❤💜و اخيرا وليت علبالي طولت بصح الله غالب حتى كملت ليوم امتحانات الحمد لله المهم لبنات راح نولي باذن الله نحط يوميا فالليل خليولي ارائكم و تفاعلكم 💛💚
ريهام و حياة لي كانو يتبسمو وسوسوها
حياة : هيا بنتي باباك عندو ما يقولك
رنيم : انعم بابا راني نسمع
يوسف : هي فالحق كاين واحد جاني حاب يخطبك
حمارت مالحشمة
يوسف : هو هدر معايا نهار كنت رايح ؛ و سقسيت عليه مليح وليد فاملية مربي و كامل يشكرو فيه و زيد خدام ولباس بيه ما عندو ما خصو
رنيم : ... بصح شكون هذا يعني من وين يعرفني
يوسف : قالي شافك فلاكراش بنت خوه وقيلا نتي تقريها
فهمتها بلي مراد عوجت فمها مالاول مدخللهاش لقلبها
رنيم : ايه
يوسف : واش قلتي بنتي الراي رايك و انا نحترمه بصح انا الطفل عجبني بزااف و راني راضي و قابل و الباقي يقعد عليك
حياة : تقبل تقبل وين تلقى واحد واحد كيما هو
يوسف : حياة سقسيت رنيم مسقسيتكش نتي ... واش قلتي رنيم
رنيم : .... خليني نخمم بابا
يوسف : ايه خوذي وقتك
ناضت رنيم دخلت لشمبرتها ؛ حتى لقات ريهام دخلت
ريهام : اههه يا الستوتة حنا نقولو راكي تروحي تخدمي و نتي روحتي دبرتي فيها عريس
رنيم : ريهام حبسي من التمسخير هذا
ريهام ( قعدت قدامها ) : وشبيك متقوليليش مراكيش حابة
رنيم : اممم
ريهام : وعلاش رنيم ... باين الراجل مليح مدام بابا قبل ، هو ميجيبلكش واحد ماشي مليح
رنيم : علبالي و نعرف هاذ السيد اسمو مراد شحال من مرة نتلاقى بيه كي يجي يدي بنت خوه بصح مرانيش حابة مراهوش عاجبني
ريهام : بصح اوموان خليهم يجيو تعرفو على بعضكم و شوفي دارهم اذا تفاهمتو الله يبارك متفاهمتوش نورمال
رنيم : لالا مكالاه مالاول مراحش نتفاهمو سما غير ميعيوش روحكهم يجيو
ريهام : رنيم ديري فبالك بلي راكي تكبري لوقتاش راح تقعدي تتشرطي هكذا
....
حياة : خير ان شاء الله وعلاش مراكيش حابة
طلعت راسها لقات حياة حاطة يدها على حزامها
حياة : شوفي رنيم متقلقينيش ماشي كي جاك واحد يخطبك تهبلي
رنيم : ماما بسيف نقبل
حياة : ايه بسيف واش خصو الراجل باش متقبليش شوفي حطي عقلك فراسك و متعيينيش
خرجت حياة مخليتها ؛ دارت ليها ريهام
ريهام : رنيم ماما عندها الحق زيدي خممي مليح
خرجت ريهام مخليتها
رنيم : اههه هذا مكان خاصني
شدت راسها بيديها كي بدا يوجع فيها تخلطت عليها من كل جهة ( ايا مدولها رايكم زعما تقبل بمراد ) قعدت هكذاك حتى لحقت العشية تعشات و رجعت لشمبرتها ؛ لقات تليفونها يصوني رفدته
أنت تقرأ
انت املي _ باللهجة الجزائرية 🇩🇿 _
Любовные романыحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
