انت املي _ باللهجة الجزائرية 🇩🇿 _

بارت 32 و 33

حياة : متخزريش فيا هكاك لوقتاش تقعدي مخبية
ادم : واش خبات !!!
حياة : مرتك راهي اونسانت
ادم : كيفااش
حياة : انا نخليكم نروح نشوف الروز دوك يتحرقلي

غلقت الباب و خرجت

حياة: اووههه دوك رتحت

.......

ادم : واش كانت تقول يماك

هبطت راسها تفرك فيديها دخلت بعضها و ملقاتش واش تهدر

ادم : كيفاش حتى .... ماشي كنتي تاكلي دواء
رنيم : ايه .... بصح فالشهر الاخر كنت ننسى عليه بصح كنت دايرة حسابي و ... سمحلي ادم علبالي مكنتش حاب و مام انا محبيتش مدام نتا مكنتش راضي بصح .....
ادم : شحال عندك ملي عرفتي
رنيم : فاليامات لي جيت نبات فيهم هنا
ادم : واو و انا حتى لدوكا باش نعرف
رنيم : كنت خاييفة ....
ادم ( عيط عليها ) : هادي ماشي سبة تخليك تخبي 
رنيم : ادم تعيش متزيدش عليا مرانيش قادرة نزيد نتحمل

مسح على وجهو

ادم : راني هابط لتحت و نتي نوضي لبسي حجابك راني نستنى فيك

هو ناض و هي قالتلو

رنيم : وين راح نروحو
ادم : للمريخ

خرج و هي عوجت فمها و ناضت ليماها

رنيم : ماماااا
حياة : خير وقيلا حسبتلك طرشة باش منسمعكش
رنيم : ماما كيفاش هكا تروحي تقوليلو
حياة : واش حبيتيني ندير نقعد نستنى فيك ... هو يشوف فيك تتقياي و نتي تقوليلو الماكلة
رنيم : ماما كنت قادرة نمهدلو قبل كيفاش تروحو تقوليلو ديراكت
حياة : امممم تمهديلو قال لوكان تبعتك ميعرفش حتى تخرج كرشك
رنيم : سمحيلي انا لي غلطت
حياة : باينة
رنيم : انا راح نروح نلبس
حياة : وين
رنيم : معلباليش بلاك نروحو عند الطبيبة
حياة : خير ما دار

........

فتحت الباب و دخلت شوية هكذا لحقو قدام لكلينيك ؛ هبطت تبع فيه حتى لحقو عند الطبيبة ( جماعة الخير خاطيني الطب تاع الحوامل سما اذا خلطت عذروني ) طبطب و دخل وقت جاه صوتها ملداخل

👩‍⚕️ : اههه ادم جوز
ادم : وشراكي مدام
👩‍⚕️ : سافا و مدام فاطمة كيفاش راهي
ادم : راهي مليحة
👩‍⚕️ : installez vous وعلاش راكم واقفين
.....

ادم : هادي هي مرتي لي قتلك راح نجيبهالك
👩‍⚕️ : سافا مدام
رنيم : سافا الحمد لله
👩‍⚕️ : بصح باش نديرو ليزاناليز لازم جيني صباح بكري
رنيم : مزال مكليت والو
👩‍⚕️ : اههه très bien ملا دوك نعيط ل l'infirmière تديك تنحي دم و راح نقوللهم نسيي نوجدهم فواحد ساعة ولا زوج

جات لانفارميار لي دات معاها رنيم

👩‍⚕️ : متكونش اونسانت بارسكو على حساب واش حكيتلي على الدوخة تقدر تكون هكاك
ادم : apparemment oui
👩‍⚕️ : كلشي مبروك
ادم : انا نخليك نروح نشوف رنيم
👩‍⚕️ : داكور واحد زوج سوايع نعيطلك