يوسف : واش كان يهدر الطفل دوكا
حياة : يعني هو طفل و فهم الحكاية بالناقص وو
يوسف : حياااة ؛ لي قاله الطفل صح
حياة : ..... اممم
خبط الطابلة بيدو تنفضوا كيما راهم
يوسف ( دار لريهام ) : شكون مدلك الحق دخلي روحك فحياة بنتي هااا
ريهام : بابا انا ...
يوسف : طول حياتك انانية و راح تبقاي هكذا كيفاش تقدمي صاحبتك على ختك لي من لحمك و دمك هااا راهي عايشة عندك ديرونجاتك نتي راكي توكلي فيها نتي راكي تلبسي فيها قولييي
ريهام : لا .... لالا
يوسف : مالا فواش مقلقاتك راهي فدار باباها افهميها ؛ لوكان نزيد نسمع واحد فيكم جرحها ولا زاد معاها فالهدرة نتبرا منو يا خسارة تربيتي فيك
خبط الكرسي و ناض حياة لحقاتو تهدي فيه ؛ ريهام عينيها تعمرو بالدموع و رنيم كانت ساكتة ، مسحت دموعها لي هبطو و دارت لرنيم
ريهام : عجبك الحال هكذا رنيم يعني مكنتيش قادرة تنوضي تهدري مع بابا و تقوليلو مقصدتش
سولا : بلعي خيرلك ، وجهك صحيح تزيدي تهدرلي محطيتكش هكذا كيفاش تري تجرحي ختك على حساب وحدة **** وقت الناس تعايرك بالعاقر تلقاي رنيم تحامي عليك و اليوم كي يبهدلوها جي توقفي في صفهم عمري ماشفت وحدة انانية كيفك
فتحت ريهام عينيها من هدرتها
ريهام : نتي متحشميش تهدري معا لي اكبر منك هكا
سولا : اليوم ليك و غدوة عليك
خبطت لكرسي و راحت
رنيم رفدت روحها فالسكات و خرجت
.......
رنيم تحكي *****
وقت واحد فيهم يحتاج ؛ يزعف ؛ يبكي يشكي او يتجرح يلقى رنيم معاه دايمن كنت السند لخواتاتي حتى من ريهام لي علاقتنا ماشي وطيدة بزاف ، عمري ولا ظنيتها هكذا و فكل مرة و مع اني اكبر منها نتنازل على حقي و نقول معليش مانكسرش بخاطرها بصح اليوم طاحت من عيني و بزاف و اكثر حاجة بلاك خايبة فيا هي اني متسامحة لدرجة كبيييرة بصح اذا انسان جرحني و طاح من قلبي خلاص منقدرش حتى نزيد نخزر فيه ؛ حسيت بيه وقت دخل و قاعد يلعبلي بشعري
يوسف : نعرف بلي مزالك نايضة
فتحت عينيا و تبسمت
رنيم : نعرف بلي تعرفني
يوسف : و بزااف .... ( تنهد ) ..... رنيم مديريش فراسك بنتي تعرفي بلي باباك مزاله فكتافك و داره دايمن مفتوحة ليك
كتفيت اني نطلع راسي و نهبطه بايه
يوسف : اييه عندي ليك خبر
عقدت حواجبي
يوسف : ههه خير خير ... تعرفي مصطفى صاحبي
رنيم : ايه
يوسف : هذا وليده فتح une crèche ( روضة وقيل اسمها هكا ) و بمانه جديدة يحوس على معلمين ليها و انا قلت وعلاش متروحيش تخدمي فيها يعني عندك مستوى دراسي مليح و فوق هذا تحبي الولاد بزاف و نعرف بلي صاحبي مراحش يردني
رنيم : منعرفش بابا يعني و ماما شكون يعاونها و
يوسف : رنيم بنتي خممي شوية على روحك خليك من الناس ؛ عيشي حياتك ديري صحابات و انا متاكد بلي راح تشكريني باسكو راح يعجبك الحال
سكتت نخمم و قلت وعلاش لالا منجربش نكسر الروتين و نخرج برا نتعرف على الناس خير منقعد طاوية على روحي
رنيم : ... ان شاء الله
يوسف : نفهم من كلامك بلي قبلتي
رنيم : هه ايه
يوسف : خير مادرتي و دوكا انا نخليك ترقدي و وقت راح يبداو راح يعطولك
رنيم : ايه تصبح بخير بابا
يوسف : و نتي بخير اميرتي
خرج بابا و انا تنهدت قعدت نفرك فصباعتيا من جهة متحمسة بزاف و من جهة خايفة شوية لانه عندي شحال مخرجتش من الدار و خدمت ، تبسمت وحدي نيماجيني روحي مع الولاد ربي عالم شحال نحبهم .... زعما يجي نهار و نولي ام
جازوا اليامات بسرعة ، قاعدة فشمبرتي نطبق فحوايجي حتى
يتبع 🌸🌸🌸
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
