انت املي _ باللهجة الجزائرية 🇩🇿 _

بارت 16

ادم : متقوليليش زعفتي كي قلتلك هكذاك صباح كنت نقسر برك

درتلو براسي لالا

ادم : رنيم

قلبي حسيتو خبط كي قال اسمي جامي عيطلي بيه حسيت قلبي قريب مخرج

ادم : رنيم دوري راني نهدر معاك

دورت راسي

رنيم : انعم
ادم : زعفتي

تبسمت و درتلو براسي لالا

ادم : سوور
رنيم : امممم
ادم : مليح و دوكا وريلي exactement وين تخدمي

وريتلوا بيدي واحد عشر دقائق كنا وصلنا

رنيم : صحا

هبطت و دخلت نجري مزية لي لحقت سواسوا ، دخلت حطيت دوزاني و قعدت حتى نلقى ريحاب دخلت

ريحاب : جيتي روطار اليوم خير
رنيم : اهه راح عليا البوس
ريحاب : اسمعي واش رايك غدوة نخرجو
رنيم : لوكان تشوفي بنت خالتي هبلتني قاتلي نخرجو فتحو مول جديد واش رايك
رنيم : وعلاش لالا
ريحاب : superrr ملا فالليل ان شاء الله نتفهامو وين نتلقاو و كلش
رنيم : ان شاء الله

هكذا شوية بداو يدخلو الاولاد و جوزت نهاري كيما العادة

لحقت العشية الاولاد بداو يروحو  و انا رفدت دوزاني خارجة ، عارضتني وحدة تخدم هنا

**** : مدموزال كاين واحد من اولياء امر الاولاد حاب يشوفك

استغربت من هدرتها شكون راهو حاب يشوفني

رنيم : ايه دوك نجي

رفدت ساكي و خرجت لقيت واحد قاعد يستنى فيا غير شافني ناض

مراد : مساء الخير مدام
رنيم : مساء الخير
مراد : انا نكون مراد عم رهف
رنيم : اههه enchanté
مراد : سمعت بزاف عليك من بنت خويا و حبيت نتعرف عليك
رنيم : اممم اصلا كنت حابة نستدعيكم ؛ يعني متفهمنيش غلط رهف طفلة عاقلة و مربية بزاف بصح لازملها تتعالج نفسيا مفهمتش واش راهو صاريلها بالضبط بالصح باش نكون صريحة معاك حالتها شوية معقدة متحب تهدر مع حتى واحد هنا من غيري نديها بسيف عندهم و نسيف عليها تهدر معاهم دايمن تقعد وحدها و مرات تكون عدوانية شوية يعني مرة طفل رفدلها الرسمة تاعها راحت خبشتو

تنهد و قاللها

مراد : نعرف حتى حنا درنا لي قدرنا عليه بصح بلا فايدة حتى فالدار متهدرش غير معايا ولا مع مانها
رنيم : و والديها لي فهمتو منها بلي يماها ميتة ربي يرحمها بصح باباها وين راه؟
مراد : باباها ماشي مستعرف بيها و يماها ماتت وقت ولدتها و باباها كرهها و حملها مسؤولية موت يماها عيينا نهدرو معاه والو مرات يجي يشوف والديه و وقت يشوفها تلقايه يا يتهرب يا يعيط عليها .... و بحكم نعرف حالة رهف حبيت نتعرف عليك بارسكو متعلقة بيك بزاف ظل تحكي عليك حتى انها تقول عليك ماما
رنيم : انا ما درت والو مسايرتها برك  
مراد : ههه مدام تحبك لهاذ الدرجة باينة بلي راكي مسايرتها
رنيم : انا سمحلي دوكا لازم نروح مسيو
مراد : متشرفين مدام فرحت كي تعرفت عليك
رنيم : الشرف ليا

دارلها يدو و هي حست روحها مترددة رمات يدها سلمت عليه بخفة و جبدت يدها

خرجت من تما و حكمت البوس واحد نصف ساعة كنت لحقت للدار طبطبت ستنيت شوية و تفتح الباب ؛ شهقت وقت شفتو واقف و سوطيت عنقتو

رنيم : بابا
يوسف : راهي جات بنتي و نور عينيا
حياة : راهي كبيرة و هكذا راك مفسدها بالفشوش
يوسف : وعلاش شحال عندي من رنيم فحياتي

دخلنا للداخل و انا مزالني معنقاتو غير قعدنا جبدلي باطة من جيبو

رنيم : وشنو هذا
يوسف : افتحيها
رنيم : ..... بابا ....

شهقت وقت لقيت مفاتح تاع طونوبيل

رنيم : لالا .... هاذو ليا
يوسف : ايه باش متروحيش فالبوس و تعياي و هكذا تاني فالدار كشما يسحقو يلقاو الطونوبيل

دخلت فحضنه عينيا تغرغرو بالدموع

رنيم : يعطيك الصحة بابا
يوسف : و الدموع هادو وقتاش ينشفو
رنيم : ههه
حياة : انا مفهمتش حياتنا كامل و حنا وحدنا عمرك قلت هاكي يا حياة الطونوبيل كشما تسحقي حاجة في غيابي تستعمليها
يوسف : ههه ايهيه حيوتة غارت
رنيم : هههه
حياة : اتمسخروا اتمسخروا عليا
رنيم : حاشا ماما

قعدنا هكذاك نضحكو و نقسرو حتى من حوايجي نسيت نروح نبدلهم استئذنت و رحت دوشت و صليت و خرجت نطيب لعشاء درت الرشتة و المثوم افضل طبقين عند بابا تعشينا و نضت نفرز الحالة

حياة : خلي مكسرة اليدين تفرز
سولا : ماما
رنيم : خليها معليش راهي عندها امتحانات