Golden Blood [ Taekook ] ✅

09.

ජංකූක් දොර ඇරියේ පිපිරෙන බොම්බයක් වගේ මූණ හදාගෙනයි.

වෙලා තියෙන දේ ඕන කෙනෙකුට පැහදිලියි. අද වෙච්චි දේවල් නිසා ටෙයොංග් කීයටවත් එයාට රෑට යුංගි කිව්ව නයිට් ක්ලබ් එකට යන්න නං දෙන්නෑ.

අඩිය හප්ප හප්ප ගේ ඇතුලට ආපු ජංකුක් ටෙයොංග් එනකං බලං ඉදලා අත් දෙකත් ගැටගහගෙන එයා දිහා රවලා බැලුවා..
වැඩේ කියන්නේ ජංකූක් කොච්චර රැව්වත් ඒක නිකං හා පැටියෙක්ගෙ රැවිල්ලක් වගෙයි.

ටෙයොංග් ඔලුව කෙලින් තියං ජංකූක් දිහා හැගීම් විරහිතව බලං හිටියා.

" ඇති..... හොඳටම ඇති....
ටෙයොංග් තමුසෙ සීමාව පයිනවා....... ආශ්...... ඔහේ මගේ බොඩිගාඩ්... නැතිව පා නෙවෙයි..."
ජංකුක් ඉස්සරහට ඇවිත් ටෙයොංග් ගෙ පපුවට ඇගිල්ලකින් අනින ගමන් කිව්වා.
ටෙයොංග් ගෙ ඇස් තිබ්බෙ ඒ ඇගිල්ල දිහාවට හැරිලා.

තමන් කියන කිසිම දෙයක් ටෙයොංග් ගානකට වත් ගන්නෑ කියල තේරුන නිසා ජංකූක් ඒක නතර කරලා පස්සට උනා.

" ආශ්.. ටෙයොංග්.. අහනවා.. තමුන්ට කොයින්ද අයිතියක් මං යන ගමන් නවත්තන්න......"

" සර්.. අහන්න... රෑට ඒම ගමන් යන එක සර්ට එච්චර හොඳ නෑ"
ටෙයොංග් නිවුන කටහඩකින් ජංකූක් ට කිව්වා..

" ආශ්.. තමුසෙට තේරෙන්නැද්ද ටෙයොංග්. මං සෝල් ආවෙ නිදහසේ ඉන්න.... එහෙ මෙහෙ ඇවිදින්න... ඉගෙන ගන්න.. යාලුවො ආශුය කරන්න..... එතකොට තමුසෙ කියන්නෙ මට නිකම්ම නිකමෙක් වගේ කම්මැලි කමේ ඉන්න කියලද... මට කම්මැලී මිනිහෝ....." ජංකුක් එහෙ මෙහෙ ඇවිදිමින් කෑ ගගහා ටෙයොංග් ට දොස් පවරන්න ගත්තා..

" ඒත් ආරක්ෂාව..... ", ටෙයොංග් ට කියන්න පුළුවන් උනේ එච්චරයි.. සෝෆාවෙ තිබ්බ කොට්ටයක් අතට ගත්ත ජංකුක් පොඩි එකෙක් වගේ ටෙයොංග් ට ඒකෙනා ගැහුවා.

ටෙයොංග් නම් තාමත් අත් පිටිපස්සට බැදගෙන ජංකූක් දිහා බලං ඉන්නවා.

" ඉන්න... ඉන්න.... ඔහේ මට කියන්නැති මොනා හරි තියනවද කියනවා..... ඒකද මාව මෙච්චර පරිස්සං කරන්න හදන්නෙ...." ජංකූක් ඇවිත් ටෙයොංග් ගෙ ඇදුමෙ කොලර් එකෙන් අල්ලං කීවා..