رنيم : ادم لازم نروح نشوف لجين ختي علبالك ولدت و مرحتش شفتها كي كنا فدبي و موراها راح نروح مع ريحاب و هبة خصوها حاجات تزيد تشريهم
ادم : خلي نتكسل شوية و نديك مزالني عيان من لفوياج
رنيم : لالا متشقيش روحك اصلا راح نجوز لماما نديها معايا
ادم : كيما تحبي
رنيم : و متروحش تشوف داركم
ادم : بلاك العشية كامل
رنيم : خلاص مالا لعشية ان شاء الله كي نكمل نروح ديراكت لتما
ادم : ok
باسته من خده
رنيم : ايا مالا لعشية ان شاء الله
ادم : اتهلاي فروحك و بلاكي فالطريق
رنيم : بلا ما توصي
..........
كان يسوق و قدامه رباب و ملور حاطين عبد الرحيم
رباب : مروان نروحو ل ¤¤¤¤ خير قاتلي ختي جابو حوايج شابين تما
مروان : نروحو ياك وليدي نشريو لعبد الرحيم لحوايج وليدي كبر دوكا
رباب : ايه و يقين
مروان : عيطتلي مقبيل كنت رايح نجيبها قاتلي راح تخرج تفطر مع صحاباتها قلت معليش نخليها و زيد النهار الاخر تاع الباك
رباب : ايه مسكينة تكون عيات ان شاء الله جيبو و تفرحنا
مروان : جيبو ان شاء الله ختي نعرفها تقرا
رباب : ان شاء الله
مروان : ههه وجدتلها الكادو تاعها من دوك
رباب : اهاه مقتليش سوور جبتلها تليفون لي كانت حابتو
مروان : ايه ماشي خسارة فيها نهار يخرج الباك نمدهولها
رباب : ان شاء الله .... اههه مروان كاين حانوت هنا تعيش جيب قرعة ماء لعبد الرحيم نسيت قرعته فالدار
مروان : استناي نشوف وين نغاري اذا لقيت
.......
سراج : مقلتليش كيفاش جاك الامتحان تاع اليوم
يقين : معلباليش سراج حاسة روحي مخدمتش مليح اصلا مقدرتش نقرا مليح هاذ الخطرة سورتو ليكور لخرين
سراج : معليش فيها خير ان شاء الله .... راح تروحي ليوم لداركم
يقين : اممم ليوم يوصلني مروان كان جاي ليا ادم منبعد كي لحق اليوم من لفوياج قالو مروان خليني نديها
سراج : .... يقين انا عييت هكذا .... بزاف عليا فهميني منقدرش نشوفك خطرة فالفال و بالتخبية هكذا .... مرانيش نحسك كامل حبيبتي منقدر نحكي معاك منقدر نشوفك
يقين : واش حبيتني ندير سراج حتى انا عييت قرايتي و هملتها مرضت و عييت روحي حسبتلك انا راني مرتاحة هكذا و انا نكذب على دارنا مرت خويا حكيتلها و كي قالت لادم قاللها انا ختي مراهيش تاع زواج جا ضارب معايا بخصني واش حبيتني نزيد كثر من هكذا
سراج : ...... ملا نحبسو خيرلنا
يقين : .... هكذا جاتك ساهلة تخليني
سراج : ماشي ساهلة عليا يقين بصح وجودك ولا غيابك راهم كيف كيف افهمي و زيد راح تروحي لداركم انا منقدرش كل مرة نجي لالجي
مسحت دموعها لي هبطو
سراج : خلاص اسكتي
جبدها عندو معنقها يمسحلها على شعرها
.......
مروان : صحا خويا
خرج من الحانوت رافد الساشي فيدو كان راح يمشي حتى شاف باتيسري قدامه
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
