رنيم : ادم
ادم : اممم
رنيم : وعلاش ضاربت مع رياض ؟؟
ادم : منين سمعتي
رنيم : هبة قاتلي صباح
ادم : حكاية فارغة
رنيم : اممم
........
كان راقد ولا نقولو دار روحو راقد الشمبرة كلش فيها مغلوق الظلمة و السكات ساكنينها .... تفتحت الباب و دخلت راحت عندو تمسحلو على شعرو
سلمى : غيث وليدي وشبيك نوض
غيث : يما خليني نرقد
سلمى : و تقعد راقد دوكا .... حالتك مراهيش عاجبتني كامل
غيث : يما اخرجيي
ناضت مخلياتو على راحتو هي غير غلقت الباب هو تنهد رفد تليفونو و دخل للتصاور .... قاعد يشوف في تصاورو مع ميرا
غيث : وعلاش درتي هكذا وعلاش
لحقو ميساج دخل يشوفو ؛ لقى باعتين فيه نفس التصاور لي تبعتو تاع ميرا و مع الاخر فيهم فوكال عقد حواجبو و مشاه .... هاذ الفوكال كان فيه هدرة رمزي كي كان يحكي على وسام و لي دارته
غيث : **** واش راهو يهدر هذا
صباح جديد و احداث جديدة :
ناضت صباح ناشطة هذا اول يوم فدارها بعدما غسلت وجهها و صلات راحت توجد القهوة عوجت فمها كي ملقات حتى قاطو و هي لازم اذا شربت الحليب تشربو مع القاطو ولا كرواصون و تزيدلو شوكولا المهم مع حاجة حلوة ..... طلعت للشمبرة باش تنوض ادم بحكم خدام اليوم
قعدت قدامه و بدات تنوض فيه
رنيم : ادم .... ادم نوض
حل عينيه بلعقل
ادم : صباح الخير
رنيم : صباح الخير
مسحتله على لحيته و هو دنا قدامها و رجع رقد
رنيم : ادم اذا مقدرتش تنوض خلي متروحش اليوم
ادم : لالا دوك نوض
زاد شوية و ناض راح غسل و هي راحت حطت القهوة و هو زاد شوية و هبط
رنيم : ادم بمن تحب تشرب قهوتك
ادم : بوالو ...... و نتي متقعديش
رنيم : ملقيت حتى حاجة نشرب بيها و انا نحب نشرب بالقاطو تاع برا
ادم : لوكان قلتي البارح لوكان شرينا
رنيم : معليش منبعد و نشريو ماشي بروبلام
ادم : ايه
كمل الكاس تاعو و خرج غلقت الباب و تنهدت
رنيم : واش نديرو دوك
راحت جبدت البيدون تاع تسياق و عمرتو بالماء حطتو وسط الكولوار باش تسيق الدار لي كانت تغبرت شوية حتى سمعت الباب
رنيم : اههه شكون يجي عندي !!
راحت غير طلت لقاتو ادم
رنيم : واش نسا
فتحت الباب مدلها الساشي
ادم : هاكي القاطو باش تسقهواي
رنيم : اههه وعلاش عذبت روحك
ادم : مفيهاش عذاب و دوكا لازم نروح دوك يروح عليا الحال
رنيم : اتهلى فروحك
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
