جماعة الخير باش نتفاهمو دوكا انا كنت كاتبة هاذ الجزء لغدوة ان شاء الله منبعد قلت مساكن منخليهمش معلقين نكملهالهم دوكا غدوة ان شاء الله اذا قدرت نحط نحط مقدرتش هذا محسوب تاع غدوة 😌 💚
رنيم : شوفي يقين راح نهدر معاك و خممي مليح فهدرتي ياك انا كبيرة عليك ..... ماشي عيب تدي واحد معندوش بصح خممي اذا صح راح تقدري تعيشي معاه يعني نتي والفتي العز والفتي الحاجة لي تحبيها يجيبوهالك الحاجة لي تحبي تاكليها تشريها غدوة اذا كنتي معاه مراحش تلقاي كلش ..... و زيد العمر تاني يلعب دور ... مزالك بزاف صغيرة راح تكبري راح تعرفي و تعاشري ناس غير وقتها منظورك للحياة يتبدل بلاك تلقاي انسان يناسبك اكثر تحبيه بلاك هذا لي راكي معاه متحبيهش لي راكي تحسيه مجرد مراهقة مزالك بزاف بزاف صغيرة يقين و هاذ الحكايات راح ياثرولك على قرايتك و ميخليوكش تركزي عليها
يقين : ...... علبالي بصح رنيم اذا دارنا عرفو و انا و سراج تخطبنا راح نرتاح مراحش نزيد نخمم و مام هو راح يفرح اصلا مراهوش حاب يهدر معايا
رنيم دارتلها براسها لالا
رنيم : مراكيش فالطريق الصح يقين راح ديري غير المشاكل لعمرك هكذا جوزي الباك تاعك منبعد ساهل
يقين : مراحش نقدر نجوزو و انا بين نارين فهميني .... ماما و بابا نقدر نقنعهم هما ما يرفضولي والو سورتو بابا بصح خاوتي .... نعرف مراحش يقبلو ..... رنيم تعيشي سيي اهدري مع ادم و قوليلو بلي كاينة وحدة من معارفك شافتني فعرسكم و حبت تخطبني لوليدها
رنيم : يقين منقدرش نكذب عليه لوكان يعرف انا نولي فمشاكل معاه و زيد مراحش يقبل
يقين : سيي
رنيم : يقين راح يبخصني برك متعرفيش خوك
يقين : علبالي بصح بلاك يسمعلك
رنيم : بصح ماشي فحاجة تخص ختو
يقين : سيي تعيشي رنيم علجالي خليه يتعرف برك على سراج و قوليلو هدرت مع يقين و هي راهي قابلة
رنيم : alors la .... يقين تعيشي ما ت ....
يقين : رنيم تعيشي ربي يسجيك ديريني ختك راني رايحة نهبل .... لوكان جيت قادرة نهدر معاه لوكان هدرت هذا شحال
رنيم : .... نشوف بصح ماشي دوكا خليلي شوية وقت حتى نعرف كيفاش نجبدلو
يقين : ربي يخليك مارسي
و جازت سهرتهم عادي و كل واحد رجع لدارو
و جازت اليامات .... خليني نحكيلكم واش صرا فيهم غيث طلب السماح من ميرا بصح هي محبتش تزيد تهدر معاه .... ليال نسات ادم و ولات قريبة من خالد و لي يتبعو الكرو مليح قدرو يعرفو بلي خالد البسيكولوغ هو نفسو خال رنيم الصغير ..... ريهام و رياض من يامات العرس ولاو يهدرو مع بعضهم و راهم اونكوبل بصح ريهام محبتوش و رياض تاني ولا خلي نقولو حاليا فقط ريهام راهي تعمر فالفراغ لي خلاهولها ناجي و رياض يعمر فبلاصة ليال هذا ما كان ...... يقين و سراج رجعو لبعضهم ..... خديجة ولات تروح لدار ادم تتلهى بمنصف ...... و الكوبل تاعنا راهم عايشين كيما نقولو سمنة على عسل زعما راح يقعدو هكذا و هنا الجزء الثاني راح يبدا صح
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
