رنيم : قتلك احترم روحك خير ما نلم عليك الناس
سولا : خلاص رنيم خلينا نروحوا
رنيم : واش موقفك مع عباد كيما هادو
فؤاد : يا سيدي هاذ العباد كانوا يخرجو معا ختك و ختك كانت تبعت واحد التصاور **** **** واش نحكيلك يا ختها و هاذ العباد دوكا حابين يوريو هاذ التصاور لباباها باش على الاقل يعرف بنتو المصونة واش راهي دايرة مور ظهرو
رنيم رجعت تغلي من داخل خايفة يعرف باباها تعرفه يقدر يقتلها نورمال
رنيم : واش تسحق دوكا
فؤاد : ساهلة ماهلة تمدلي دراهم لي طلبتهم نمحي تصاور
رنيم : شحال تسحق
فؤاد : 50 مليون برك
رنيم : برك
فؤاد : ههه نعرف بلي باباك لباس بيه و يماك تاني دير كلش باش ميسمعش باباك سوسو حكاتلي شحال باباكم واعر فهاذ المواضيع و دوكا خيرو يا جيبو دراهم و تخلاص لحكاية يا باباكم يعرف و وقتها نجيو ناكلو الطعام فالثالث ( زعما فالجنازة )
راح فؤاد و خلاهم سولا قاعدة تترعد وحدها و رنيم زيرت على الساك مكرزة
سولا : رنيم
رنيم : اسكتي
شدو تاكسي و رجعو للدار سولا كانت ترجف ؛ حياة كانت فالمارشي مزال مدخلت للدار ، رنيم غير غلقت باب الدار دارت لختها و ضربتها كف هبطو معاه دموع سولا
رنيم : هذا حق خير باباك سلسبيل
دخلت لشمبرتها و قعدت فوق البونك شادة راسها بيديها تخمم فحل ، تروح تشكي بلي راه يهدد فيهم خافت تلحق الهدرة لباباها ، الدراهم معلبالهاش منين جيبهم ، دخلت سولا عندها مهبطة راسها ، طلعت رنيم راسها و ميلته
رنيم : خير
هبطت سولا عنقتها تبكي
رنيم : فواش راح يفيدك البكا اممم
قاعدة تمسحلها على راسها
سولا : غلطت ... غلطت رنيم غرني شيطان معرفتش كيفاش امنتو و درتلو خاطرو و فالاخر تقلب عليا
رنيم : وين عرفتيه
سولا : يخدم فالحانوت لي قدام ليسي تاعنا كي كنت نروح نشري من تما تعرفنا
رنيم : سلسبيل علبالك بلي مزالك بزاف صغيرة و زيد هو باين كبير بزاف عليك
سولا : معلباليش كيفاش تلعبتلي معلباليش
رنيم : خلاص دوكا لي جاز جاز
سولا : و لوكان يقول لبابا
رنيم : راح نلقاولها حل متخمميش خليها عليا
سولا : يعطيك الصحة رنيم ربي يخليك ليا
رنيم : صحا و دوكا مديلي تليفونك
سولا ( ناضت ) : وعلاش
رنيم : راح يقعد عندي هاذ الخطرة و متزيدي تخبي حتى حاجة عليا
سولا : ايه كيما تحبي ... رنيم مراحش تقولي لماما ياك
رنيم : .... لالا و دوكا روحي ريحي فشمبرتك
سولا : اممم
......
رنيم تحكي :
نضت الصباح راسي راح يطرطق من السطر تفكرت لي صرا البارح تنهدت ، استغفرت و نضت صليت و وجدت روحي و رحت بسيف معرفتش كيفاش و وقتاش جاز نهار حتى لقيت روحي هبطت مالبوس راجعة للدار كانت 6 و نصف تاع العشية ، دخلت للحانوت شريت الخبز و انا خارجة عارضني فؤاد
قلبي حسيتو حبس ، حنا فالحومة هذا يعرف هذا و هذا يهدر على هذا و مخصنيش نولي ف سين و جيم مع دارنا
فؤاد : واش ، راكي دايرة روحك متشوفيش ولا كيفاش
رنيم : روح خطيني
فؤاد : وقتاش ندي دراهمي
رنيم : وقت نشكي بيك بلي راك تهدد فينا وقتها راح تدي دراهمك
فؤاد : و وقتها الهدرة و التصاور يلحقوا لباباك
حسيت السخانة طلعتلي ؛ دخلت وحدة جارتنا للحانوت وخزرت فيا بنص عين ، حطيت راسي و كملت نمشي محبيتش نقعد واقفة معاه بصح هو لحقني و محبش يطلقني ( و بهاذ المناسبة البنات لي يبعتو تصاورهم لصحابهم ربي يهديهم ان شاء الله، المشاكل لي يقدروا يصراولهم ربي عالم بيهم )
فؤاد : عندك يومين فيدك يا جيبي الدراهم يا تعرفي واش ندير
حطيته فالثقيل و محبيتش نرد عليه بصح هو جبدني من يدي و محبش يطلقني
فؤاد : كي نكون نهدر معاك تهدري فهمتي
فتحتي عينيا من وقاحته شادني فنص الطريق مزية الطريق جات خالية ولا كنت وليت على سيرة كل لسان ، رفدت يدي باش نضربه لوهالي حتى وجعني
فؤاد : حاطة روحك تقدري تضربيني هااا مزال منولدتش المراة لي تضربلي
يدي حسيتها راح تتكسر من قوة ما لواها بصح هكاك و محبيتش نبكي ولا نبينلوا بلي وجعني
رنيم : ههه كلمة راجل عيب تنقال على الناس لي كيما نتا جاي تستقوى على مراة
عينيه رجعوا حمورا و زاد زير على يدي وقتها عيطت باش يطلقني بصح محبش ، وقتها معرفتش كيفاش جاتني القوة و خبطتو للمنطقة الحساسة 😂 طلقني يعيط وقتها رفدت parapluie و طحت نضرب فيه بيها نحيت غلي منبعد هربت نجري خايفة يلحقني
وقت لحقت للباتيمون رجعلي شاهد العقل دوك نخلصها غالية من بعد واش درتله علبالي راح يديرلنا بروبلام كبير بصح وقت شدني و عوجلي يدي ملقيت حتى حل غير اني نضربه
هذا هو البارت ان شاء الله يكون عجبكم خليولي ارائكم فالتعليقات و اقتراحاتكم 💛🧡💜💚❤
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
