كوبيت و حطيت تليفون ؛ نحيت الطابلية و طفيت الضو و خرجت
دخلت لشمبرتي و غلقت الباب ، سقمت فراشي و تكسلت قاعدة نخمم فلي جاز و فلي جاي حتى رقدت
تفاطنت على صوت الاذان ، نضت توضيت و صليت سمعت الحس فالكوزينة عرفته بابا ناض رحت عنده
رنيم : صباح الخير يوسف : صباح الخير ، تقبل الله رنيم : منا و منكم
وجدت زوج كيسان قهوة و حطيتهم
يوسف : ايه كيفاش راهي بنتي لقات روحها فالخدمة رنيم : ايه و عجبني بزاف الحال يوسف : فرحتيني رنيم : و مراحش نخدمو هاذ اليومين باسكو راح يديرو شوية اصلاحات يوسف : مليح هكا تريحي شوية رنيم : اممم و اليوم راح نخرج مع وحدة تخدم معايا قالتلي نروحو نشرو اذا معندكش بروبلام يوسف : لالا نورمال ؛ درتي صحابات ملا رنيم : يعني ... هي ريحاب عاقلة و مربية على هاذي طورت علاقتنا شوية يوسف : فرحتيني بزاف بهدرتك ... ياك مراهمش يديرونجيوك هنا فالدار خواتاتك ولا يماك رنيم : لالا بابا وعلاش هاذ الهدرة يوسف : بارسكو انا لي نعرفهم رنيم : لالا بابا واحد مراهو يديرونجيني يوسف : ان شاء الله يكون كيما راكي تقولي
زدنا شوية و جات ماما شربنا قهوتنا و رحت نوضت سولا و دخلت لشمبرتي
***** :
راحت رنيم لشمبرتها فتحت خزانتها و قاعدة تحوس واش تلبس و تقلب
رنيم : تاع صح معنديش كامل حوايج ... افف هاذي دايمن لابستها .... و هاذي زعما مليحة
سلسبيل دخلت و عقدت حواجبها من ختها لي غير شافتها من المراية دورت راسها
