متلقاوش لي تقلشكم كيما انا راني حطيتلكم شحال من حلقة ملا تهلاو مام نتوما 💚💚💚
هوما غير قعدو ادم طلع راسو للساعة
ادم : انا راني خارج يما كشما تسحقو نجيبلكم
رحمة : لالا وليدي مطولش برك
فاطمة : شوف مرتك كشما تسحق
خزرت فيه بعينين مدمعين و هو راح ديراكت
......
خديجة : عمو منصف اذا ما تسحق والو نروح
منصف : يعطيك الصحة بنتي ما نحتاج والو
خديجة : بلا مزية و بالشفاء عليك
رجعت الدواء لبلاصتو و هبطت للكوزينة رجعت الماء لي داتهولو باش يشرب حتى تحس ببنادم موراها دارت لقاته انس لاسق فيها
انس : واش الزين
خديجة : بعد خير منعيط لخالتك
انس : ههه خوفتيني
ضحكت و طبعتو
خديجة : متلعبش معايا المرة الجاية و **** خليه عندك
انس : ههه متقلقيش روحك انا مندناش لوحدة فيها ريحة كامل الرجال
راح و خلاها تاكل فروحها
.......
قعد مغاري قدام لاكراش حتى يشوفو خارج مع ماريا هبط عندو
مراد : اههه هذا نتا ..... ماريا روحي للطونوبيل دوك نجي
ادم : لالا غير خليها مام هي نسحقها اصلا مراحش نطول عليك ؛ هي زوج كلمات نقولهملك .... اخطي مرتي ...... منسحقش نزيد نشوفك قدامها فهمت
مراد : مسيو معلباليش كيفاش فهمتها بصح حنا هنا نتلقاو انا بنت خويا تقرا هنا و مرتك خدامة هنا
ادم : مراحش تزيد تخدم هنا هني روحك
مراد : اههه ... مرانيش حاب نكون سبة فالمشاكل لي بيناتكم
ادم : هاذي حاجة متخصكش .... لي قلتهولك ديرو مليح فراسك بارسكو هاذ المرة كبرت عقلي و مدرت والو ديجا لوكان جيت راجل متهدرش مع مرت راجل و لوكان جيت راجل مدورش بوحدة رفضاتك
زير على يدو معجبتوش هدرتو
ادم : دوكا نجي ليك
هبط لعند ماريا و قاللها
ادم : نتي يماك ماشي رنيم
ماريا : هي ماما
ضحك و مسح على وجهو
مراد : خلي الطفلة انا نفهمها راهي صغيرة
ادم : الله غالب انا جاي كاري في مخي منعرفش نساير الصغير ولا الكبير اسمعي نتي رنيم ماشي يماك حطيها فراسك نزيد نسمع اسم ماما رنيم يخرج من فمك نكسرهولك .... رنيم يمات ولادي انا انا برك و مدام نتي ماشي بنتي معنتها رنيم ماشي يماك فهمتي دوكا ..... مدابيك تفهم بنت خوك و تعلمها بلي ماشي لي جا تعيطلو ماما
ماريا بدات تبكي
مراد : حاب نفهم كيفاش وحدة كيما رنيم قبلت بواحد كيما نتا اما قلب عندك نتا باش تبكي وحدة صغيرة
ادم : و انا دوكا فهمت كيفاش وحدة كيما رنيم رفضت واحد كيما نتا ونتي اسمعي الراي لي يبكيك ماشي لي يفرحك
أنت تقرأ
انت املي _ باللهجة الجزائرية 🇩🇿 _
Romansaحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
