كانت قاعدة فوق البونك و تقرا من التليفون واشنو هي الحاجات لي مليحة ليها واش لازم دير واش لازم ما ديرش تبسمت و حطت يدها على كرشها
رنيم : زعما باباك راح يفرح كي يعرف ... خايفة بزاف من ردة الفعل تاعه
قطعت هدرتها وقت شافته دخل ؛ نحا لافاست و راح يغسل .... كانت نايضة حتى لقاتو جاب الحصيرة و راح يصلي .... فركت صباعتيها تخمم واش راح تقول وقت شافته ناض و طوا الحصيرة راحت عندو
رنيم : ادم ... كنت حابة نهدر معاك
ادم : ايه قلتي بلي كاين حاجة لازم نهدرو فيها ... راني نسمع فيك
هبطت راسها تفرك فيديها
رنيم : سمحلي مكنتش قاصدة لي هدرته
طلعت راسها تخزر فيه بعينين مدمعين
رنيم : علبالك بلي منحبش نشوفك مع خديجة و لي قلتو قلتو من زعافي بر ....
قبل ما تكمل هدرتها كان جبدها معنقها ، حطت يدها على صدرو و طرطقت بالبكاء
ادم : رنيم ماشي دورة زوج تبداي تبكي
رنيم : كامل بسبتك ... كيفاش عطاك قلبك تجاهلني و ديرلي هكذاك
ادم : ستنيتك جي محبيتش بالعكس زدتي يبستي راسك كثر
رنيم : متقدرش تتنازل نتا و جي
ادم : جابلي ربي نتي لي بديتها
رنيم : ولينا
شدلها وجهها بيديه
ادم : رنيم علبالك شحال نحبك و شحال بلاصتك كبيرة عندي و مع الاخر تقوليلي بلي كنت تكذب عليا ماشي معنتها كي منقولكش نحبك دايمن بلي مكانش منها
رنيم : اممم
ادم : .... ملا سمعتي خديجة وقت كانت تهدر معايا
رنيم : وعلاش راك تجبد فيها دوكا
ادم : بارسكو حتى قلتيلي باش فهمت وعلاش مور ماشفتيها حاكمتلي يدي رجعتي مشنفة مني و موراها تبدلتي ... هاذ الشي كي سمعتيني قلتلها يا الستوتة
ضحكت و قاتلو
رنيم : مكان حتى فايدة نجبدو حكايات قدم
ادم : اههه هادي ماشي الهدرة تاعي
رنيم : ايه ياك من عاشر قوما اربعين يوما اصبح مثلهم
ادم : اممم بصح غير هاذي لي نجبدوها .... مالا وليتي تقرعجي على الناس كي يكونوا يهدروا
رنيم : لالا كي كنت جايزة سمعت
ادم : هدرة تاع ربع ساعة سمعتيها كي كنتي جايزة قولي كلاك قلبك تعرفي واش جات دير عندي
رنيم : لالا
ادم : ايه هادي توصي للجاي نولي نغلق الباب مورايا
ضيقت عينيها و طلعت صبعها
رنيم : ادم متخلينيش نتقلق .... ديجا كي تكون هنا خديجة منسحقش تخرج منا
ادم : ههه راكي تامري فيا
رنيم : انعم ايه
ادم : ارواحي هنا نوريلك
رنيم : هههه ادم طلقني
..........
حياة : سووولا روحي طفي للقدرة
سولا : اييييه .... سولا ادي سولا جيبي سولا حطي عييت
طفات للقدرة حتى لحقتها نوتيفيكاسيون فالتليفون شعلته و بدات تسوطي
سولا : اكسيبتاني اكسيبتاني .... خلي نشوفو يا مسيو انس واش راك حاط فالبروفيل تاعك ..... يا عمري شحال شباب .... سبحان الله هنا تقول ادم .... يا مامي هدوك العينين .... ايهيه غير البنات معمرين .... نوريلك اذا منسيتكش فريحة البنات منتسماش
أنت تقرأ
انت املي _ باللهجة الجزائرية 🇩🇿 _
Roman d'amourحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
