رنيم : ايه كيما قتلك
فاطمة : و وعلاش مقبلتيش
رنيم : هكاك معجبنيش
فاطمة : اممم ماشي قلتيلي منقبل لي يجي نقبل بيه و هذا السيد ما عندو ماخصو وعلاش رفضتيه ... ايييو راني نهدر معاك وين رحتي
رنيم : اههه والو ... قتلك بلي مرتحلوش قلبي
فاطمة : اممم
رنيم : ايه ملا ... راهي عاجباتك خديجة
فاطمة : ايه الطفلة كنت غالطة فيها مسكينة جي زوج خطرات و ديرلي لانسولين و خطرات تعاوني فالشغل و الطياب و فوقها محبتش تحكم دراهم
رنيم : ايه هكذا يا ماني بدلتيني
فاطمة : ههه واحد ما يديلك بلاصتك يا عمري و ياروحي تعرفيني نحبك حتى كثر من ولادي
رنيم : اممم ... على هاذيك كي قتلك تولي ريهام جي ديرلك لانسولين محبيتيش و قعدتي شادة فخديجة
فاطمة : لالا يا رنيم انا خممت على ختك لي فيها يكفيها وعلاش نزيدلها همي و نتي وعلاش مراكيش حابة خديجة
سكتت شحال منبعد قالتلها
رنيم : هي سمعتها البارح تقول بلي حاطة عينها على ادم على هذيك راهي جي
فاطمة ( تبسمت ) : ايه على هاذييك .... هي انا ماكان مدخلني لمهم راني ندير لانسولين تاعي و هوما يدبرو راسهم راهم كبار و يعرفو صلاحهم و وين تعرفي بلاك مام هو تولي تعجبو
ممرقتش لروحها كيفاش طرطقت و عيطت
رنيم : اههه نتيا تاني هذا كل يوم تعجبو وحدة نهار ليال نهار خديجة
فاطمة : وشبيك راح تاكليني
رنيم : احمم ... مقصدتش حاجة بصح برك حبيت ....
فاطمة : خلاص خلاص حنا ماكان ما دخلنا خديجة راح تكمل جي كيما كانت
ادم : وعلاش واش كاين
دوروا راسهم على صوت ادم لي كان جا
فاطمة : اهه ادم وقتاش جيت
ادم : هداوين مي مسمعتونيش
دخل و قعد
ادم : ايه وشبيها خديجة كشما دارتلك !!
فاطمة : لالا وليدي واش راح ديرلي قلت لرنيم برك راهي عاجبتني الطفلة عقالة و ظرافة صح رنيم
رنيم : اممم
فاطمة : حتى رنيم داتهالهم فالعقالة ههه متزعفيش برك
رنيم : وعلاش نزعف ماني
فاطمة : وشنو ديتيهالهم تاني فالجياحة كاش وحدة شفتها يا ادم وليدي حابسة قدها ترفض الزواج بواحد مثقف و قاري و لباس بيه قوول
ادم : وعلاش جاو خطبوها
فاطمة : قول هبلوا عليها ههه السيد لاحقها من بلاصة لبلاصة و هي كي الحابسة ... ( خبطتها لراسها ) ... مقبلتش ... روحي طفيلي على القدرة روحي
ناضت راحت للكوزينة غير دخلت بدات تهدر وحدها
رنيم : مليح انا وليت حابسة و هديك خديجة داتلهم عقلهم مليح مليح
سوطات من بلاصتها كي سمعت الحس موراها
ادم : هبلتي وليتي تهدري وحدك
رنيم : خلعتني
قعد فوق الطابلة
ادم : ايه ملا خطبوك
رنيم : اممم
ادم : و وعلاش مقبلتيش
رنيم : هذيك تولي ليا
ادم : ايه عندك الحق و شكون هذا مالا
رنيم : واحد
ادم : علبالي واحد ماشي وحدة
رنيم : واش تحوس نحكيلك على حياتو
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
