انت املي _ باللهجة الجزائرية 🇩🇿 _

بارت 53 و 54

حياة : واش دارلك

دارتلها براسها والو

حياة : خلاص انساي لي جاز و اخزري فيا ... انساي سيد هذا رنيم شوفي بنتي بلاك ... صح دايمن كنت مزيرة معاكم و مهبلتكم على الزواج باسكو علبالي بلي حكايات الحب هاذو يوجعولك راسك و يكسرولك قلبك سورتو اذا كانت غير من جهتك وقت قتلك اقبلي بمراد كان علبالي واش راني نقول ما يدوملك غير راجلك و البنادم اللي تحبيه ميدوملكش و مع الوقت راح توالفي راجلك و يوالفك و تحبيه و يحبك وعلاش انا حبيت باباك ولا عرفتو من قبل لالا تزوجت زواج تقليدي و مع عشرة السنين كبرت المحبة و الاحترام بيناتنا و راكي تشوفي ... حتى انا كان راسي مكسر و كان يعجبني شحال من واحد ههه بصح كي جا باباك من الباب الكبير قبلت و مخممتش فالسعيد و جمال و سمير .... شوفي مدام السيد مراهو واعدك بحتى حاجة سما متستنايش يا رنيم غدوة كي تلقايه عرس بغيرك جيبيها فروحك ... على هاذي انسايه و طوي الصفحة هاذي منسحقش انا كل يوم البكاء و الدراما فالدار

مسحت دموعها و تبسمت ؛ ناضت حياة من بلاصتها

حياة : هيا دوكا روحي اغسلي وجهك و خليني نروح نكمل شغلي و متحلالكش كل يوم جي تتبكايلي هنا و انا نهدر معاك هكذا

ضحكت و دارتلها براسها ايه و هي خرجت
غير خرجت لقات ريهام واقفة عاقدة حواجبها

ريهام : واشبيها
حياة : سيقتي كملتي
ريهام : ماما واش هاذ الهدرة انا نسقسي فيك و نتي تقوليلي على التسياق
حياة : قتلك روحي سيقي خير ما نوض ليك الشيعة برك عندي البنات النهار راح و الارض مزال متسيقت

خبطت رجلها فالارض و راحت جابت البيدون و راحت للصالون

حياة : سييقي مليييح

عيطت مالصالون

ريهام : نسيق نسيق ... حرام عليك عجوزتي و مدارتليش هكذا
حياة : يا لوكان نجيليك جاية تشبيهيني بالشيبانية هذيك على هذيك جابتلك ضرة و نتي لا خبر
ريهام : هكذا صحا يا ماما وليتي تعايري فيا
حياة : التهاي بالتسياق خيرلك

ضحكت و راحت للكوزينة تكمل فالفطور

......

غسلت وجهها و رجعت لشمبرتها راحت للبونك تكسلت ؛ قاعدة غايسة هكذاك حتى  غفات

.....
في جهة اخرى :

غيث : ايه محكيتيليش كيفاش جاز الفطور مع يما
وسام : اممم لوكان جيت تعرف ... يعني حنا ستنيناك و مجيتش
غيث : جا صاحبي من الغربة عندي شحال مشفتوش كان لازم نشوفو
وسام : اممم يماك الله يبارك قامت بالواجب رحبت بيا كيما يلزم

ضحك و شرب مالقهوة

غيث : ههه علبالي
وسام : راك تضحك غيث تعرف ملي رحت و هي تمعنيلي هدرتلي لي ميتهدرش و هكداك و سكتت
غيث : واش حابتيني نبكي وسام ياك هبلتي باش تتلقاي بيما و هاد الحكايات تاع النساء متصدعيليش راسي بيهم
وسام : تعرف حاجة لوكان جات يماك تحبك و تقادرك تقادرني مديرليش هكذاك وسط دارها
غيث : وعلاش راني عاقد عليك ولا خاطبك باش يلزم تقادرك و تقادرني و زيد منقبل كانت تحب ميرا و دايرتلها كيما بنتها هنا تعرفي بلي الديفو فيك ماشي فيما لي ماشي مقادرتني و هاذي الاولى و الاخرى لي تزيدي تهدري فيها على يما فهمتي
وسام : مليح يا غيث راك تقارن فيا بميرا ولا مزاالك منسيتهاش
غيث : شوفي متبدايش تخلطي برك
وسام : سقسيتك قولي
غيث : انا نهار لي ديسيديت نبدا معاك تما كانت خلاصت حكايتي مع ميرا و دوكا اذا راح تبدايني بالعقلية تاع الشك هاذي غير نحبسو وسام بارسكو انا منحبش تكسار الراس مالاخر