Golden Blood [ Taekook ] ✅

06.

රෝස් එක පාරටම ටෙයොංග් ගෙ අත උඩට වැටුනම හැමොම මීයට පිම්බා වගේ නිශ්ශබ්ද උනා.

ටෙයොංග් නම් ෂොක් වෙලා ඒ කෙල්ල දිහා බලං හිටියා. කෙල්ල ටෙයොංග් ගෙ කමිසෙනුත් ඇදගෙන හිටියේ වැටෙයි කියලා බයට.

" ඔ... ඔයා ඇනබෙත්ගෙ යාලුවෙක් ද?"
මැද්දෙන් පැනගෙන ඉස්සරහට ආව ජංකූක් ටිකක් හයියෙන් කීවා.

හැමොම අමුතු විදියට හිනා වේවී හිටියත් ඒ සිද්ධිය දැක්කම ජංකූක් නම් ටිකක් මුණ හතරුස් කරගත්තෙ දුං දාන රොටියක් වගෙයි.

" ආ.. ඔව්......." කෙල්ල ටෙයොංග් ගෙන් ඈත් වෙන ගමන් කිව්වා.

" ජංකූක්.... මේ ඉන්නෙ රෝස්.. මගේ පුංචි කාලෙ ඉදලම යාලුවෙක්..."
ඇනබෙත් ඉස්සරහට ඇවිත් රෝස්ගෙ අත අල්ලං කිව්වා.

ටෙයොංග් නම් වෙච්චි දෙයින් ටිකක් ලැජ්ජාවට පත් වෙලා එතනින් ටිකක් ඈතට ගියා.

ඒත් ඒ මුලු වෙලාවම රෝස්, ටෙයොංග් දිහා හොරෙං බලන හැටි ජංකූක් හොඳටම බලාගෙන හිටියා.

" ආ.. මම ජංකූක්... එතකොට මේ... මෙයා ජිමින්.... අර... ටෙයොංග්"
ජංකූක් ටෙයොංග් ව අදුන්වලා දුන්නෙ එච්චර කැමැත්තකින් නම් නෙවෙයි.

ඒ අතර ටෙයොංග් ගෙ ඇස් ජංකූක් ගෙ ඇස් එක්ක මුණ ගැහුනම ටෙයොංග් වෙනදා නැති විදියට ජංකූක් දිහා බලං හිටියේ හරියට වරදක් කරපු පොඩි එකෙක් වගෙයි.
ජංකූක් උනත් ටෙයොංග් දිහා බැලුවෙ සෑහෙන්න තරහෙන්.

.
.
.
.
.
.
.
.
.
.
.
.
.
.
.
.
.
.

උදේ ලෙක්චර් එක ඉවර වෙලා ටෙයොංග් මොහොතක් වත් එතන ඉන්නැතිව එලියට ආවෙ ඒ මුලු වෙලාවම අර කෙල්ල ටෙයොංග් දිහාම බලං හිටිය නිසයි.

ඊටත් වඩා ටෙයොංග් ට ටිකක් දුක හිතුනෙ ජංකූක් උදේ එයාට සමච්චලේට කිව්ව කතාවට.
" කොල්ල දක්ෂයා නෙ... පලවෙනි දවසෙම කෙල්ලෙක්ගෙ බැල්ම අර ගත්ත නේද"  ජංකූක් කට කොනක හිනාවක් රදවන් ඒ විදියට කියලා තිබ්බා.

වොශ් රෑම් එකට ආව ටෙයොංග් දැක්කෙ කණ්ණාඩිය දිහා බලං මොනාද මුමුණ මුමුණ ඉන්න ජංකූක් ව.

ඒත් එයා එතනට යනකොටම ජංකුක් රවලා අහක බලාගත්තා.

" කොල්ලා සෑහෙන්න හොට් නෙ " ජංකූක් ටෙයොංග් සිංක් එක ගාවට ඇවිත් අත හෝඳන කොට කිව්වා.