،ﺳﻲ ﺍﺣﻤﺪ: ﻣﺸﺎﻏﻞ ﻳﺎ ﺑﻨﺘﻲ
ﻗﻮﻟﻴﻠﻲ ﻧﺘﻲ ﻭﻳﻨﻚ ﻣﺎﺗﻘﻮﻟﻴﻠﻴﺶ
ﺑﺮﻙ ﻣﺴﺎﻓﺮﺓ ﻛﻴﻤﺎ ﻋﺎﺩﺗﻚ؟
ﻣﻴﺮﻧﺎ: ﻫﻬﻬﻪ ﻻ ﺭﺍﻧﻲ ﻋﻨﺪ ﻣﺎﻣﺎ
.ﺟﻴﺖ ﻣﺎﻋﻨﺪﻳﺶ ﺑﺰﺍﻑ
ﺳﻲ ﺍﺣﻤﺪ: ﻣﻤﻢ ﻣﻠﻴﺢ. ﻣﺎﻻ ﻏﺪﻭﺓ
ﻧﺒﻌﺜﻠﻚ ﺍﻟﺸﻴﻔﻮﺭ ﻳﺠﻴﺒﻚ ﻋﻨﺪﻱ
ﻭﺟﺪﻱ ﺭﻭﺣﻚ ﻋﻨﺪﻱ ﻣﺎﻧﺤﻜﻲ
!ﻣﻌﺎﻙ. ﺩﺍﻛﻮﻍ
.ﻣﻴﺮﻧﺎ: ﺍﻭﻙ ﺑﺎﺑﻲ ﻧﺸﺎﻟﻠﻪ ،ﺑﻴﺰﻭ
ﻟﻐﺪﻭﺓ ﺭﺍﺣﺖ ﻟﻌﻨﺪ ﺑﺎﺑﺎﻫﺎ ﻓﺮﺣﺎﻧﺔ
ﺧﺎﻃﺮ ﻋﻨﺪﻫﺎ ﺑﺰﺍﻑ ﻣﺎ ﺗﻼﻗﺎﺗﻮﺵ
.ﺗﻮﺣﺸﺎﺗﻮ ﻟﻜﻦ ﻳﺎﺭﻳﺘﻬﺎ ﻣﺎﺭﺍﺣﺖ
ﺧﺎﻃﺮ ﺻﺪﻣﻬﺎ ﻣﻦ ﺗﻐﻴﺮﻭ ﺍﻭ
ﺑﺎﻻﺣﺮﻯ ﻣﺶ ﺗﻐﻴﺮ ﻭﺍﻧﻤﺎ ﺣﻘﻴﻘﺔ
.ﻣﺎﻛﺎﻧﺘﺶ ﺗﻌﺮﻓﻬﺎ
ﻟﻤﺎ ﻭﺻﻠﺖ ﻟڤﻴﻼ ﺑﺎﺑﺎﻫﺎ ﺩﺧﻠﺖ
ﻣﺰﺭﻭﺑﺔ ﺑﺶ ﺗﺸﻮﻓﻮ ﻟﻘﺎﺗﻮ ﻳﺴﺘﻨﻰ
ﻓﻴﻬﺎ ﻭﻗﺎﺑﻠﻬﺎ ﺑﺒﺮﻭﺩ ﻣﺎﺗﻮﻗﻌﺎﺗﻮﺵ
ﻣﻨﻮ ﺳﻠﻢ ﻋﻠﻴﻬﺎ ﺯﻭﺝ ﺗﺴﻠﻴﻤﺎﺕ
،.ﺑﺎﺭﺩﻳﻦ ﻭﻃﻠﺐ ﻣﻨﻬﺎ ﺗﺠﻠﺲ
ﺟﻠﺴﺖ ﻭﻫﻲ ﺣﺎﻳﺮﺓ ﻭﺵ ﺻﺮﺍ
.ﻭﻓﺎﺵ ﻏﻠﻄﺖ
ﺑﻌﺪ ﻣﺪﺓ ﺣﻢ ﺣﻢ ﻭﻫﺪﺭ
ﺳﻲ ﺍﺣﻤﺪ: ﻣﻴﺮﻧﺎ ﺗﺤﺒﻲ ﺭﺍﺟﻞ
ﻣﺎﻣﺎﻙ؟
ﻣﻴﺮﻧﺎ ﺻﺪﻣﻬﺎ ﺳﺆﺍﻟﻮ ﻟﻜﻦ ﺑﻴﻨﻬﺎ
ﻭﺑﻴﻦ ﺭﻭﺣﻬﺎ ﻗﺎﻟﺖ ﻳﻤﻜﻦ ﻏﺎﺭ ﻻﻧﻮ
ﺑﻌﺪ ﻣﺎﺭﻭﺣﺖ ﻣﻦ ﻟﻠﺴﻔﺮ ﺭﺣﺖ
،ﻟﺪﺍﺭ ﻣﺎﻣﺎ ﻭﻣﺎﺟﻴﺘﺶ ﻋﻨﺪﻭ
ﺟﺎﻭﺑﺎﺗﻮ ﺑﺎﺑﺘﺴﺎﻣﺔ. ﻣﻴﺮﻧﺎ: ﺍﻛﻴﺪ
ﻧﺤﺒﻮ ﻫﻮ ﻧﺎﺱ ﻣﻼﺡ ﻭﻳﻌﺎﻣﻠﻨﻲ
ﻛﻴﻤﺎ ﺑﻨﺘﻮ. )ﺑﻌﺪﻫﺎ ﻗﺪﻣﺘﻠﻮ ﺑﺎﺳﺘﻮ
ﻣﻦ ﺧﺪﻭ( ﻭﻗﺎﻟﺖ: ﺑﺼﺢ ﺗﺒﻘﻰ
ﺑﻼﺻﺔ ﺑﺎﺑﻲ ﺣﺒﻴﺒﻲ ﻣﺤﻔﻮﻇﺔ
.ﻭﺣﺪﻫﺎ ﻭﺍﺣﺪ ﻣﺎﻳﻘﺪﺭ ﻳﺪﻳﻬﺎ
:ﺳﻲ ﺍﺣﻤﺪ ﺑﻌﺪﻫﺎ ﻋﻠﻴﻪ ﻭﻗﺎﻝ
ﺧﻠﻴﻨﺎ ﻣﻦ ﻫﺪﺭﺓ ﺍﻟﺬﺭ. ﺭﺡ ﻧﺪﺧﻞ
ﺩﻳﺮﺍﻛﺖ ﻓﺎﻟﻤﻮﺿﻮﻉ ﻭﻣﺎﺩﺍﻣﻚ
ﻗﻠﺘﻲ ﺍﻧﻚ ﺗﺤﺒﻲ ﺭﺍﺟﻞ ﻣﺎﻣﺎﻙ ﻭ
ﺧﻮﻙ ﺍﻟﺼﻐﻴﺮ ﻟﻲ ﻫﻮ ﻭﻟﺪﻭ، ﺍﻛﻴﺪ
!!ﻣﺎﺭﺍﺣﺶ ﺗﺒﻐﻴﻠﻬﻢ ﺍﻟﻀﺮ ﺍﻭ ﻻ
.ﻭﺷﺎﻑ ﻓﻴﻬﺎ ﻣﺨﻨﺰﺭ
ﻫﻲ ﻣﺎﻓﻬﻤﺘﺶ ﻭﺵ ﺑﻴﻪ ﻭ ﻭﺵ
ﻗﺎﻋﺪ ﻳﻘﻮﻝ ﻗﺎﺗﻠﻮ: ﺍﻛﻴﺪ
.ﻣﺎﻧﺒﻐﻴﻠﻬﻤﺶ ﺍﻟﻀﺮ
ﺷﺎﻑ ﻓﻴﻬﺎ ﻭ ﻭﻗﻒ ﻣﺸﺎ ﺟﻴﻬﺔ
ﺍﻟﺘﻠﻔﺰﻳﻮﻥ ﻭﺷﻌﻠﻮ، ﻓﻴﻪ ﻓﻴﺪﻳﻮ ﺗﻊ
ﻛﺎﻣﻴﺮﺍ ﻣﺮﺍﻗﺒﺔ ﺗﺤﺮﻛﺎﺕ ﺧﻮﻫﺎ
ﺍﻟﺼﻐﻴﺮ ﻣﻦ ﺍﻣﻬﺎ )ﻣﻴﻤﻮ( ﻭ
.ﺗﺤﺮﻛﺎﺕ ﺭﺍﺟﻞ ﺍﻣﻬﺎ ﻋﻤﺮ
ﺩﻫﺸﺖ ﻭ ﻣﺎﻓﻬﻤﺘﺶ ﻭﺵ ﻗﺼﺪﻭ
ﺷﺎﻓﺖ ﻓﻴﻪ ﺑﺘﺴﺎءﻝ ﻓﻬﻤﻬﺎ
ﻭﺟﺎﻭﺑﻬﺎ: ﺍﺫﺍ ﻣﺎﺩﺭﺗﻴﺶ ﻭﺵ ﺭﺡ
ﻧﻘﻠﻚ ﺑﺘﻠﻔﻮﻥ ﻣﻨﻲ ﻣﻴﻤﻮ ﺍﻟﺼﻐﻴﻮﺭ
ﺭﺡ ﻳﻐﺘﺎﺻﺒﻮﻩ ﺑﺎﻟﺘﺪﺍﻭﻝ ﻭﻳﻤﻮﺕ
ﻃﺒﻌﺎ ﻭﻧﺘﻲ ﺗﺸﻮﻓﻲ. ﻭﺣﺒﻴﺐ
ﻗﻠﺒﻚ ﻋﻤﺮ ﺭﺡ ﻧﺒﻌﺜﻮ ﻭﺭﺍء ﺍﻟﺸﻤﺲ
ﻣﻊ ﻣﺠﻤﻮﻋﺔ ﻣﻦ ﺍﻟﺘﻬﻢ ﻭﺑﻌﺪﻫﺎ
ﻣﺎﻧﺤﻜﻴﻠﻜﺶ ﺍﻟﺸﻲ ﻟﻲ ﻣﻤﻜﻦ
ﻳﺼﺮﺍ ﻻﻣﻚ، ﺍﻧﺎ ﺍﻟﺼﺮﺍﺣﺔ
ﻣﺎﻧﻘﺪﺭﺵ ﻧﺄﺫﻳﻬﺎ ﻭﻧﺒﻌﺜﻠﻬﺎ ﻟﻲ
ﻳﺘﻌﺪﻯ ﻋﻠﻴﻬﺎ ﻻﻧﻬﺎ ﻓﻲ ﻳﻮﻡ ﻣﻦ
ﺍﻻﻳﺎﻡ ﻛﺎﻧﺖ ﻋﻠﻰ ﺫﻣﺘﻲ ﻟﻜﻦ ﺑﻌﺪ
ﺍﻟﺸﻲ ﻟﻲ ﺭﺡ ﻳﺼﺮﺍ ﻓﻲ ﺭﺍﺟﻠﻬﺎ ﻭ
ﻭﻟﺪﻫﺎ ﻣﺎﻧﻀﻤﻨﻠﻜﺶ ﺍﻧﻬﺎ ﺭﺡ
،ﺗﻜﻮﻥ ﺑﺨﻴﺮ ﻭﻣﺎﻳﺼﺮﺍﻟﻬﺎ ﻭﺍﻟﻮ
ﺯﻳﺎﺩﺓ ﻋﻠﻰ ﻫﺬﺍ ﺍﺫﺍ ﻋﺮﻓﺖ ﺍﻧﻮ
ﺑﻨﻮﺗﺘﻬﺎ ﺣﺒﻴﺒﺘﻬﺎ ﺍﻟﻌﺎﺭﺿﺔ ﺍﻟﺮﺋﻴﺴﻴﺔ
ﺗﻊ ﻛﻞ ﺩﻳﻔﻴﻠﻲ ﺩﻳﺮﻭ ﻫﻲ
ﺍﻟﺴﺒﺐ، ﺻﺪﻗﻴﻨﻲ ﺭﺡ ﺗﻨﺴﺎ ﺍﻧﻚ
ﺑﻨﺘﻬﺎ ﻭﺗﺤﻄﻤﻠﻚ ﻃﻤﻮﺣﺎﺗﻚ ﻓﻲ
ﺍﻧﻚ ﺗﻮﻟﻲ ﻋﺎﺭﺿﺔ ﻋﺎﻟﻤﻴﺔ ﺗﻨﺎﻓﺴﻲ
.ﺟﻴﺠﻲ ﺣﺪﻳﺪ ﻫﻬﻬﻬﻬﻬﻬﻬﻬﻪ
ﺗﺴﻤﻊ ﻓﻲ ﺑﺎﺑﺎﻫﺎ ﻭﻣﺶ ﻣﺼﺪﻗﺔ
ﺍﻧﻮ ﻫﻮ، ﻣﺼﺪﻭﻣﺔ ﻻﻗﺼﻰ ﺩﺭﺟﺔ
ﺩﻭﺭﺕ ﻭﺟﻬﺎ ﻟﻠﺘﻠﻔﺰﻳﻮﻥ ﺗﺸﻮﻑ
⚽ ﻓﻲ ﻣﻴﻤﻮ ﻭﻋﻤﺮ ﻳﻠﻌﺒﻮ ﻓﺎﻟﺒﺎﻟﻮ
ﻓﻲ ﺍﻟﺤﺪﻳﻘﺔ ﺗﻊ ﺩﺍﺭﻫﻢ. ﺷﺎﻓﺖ
.ﻣﻊ ﺑﺎﺑﺎﻫﺎ ﻟﻲ ﻭﺍﻗﻒ ﻭﻣﺘﺒﺴﻢ
ﻗﺎﺗﻠﻮ: ﻭﺵ ﺍﻟﻤﻄﻠﻮﺏ؟؟؟
ﺳﻲ ﺍﺣﻤﺪ: ﺗﺪﺧﻠﻲ ﻟﻠڨﺰﺍﺭﻧﺔ
ﺗﺪﺭﺑﻲ ﻣﻊ ﺍﻟﻤﺘﺪﺭﺑﻴﻦ ﻭﺗﻨﺴﺎﻱ
.ﻋﻠﻴﺎ ﻓﺸﻮﺵ ﺍﻟﻌﺎﺭﺿﺎﺕ
ﻣﻴﺮﻧﺎ: ﻛﻔﺎﻩ!! ﻭﻋﻼﻩ ﻭﺵ ﺍﻟﻔﺎﻳﺪﺓ
!ﺗﺎﻋﻚ ﻣﻦ ﻭﺭﺍء ﻫﺎﺫ ﺍﻟﺸﻲ
(ﻧﺎﺿﺖ ﻭﻋﻼﺕ ﺻﻮﺗﻬﺎ)
ﻣﺎﻛﻔﺎﻛﺶ ﺧﻮﻳﺎ ﻓﺎﺭﺱ ﻟﻲ ﺩﺧﻠﺘﻮ
ﻣﻌﺎﻙ ﻭﻗﻠﺖ ﻭﻟﺪﻱ ﺭﺡ ﻳﺨﻠﻒ
ﺑﻼﺻﺘﻲ ﻭﻳﺨﺮﺝ ﻟﺒﻮﻩ ﻭﺑﻌﺪ
ﺳﻘﻮﻁ ﺍﻟﻄﺎﺋﺮﺓ ﻓﻘﺪﻧﺎﻩ ﻭﺗﻮﺧﺬﻧﺎ
ﻓﻴﻪ. ﺭﺍﻧﻲ ﻣﺎﻧﺴﻴﺘﻮﺵ ﻭﻛﻞ ﻟﻴﻠﺔ
ﻧﺤﻠﻢ ﺑﻴﻪ ﻭﺧﺬﺗﻨﻲ ﻓﻲ ﺍﻟﺸﺨﺺ
ﻟﻲ ﻛﺎﻥ ﻳﻔﻬﻤﻨﻲ ﻭﻳﺨﻔﻒ ﻋﻠﻴﺎ
ﺻﻌﻮﺑﺔ ﺍﻧﻚ ﺗﻌﻴﺶ ﻣﺸﺘﺖ ﺑﻴﻦ
ﺍﻣﻚ ﻭﺑﻮﻙ ﻟﻲ ﻛﻞ ﻭﺍﺣﺪ ﻓﻴﻬﻢ
ﻋﺎﻳﺶ ﺣﻴﺎﺗﻮ ﻭﺍﻧﺎ ﻭﺗﻮﺃﻣﻲ ﻓﺎﺭﺱ
ﻣﻄﺎﻳﺸﻴﻦ ﺑﻴﻨﺎﺗﻜﻢ ﺷﻬﺮ ﻋﻨﺪ ﻣﺎﻣﺎ
ﻭﺷﻬﺮ ﻋﻨﺪﻙ! ﻣﺎﺕ ﻭ ﺧﻼﻧﻲ
ﻟﻠﻮﺣﺪﺓ ﻭ ﺣﺪ ﻣﺎﻫﻮ ﺣﺎﺱ ﺑﻴﺎ. ﻧﺘﺎ
ﺣﻄﻤﺘﻠﻮ ﺍﺣﻼﻣﻮ ﻓﻲ ﺍﻧﻮ ﻳﻮﻟﻲ
ﺭﺳﺎﻡ ﻭﺩﺧﻠﺘﻮ ﻋﺎﻟﻤﻚ ﻋﺎﻟﻢ
!ﺍﻟﻌﻨﻒ..ﻭ ﻭﺵ ﻛﺎﻧﺖ ﺍﻟﻨﺘﻴﺠﺔ
ﻣﻮﺗﻮ... ﻓﻘﺪﻧﺎﻩ. ﻣﺎﻛﻔﺎﻛﺶ ﻫﺎﺫ
ﺍﻟﺸﻲ ﻫﺎﺍ!!! ﺑﺎﻏﻲ ﺩﺧﻠﻨﻲ ﺍﻧﺎ
!!ﺛﺎﻧﻲ
ﺳﻲ ﺍﺣﻤﺪ: ﻧﻔﻬﻢ ﻣﻦ ﻛﻼﻣﻚ ﺍﻧﻚ
ﺭﺍﻓﻀﺔ! ﺍﻭﻙ ﻛﻴﻤﺎ ﺑﻐﻴﺘﻲ. ) ﻫﺰ
(ﻣﻮﺑﻴﻠﻮ ﻭﺭﺡ ﻳﻌﻴﻂ ﺣﺘﻰ ﺳﻤﻌﻬﺎ
ﻗﺎﺗﻠﻮ: ﺍﻭﻙ ﺧﻼﺹ ﻛﻴﻤﺎ ﺑﻐﻴﺖ
ﺭﺡ ﻧﺪﺧﻞ ﻟﻤﺠﻤﻮﻋﺘﻚ ﻧﺪﺭﺏ
ﺑﺼﺢ ﻣﺎ ﺗﻘﺮﺑﺶ ﻟﻤﻴﻤﻮ ﻭﻋﻤﺮ ﻭﻻ
ﻣﺎﻣﺎ ﺑﻌﺪ ﻋﻠﻴﻬﻢ ﺧﻠﻴﻬﻢ ﻋﺎﻳﺸﻴﻦ
ﺣﻴﺎﺗﻬﻢ. ﻭﻧﺸﺎﻟﻠﻪ ﻳﺼﻴﺮ ﻓﻴﺎ ﻭﺵ
.ﺻﺮﺍ ﻓﻲ ﺧﻮﻳﺎ ﻭﻧﺘﻬﻨﻰ ﻣﻨﻜﻢ
ﻫﺰﺕ ﺭﺍﺳﻬﺎ ﻟﻠﺴﻤﺎء ﻭﺧﻼﺕ
ﺍﻟﻤﻄﺮ ﻳﺼﺐ ﻋﻠﻰ ﻭﺟﻬﺎ ﻋﻠﻪ
ﻳﻐﺴﻞ ﺣﺰﻧﻬﺎ ﺑﻌﺪﻫﺎ ﻛﻤﻠﺖ
.ﻃﺮﻳﻘﻬﺎ ﻟﻠﺪﺍﺭ
أنت تقرأ
كرونيك: مهمتي_دمرت_حياتي
Mistero / Thrillerسلام لبنات جيتكم بكرونيك روعة لكاتبة صاعدة.. كرونيك تفتق تحت عنوان #مهمتي_دمرت_حياتي كلها تشويق ..رومنسية 😍😍..غيرة😡😡..اكشن☠️☠️ نحب تفاعل بزااف و الكرونيك قصيرة ماهييش طويلة نحبكم تتفاعلو تعطو اراك و متبهدلونيش 😘😘😘 #منقولة الكاتبة Mïss Sïlhõ...
