صباح جديد :
خرجت مع صحاباتها حتى لقاتو يستنى فيها تبسمت و قالتلهم
وسام : بقاو على خير البنات انا نروح
ركبت و تبسمت
وسام : كيفاش راك
غيث : كي شفتك وليت مليح
وسام : ههه
غيث : ربي يدومها
وسام : 😊😊 .... ايه وين راح نروحو
غيث : وين راكي حابة
وسام : معلباليش خلينا نروحو نفطرو قبل
غيث : داكور ..... استناي نشوف شكون راه يعيط
لقاها يماه رجعو لبلاصتو
وسام : شكون و وعلاش مريبونديتش
غيث : يما ... علبالي دوك تكسرلي راسي و هي تسقسي
وسام : رد عليها راهي عاودت بلاك كشما تسحق
قعد يحك فرقبته
وسام : خير كشما كاين
غيث : دوك نريبوندي بصح بلاكي تخرجي صوتك تزيد تسمعك
وسام : وعلاش
غيث : هكا مرانيش حابها تعرف
وسام : بصح على حساب واش قتلي يماك كوول و متفهمة و تعرف تفاصيل حياتك نورمال
غيث : ايه
وسام : ملا وعلاش
غيث : هكذا مرانيش حابها تعرف
وسام : وعلاش كان علبالها بعلاقتك مع ميرا
غيث : ميرا و نتي ماشي كيف كيف يعني حنا كامل كبرنا كيف كيف نعرفو بعضنا عندها شحال من عام و والدينا يعرفو بعضهم و زيد يما تحب ميرا و ... خالوطة وخلاص
وسام : غيث راك تتقعد بيا كيفاش ميرا نورمال و تحبها وعلاش انا متحبنيش ولا مراكش ناوي هاذ العلاقة تروح بعيد .... غيث شوف انا حاشمت صحباتي و ضاربوا معايا بسبتك و هكذاك قلت معليش و نتا اليوم تخبي فيا على الناس
غيث : وسام انا دراما هاذي تاع نساء منحبهاش
وسام : دراما هه غيث نسقسيك
غيث : سقسي
وسام : العلقة هاذي لوين راهي رايحة راك سيريو فيها انا واش بالنسبة ليك
غيث : وسام انا نجيبهالك مالاخر انا صح خلاط و كلش بصح منلعبهالكش انا مراني ناوي حتى حاحة من لي في راسك لا خطبة لا زواج راني معاك كيما كنت مع لي من قبلك صراحة كيما قلت لميرا من قبل ما تستناي مني والو نتي تاني نقولهالك عجبك الحال عجبك معجبكش هنا نحبسو
وسام : ههه هاذي هيا لي تحبني
غيث : متبدايش بحكايات الحب تاعك
وسام : تحبني ولا لالا
غيث : وسام شوفي ... نعزك بزاف و تعجبيني بصح ماشي لدرجة نحبك يعني معلباليش وقتاش لحقتي تحبيني كيما راكي تقولي بصح انا منقدرش نحب وحدة بين ليلة و نهار
دورت راسها لجهة الكارو غاضتها عمرها
غيث : وسام متزعفيش ... انا حبيت نكون معاك صريح باش غدوة متلومينيش
وسام : ........
.........
رنيم تحكي :
وصلت للدار لعشية هذيك عيانة ؛ فرحت كي متلاقيتش بمراد اليوم بارسكو مكنتش حابة نهدر معاه ولا يسقسيني .... بعظما خذيت براي ريحاب خذيت قراري و مراحش نتراجع فيه مراد قلبي مرتاحلوش هو صح يبان ناس ملاح بصح حنا منتوالموش و مالاول معجبنيش ؛ غير دخلت للدار لقيت ماما و بابا يشربو فالقهوة فالكوزينة سلمت عليهم و حطيتلهم كرواصون كنت شريتو معايا
أنت تقرأ
انت املي _ باللهجة الجزائرية 🇩🇿 _
Romansaحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
