جازوا اليامات بسرعة ، قاعدة فشمبرتي نطبق فحوايجي حتى لقيت تليفوني يصوني رفدتو مستغربة شكون بارسكو فالعادة ميعيطوليش بزاف لقيتها ماني فاطمة رفدت بالزربة خافت تكون صراتلها كاش حاجة
رنيم : الو ماني راكي مليحة فاطمة : مليحة مليحة ، كنت محتاجتك فحاجة قلت اذا تقدري جي رنيم : ايه بيانسور نكمل الشغل لي فيدي و نطلع فاطمة : صحا بنتي ايا امبعد
كوبيت و انا نخمم فواش مسحقتني واحد ربع ساعة كنت كملت خدمتي و طلعت ؛ فتحتلي تضحك حسيتها فرحانة اكثر من اي وقت جاز
رنيم : خير واش سر الفرحة هاذي فاطمة : ههه جوزي جوزي دوك نقولك
غلقت الباب و دخلنا قعدنا فالصالون
رنيم : ايهيه فاطمة : جاي عندي وليد وليدي يعيش معايا رنيم : كيفاش يعني فاطمة : هو عقيد فالجيش ولا عفسة هكا تعرف خاطيني هاذ الحاجات بصح ربي يخليهولي عندو رتبة كبيرة ربي يباركله ان شاء
تبسمت من الطريقة لي تمدحو فيها من يوم عرفتها و هي تحكي غير بالخير على ولادها تقدر تعرف من كلامها كمية حبها ليهم
فاطمة : و بمانه حولولوا خدمته هنا جاي يقعد معايا رنيم : يا عيني و نتي فرحانة كي جاي فاطمة : ههه ايه بزاف هو فالحق جبت خدامة نقات الدار و وجدتلوا شمبرته بصح تعرفي فالماكلة منقدرش نتكل عليها و قلت خلي نقولك ديريلنا حاجة بصبيعاتك اذا مفيهاش عذاب رنيم : لا عاذاب لا والو ؛ قوليلي واش تحبي نطيب فاطمة : هو يحب الشخشوخة رنيم : هذا ما كان خلاص نديرها فاطمة : ربي يعطيك ما تتمناي و يرزقك بوليد الحلال ان شاء الله ؛ القضيان راهو فالكوزينة رنيم : ايه
رحت للكوزينة غسلت يديا و درت الطابلية و حطيت ندير فالشخشوخة و زدت معاها شربة و مملحات و شلاظة ، غزرت فالساعة لقيتها السبعة تاع العشية حسيت بظهري تقسم وجدت الطابلة فالصالون وليت للكوزينة حطيت الطابلية فوق الكرسي حتى نسمع فالباب يصوني ، سمعت فالحس موراها عرفت بلي جا تبسمت فرحتلها اوموان متقعدش وحدها ، حسيت روحي حشمت نخرج بصح صوتها لي قعد يعيطلي وترني درت خيماري و خرجت بلعقل لقيتها واقفة و هو كان داير بظهرو و الفاليز تاعو تما
رنيم : ماني فاطمة : رنيم بنتي ارواحي نعرفك عليه
ماجيت نرمي رجلي هو دار ، رجلي حسيتها ثقالت الله يبارك عليه كلمة شباب قليلة عليه عمري ما شفت واحد شباب قدو بلا كذب ( رنيم احششمي ) جاي طويل و عندو كوور يفتق شعرو كحل و عينيه جايين مارون رايحين للعسلي دخلت في بعضي و وجهي حمار مفهمتش وعلاش بلاك كي ماشي موالفة نحتك بجنس ادم بزاف
فاطمة : رنيم هذا هو ادم لي حكيتلك عليه و ادم تكون عرفتها
جاني صوتو الخشين لي زاد وترتي كثر
ادم : اييه ماني حكيتيلي عليها بزاف ، متشرفين
معرفتش واش نرد كتفيت باني نديرلو براسي ايه و خرجت ديراكت من تما ، علبالي درت تبهديلة بصح معرفتش واش صرالي حسيت روحي ذبت من الحشمة
نوضني صوت التليفون صباح رفدتو نشوفو فنيميرو معرفتوش غير رفدت
**** : الو مادموزال رنيم ¤¤¤¤ رنيم : ايه انا **** : عيطنالك من الحضانة على الخدمة حبينا نخبروك بلي راح تبداي اليوم فالخدمة رنيم : اههه اليوم **** : ايه عيطنالك البارح بصح مقدرناش نوصلولك رنيم : هااا نكون مشفتوش ؛ معليش تبعتولي لادراس **** : بيانسور دوك نبعتوهالك في ميساج رنيم : مارسي
نضت متحمسة قلت لماما لي كان حكالها بابا ديجا غسلت وجهي و صليت و لبست هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
درت خيماري و البارفان تاعي و خرجت انا غير فتحت الباب قابلني هابط ضارب الحطة و الروايح خير مني انا لي مراة زعما ، تفكرت تبهديلة تاع البارح حمارت كي جات عيني فعينو حشمت نزيد نسكت قلتلو
رنيم : صباح الخير ادم : ... صباح الخير
انا جيت هابطو و هو كان هابط حبست خليتو يجوز
ادم : جوزي نتي
شديت ساكي بيدي نفرك فصباعتيا و هبطت و هو مورايا ما جيت خرجت حنى كان النفس تقطع فيا تنفست وقت ركب فالطونوبيل و راح ؛ حطيت يدي على صدري
رنيم : راح يحكمني القلب و انا صغيرة ؛ وعلاش جاي يوتر البنادم هكذا
مفهمتش اذا الهيبة و الرجولة الطاغية عليه لي توترني و لا البروبلام فيا نحشم بزااف استغفرت و شديت تاكسي قتلو يوصلني للبلاصة لي قلت عليها
هذا هو البارت ان شاء الله يكون عجبكم خليولي ارائكم فالتعليقات و اقتراحاتكم و تفاعلوا شوية باش نتحمس نكملهالكم 🌸
