انت املي _ باللهجة الجزائرية 🇩🇿 _

بارت 28

صحا فطوركم البنات تصوموا بالصحة و الهناء ان شاء الله 💜 و دوكا خليونا نبداو

رنيم : ربي يستر من الحكاية لي راح تخرج موراهم هادو

كملت رنيم سيقت الشمبرة و الصالون منبعد راحت لدار فاطمة كل واحد وين لقاته لي فالصالون و لي مزاله يتعشى لي طاح رقد ؛ قاعدة تحوس على وسام لقاتها مع غيث و رياض سيف و هبة فالصالون يضحكو و يتبهللو ؛ دخلت عندهم و قعدت قدامهم

هبة : راهي جات الشاطرة
غيث : نتي صح مراة تاع دار رنيم حسبتلك واحد الناس طلقوا الخدمة فالنص على جال كرشهم
وسام : راك عليا
غيث : اههه اذا فهمتيها بلي عليك بروبلام فيك ماشي فيا بصح بيناتنا خلعتيني كيفاش طحتي على الجاج

وسام حمارت و تشنفت

غيث : وشبيك كنت نقسر برك متزعفيش

ضحكت رنيم و على تطلعية راسها شافت ادم دخل

غيث : راو جا حبيبي

خمس عليه و قعد

سيف : واش وين كنت
ادم : رحت جبت الفاكهة كان راح يجيبها مروان و فالاخر حصلت فيا
غيث : سمحلي بصح فطومة قادرة طيحتنا كيما رانا مصبح و حنا طالعين هابطين باين كانت دايرة رايها  فالشيخ سعيد
هبة : الناس يقولو الله يرحمو
ادم : حقا نتا مصبح ميرا و هي تعيطلك كيما لقاتكش حرقتلي التليفون يرحم باباكم متزيدوش دخلوني فحكاياتكم
سيف : سوق النسا واعر غيث قتلك خطيك
وسام : شكون هاذي ميرا

رنيم فتحت عينيها فيها تاع واش دخلك

هبة : ههه حبيبة غيث
غيث : واش من حبيبة الله يهديك دوكا انا عايش حياتي راكي فاهمة كيفاه بصح البنات هذوما يظلو لاسقين فيا واش ندير زعما انا شباب بزاف a ce point
وسام : لالا نتا خلاط كثر مالميكسور هذا ماكان

طرطقو كامل بالضحك

غيث : معليش صحا اشفايها
وسام : متغيضكش بصح الواحد كيما ما يحبش عفسة يجبد روحو
غيث : عندك الحق سيبون دوك نولي كيما رياض خاطيني البنات و الخرجات
رياض : اههه 😅
سيف : اواه متقدرش تولي كيما رياض امبووسي
غيث : ههه باينة ياخو رياض لوكان طفلة تهدر معاه تتلفلو لازم تكون قافز شوية راهو كي الولية مسكين

ضحك رياض

رياض : انا نعيط للعجوز مسقسيتش عليها اليوم سمحولي

خرج رياض منبعد ادم خبط غيث لراسو

ادم : وشبيك تهدر برك قتلك شحال من خطرة كونترولي روحك
غيث : كنت نقسر برك
هبة : باينة يكون زعف عيب عليك غيث
غيث : خلاص دوك ينسى
رنيم : سمحولي دوك نجي

ناضت للكوزينة لقاتهم خرجوا كامل من غير رحمة قاعدة تغسل فالماعن

رنيم : طاطا خلي عليك هاتي نغسلهم
رحمة : لالا بنتي اصلا مكانش بزاف
رنيم : طاطا قتلك روحي ريحي انا نكملهم
رحمة : تعيشي ربي يحفظك

خرجت رحمة و رنيم بدات تغسل فيهم غير حست بواحد دخل دارت

رنيم : رياض كشما تسحق
رياض : اههه حبيت نشرب كاس ما
رنيم : دقيقة دوك نحطلك

غسلت يديها و نشفتهم و حطتلو كاس تاع الماء فوق الطابلة

رياض : يعطيك الصحة
رنيم : بلا مزية

رفد يشربه

رنيم : اشربه بالقاعدة خير ماشي مليح تاكل ولا تشرب بالواقفة

رياض : ايه عندك الحق

قعد و هي تبسمت و جبدت الكرسي و قعدت

رنيم : زعفت من هدرة غيث مقبيل
رياض : اههه لالا .... موالف بيه
رنيم : هو صح مكانش قاصد بصح قدر يجرحك ... ههه انا و نتا نتشابهو finalement
رياض : هو علبالي مكانش قاصد بصح
رنيم : مرات السكات هذا هو لي يخليهم يتمداو فحقنا يعني لوكان يعرف بلي مراكش تحب كي يهدرلك هكذا يحبس
رياض : ايه صح ههه بصح عنده الحق انا نحشم بزاف
رنيم : هههه

تقطعت ضحكتها وقت دخل ادم و عيطله

ادم : ريااض
رياض : اههه ادم
ادم : وين راك مصبح و حنا نحوسو عليك
رياض : جيت نشرب الماء
ادم : اذا كملت هيا نخرجو غيث و سيف راهم لتحت فالحومة
رياض : اههه ادم مرانيش حاب نجي سمحلي اصلا دوك نزيد شوية و نروح للدار
ادم : هيا رياض واش قعدك هنا وسط البنات

رياض حشم و هو اصلا محبش يهبط من التبهديلة تاع مقبيل ؛ ادم طلع حاجبه يستنى فيه ؛ رنيم كي لقات رياض حشم نطقت

رنيم : خلاص ادم خليه يدير لي تساعده محبش يجي ميجيش

ادم خزر فيهم خزرة تموت

رياض : خلاص رنيم انا نروح هذاك هو و مارسي على مقبيل
رنيم : بلا مزية رياض

خرج رياض و رنيم غير طلعت راسها لقات ادم يقحرلها منبعد خرج

رنيم : سيد واقيل هبل

ناضت كملت الماعن لي مزالولها و هي تغسل فالماعن حست بحاجة تخبطت موراها دارت مخلوعة لقاته ادم دخل و رمى التليفون فوق الطابلة لي حسته تكسر

رنيم : اددم واشش ...

يدها لي طارت وقت جبدها كوباتلها لهدرة

ادم : واش حاطة روحك في داري و تعاندي فيا
رنيم : ادم  ... نحي يدك وشبيك فواش عاندتك
ادم : كيفاش انا نقولو اهبط و نتي تقوليلو اقعد حابة جوزي كلمتك بسيف عليا و لا كيفاش