انت املي _ باللهجة الجزائرية 🇩🇿 _

بارت 35

سكتت و محبيتش نزيد فالهدرة بارسكو جاتني بيزار من وقتاش المشحاحين هاذو يشريو هاذ القاطو ماشي من عوايدهم

رفدت المغرفة ناكل فهذاك الماقارون لي ما عنده حتى بنة ماكلتها سامطة رهج كيما هي

.......

نهار جديد و احداث جديدة : 

وسام : البنات هيا نروحو ناكلوا كاش حاجة راح نموت بالشر
**** : وسام عندنا كور دوكا قلنا حتى نكملو و نروحو نفطرو
وسام : روحو وحدكم مالا انا جعت ... ايا باي نتلقاو منبعد

راحت وسام ل fast food قدام لافاك تاعهم باش تشري حتى صونا تليفونها حبست تفتح الصاك جبدتو

وسام : وي ماما .... ايه كملت راني رايحة نفطر ... واش نشري

عقدت حواجبها وقت شافته واقف قدامها

وسام : خلاص كي نكون جاية نشريهولك مالحومة .... صحا

كوبات و قالتله

وسام : واش راك دير هنا
غيث : جيت نفطر هنا ولا مكتوبة باسمك البلاصة هاذي واحد ما يقدر يجي ليها
وسام : ايه عندك الحق

كانت رايحة حبسها

غيث : وسام وعلاش راكي ديري هكذا
وسام : وعلاش واش درت
غيث : وعلاش مراكيش حابة تهدري معايا

دارت ليه

وسام : واش حابني نهدر
غيث : حاسك تيفيتي فيا
وسام : لالا حاشا بصح عرفتك نهار العشاء ضحكنا قسرنا تما تحبس مفهمتش وين راهو البروبلام
غيث : كنت حاب نكونوا صحاب برك

سكتت شحال منبعد تبسمت

وسام : ايه نورمال

صونا تليفون غيث

غيث : سمحيلي دقيقة .... الو وي سيف ... اووو وشبيه ... صحا وين راكم ..... خلاص دوك شوية نكون تما
وسام : خير واش كاين
غيث : مفهمتش بصح سيف قالي بلي عمي منصف زاد عليه الحال داوه لسبيطار
وسام : خير ان شاء الله
غيث : انا لازم نروح وسام ... ولا تحبي جي معايا !
وسام : معليش اصلا معنديش قراية عشية

......

رنيم كانت قاعدة مع الولاد مدتلهم الورق باش يلونو و قعدت مقابلتهم حتى صونا تليفونها

رنيم : الو وي وسام
وسام : رنيم واشراكي
رنيم : الحمد لله و نتي
وسام : الحمد لله ... رنيم واش كنت راح نقلك وليد ماني فاطمة راهو فالسبيطار
رنيم : كيفاش ... شكون فيهم
وسام : راحلي اسمو ... وقيل منصف حاجة هكذا
رنيم : وين راهم دوكا
وسام : فسبيطار *****
رنيم : صحا

رنيم راحت دوماندات منهم باش تخرج و راحت ديراكت للسبيطار ؛ غير وصلت راحت عندهم لقاتهم في حالة ، غير شافتها وسام راحت عندها

رنيم : واش راهو صاري وسام
وسام : على حساب واش فهمت مسكين عندو cancer des poumons ( عافانا الله ) و كان يتداوى بصح خبى عليهم و طاطا رحمة قالت بلي اليوم كان غير يرد فالدم كي جابوه عرفوا
رنيم : و كيفاش راهي حالته دوكا
وسام : متعجبش قالك راهو فال les stades الاخرين و ماني نصرعت داوها دارولها السيروم
رنيم : ربي يكون معاه و يصبر دارهم .... و نتي واش جابك !!
وسام : اههه جيت مع غيث
رنيم : غيث
وسام : اممم ... مديريش هكذا هو جا عندي
رنيم : و نتي جيتي معاه ... شوفي ثقلي روحك مترميش روحك عليه السيد باين يحب يلعب و يتمسخر
وسام : رنيم
رنيم : وشنو كذبت و زيد السيد عندو وحدة فحياتو متتعلقيش بيه بزاف
وسام : بففف هو اصلا ميحبهاش و زيد رانا صحاب برك
رنيم : وسام يحبها ولا ميحبهاش بصح راهو معاها عيب عليك اذا حطيتي عينك عليه بلاكي تعلقي روحك بيه نتي لي راح تخسري وحدك مع الاخر

راحت عند رحمة و مروان قعدت معاهم شوية ؛ غاضوها كيفاش كانو يبكيو حتى مروان عينيه قريب مخرجو

رنيم : ... يقين واقيل مسمعتش
رحمة : راهي فالمسيد محبيتش نقلقها
رنيم : عندك الحق و ... ادم مشفتوش وقيلا مجاش
مراون : سيي هذا وين كان هنا يكون خرج
رنيم : اممم

زادت شوية و خرجت برا ؛ تحوس عليه بعينيها حتى لقاته قاعد فواحد الكراسا برا ؛ راحت قعدت قدامه غير طلع راسه لقاها قدامه

رنيم : ادم ... دعيوله ربي ينوضو على خير

دارلها براسو ايه

رنيم : .... ادم روح اقعد مع داركم يماك مسحقتكم دوكا معاها
ادم : اممم
رنيم : هيا ادخل للداخل اصلا راهي بدات تصب الشتاء

مسح على وجهو و دخلوا للسبيطار

.......

نروحوا عند ريهام لي كانت توجد فسنيوة بسبوسة للقهوة حتى سمعت الباب ؛ ستنات كاش واحد يفتح مفتحوش ، مسحت يديها و راحت

ريهام : راني جااية

فتحت الباب لقاتها خت ناجي صغير جات من لفاك عقدت حواجبها وقت شافتها

ريهام : صفاء هاذي ماشي الروبة تاعي !!
صفاء : لالا تشبهلها برك

جازت و خلاتها و ريهام غمضت عينيها تشد فالزعاف يعني وقت كانت جي وتلقا حوايجها مقلبين و وقت كانت تلقى شحال من حاجة تبحرت هما كانوا يرفدو بلا ما يسقسو

ريهام : صفاااء
صفاء : خير وعلاش راكي تعيطي
ريهام : هاذي روبتي
صفاء : ايه تاعك يا خي مخلوعة وشبيك

خرجت العجوزة و بنتها الكبيرة و ناجي ناض من نعاس على صوت عياط صفاء

صفاء : دوك نحيها و نمدهالك انا حسبتك ختي نتلابسو كيف كيف و نتي خرجتي متسوايش