رنيم : اههه .... امم ماني راهي مريضة و طلبت من ماما تبعتلها وحدة من البنات تعاونها سما جيت
ادم : ربي يشافيها ... و وقتاش تولي
رنيم : معلباليش ... قصدي حتى تريح ماني شوية
ادم : ايه ان شاء الله
رنيم : و باباك كيفاش راه
ادم : خير من لي كان اذا قعد هكذا ميطولش و يرجع
رنيم : ان شاء الله
ادم : المهم انا نروح هذاك هو اتهلاي فروحك
دارتلو بيدها باي باي و دخلت ؛ و بدات تتبسم وحدها قعدت فوق البونك تتبسم حتى دخلت عليها سمرة
سمرة : رنيم ....
رنيم : اههه طاطا انعم
سمرة : جيت نعيطلك تهبطي تسهري معانا بصح وشبيك تتبسمي وحدك
رنيم : اههه والو
سمرة : ههه شكون هذا
رنيم : شكون !!
سمرة : خلاص والو ارواحي
ناضت رنيم و هبطو كيف كيف
......
في جهة واحد اخرى كانوا حطوا الطابلة يستناو فيه يجي باش يبداو يتعشاو ؛ حتى لقاوه هبط
سليمان : لوكان كليتو مستنيتونيش
سلمى : لالا معليش كيفاش نتعشاو و نتا مزال مدخلت لدارك
سليمان : واش تحبي يا مراة لي قدي فهاذ العمر راهم مريحين و مخليين ولادهم يخدمو عليهم بصح الله غالب انا عندي وليدي طول و عرض بصح والو مكان حتى فايدة منو
سلمى : سليمان ماشي وقت هاذ الهدرة
غيث : لالا يما خليه يهدر قلبو راهو معمر عليا
سليمان : ايه يا مسيو وين كنت هامل هاذ اليامات
غيث : كنت قاعد فالاوتال بابا
سليمان : وعلاش معندكش دار ولا لتما تدي راحتك خير
غيث : .....
سليمان : هدرت مع اكرم و قالي بلي مرحتش للخدمة
غيث : وعلاش نروح كيفاش حابني نروح نخدم عند وليدو مفهمتش
سليمان : بارسكو وليدو شاطر وقف على خدمة باباه و كبرها انا وليدي شاطر غير فالنساء و السهرات
سلمى : سلييمان
غيث : بصحتكم
من تاليف youchroniquedz
ناض و خلاهم
سلمى : شفت راهو زعف وعلاش كل مرة لازم تنبزو بهدرتك
سليمان : انا حاب نرجعو راجل و نتي اقعدي جيحي فيه
سلمى : بصحتك انا مناكلش و وليدي بايت بلا عشاء
ناضت سلمى و راحت لشمبرة غيث لقاتو قاعد فوق البونك
سلمى : غيث وليدي مديرش على باباك ياك هو حاب مصلحتك برك
غيث : مصلحتي هي ينبزني كل مرة و زيد قدام وليد خوك ياك
سلمى : خلاص انسى وليدي و ارواح تتعشى
غيث : شبعت يما
سلمى : معليش وليدي في خاطري كول زوج لقمات
غيث : لالا يما روحي نتي تاكلي
قعدت قدامه
سلمى : خلاص خليك منو يهدر يهدر و يسكت .... غيث
غيث : وشنو يما
سلمى : محكيتليش على هاذي وسام
غيث ( عقد حواجبو ) : منين سمعتي نتي
سلمى : ليال حكاتلي
غيث : ايه نسيت بلي هذيك كانت عندك باينة تحكيلك و واش قاتلك
سلمى : والو قاتلي بلي راك مع هاذي وسام
غيث : هههه و نتي معجبكش الحال على ميرا
سلمى : لالا واش دخلني اذا راك فرحان مع وسام خليك من ميرا
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
