رنيم : ادم ... نحي يدك وشبيك فواش عاندتك
ادم : كيفاش انا نقولو اهبط و نتي تقوليلو اقعد حابة جوزي كلمتك بسيف عليا
رنيم : نتا لي كيفاش تهدر مع صاحبك هكذاك و زيد تحاوز فيه عيب عليك
ادم : اييه عيب عليا قطعتلكم قسرتكم بيانسور كان عاجبك الحال كي كنتي تضحكي اههه ماشي نتي صعيب باش تتاقلمي مع الناس و ماشي اجتماعية ولا مع رياض حاجة واحد اخرى
رنيم : ايه حاجة واحد اخرى واش دخلك
خبطها على الحيط حست ظهرها تكسر ؛ رفع صبعو يزير على هدرته
ادم : متنسايش وين راكي متطلقيش روحك بزاف فدار الناس
فاطمة : رنيم ... ادم واش كاين
رنيم دنات راسها لقات فاطمة واقفة قدام الباب تخزر فيهم متعجبة ؛ ادم خزر فيها مليح و خرج ؛ فاطمة دنات عندها
فاطمة : وشبيك رنيم
رنيم : والو انا لازم نروح
......
دخلت لشمبرتها و غلقت الباب ؛ طرطقت بالبكاء غمت فمها وقت لقات وسام راقدة تما من كثرة ما غاضتها عمرها قعدت تبكي هكذاك حتى طلع الفجر راحت صلات و رقدت
غير طلع الصباح ناضت رنيم و نوضت معاها وسام ؛ راحو للكوزينة لقاهم يسقهواو
لجين : صباح الخير
رنيم : صباح الخير
وسام : صباح الخير عليكم
شدو بلايصهم و لجين حطتلهم القهوة و دنات القاطو لوسام
لجين : وسام متحشميش كولي
وسام : تعيشي
......
وسام : رنيم انا كملت اذا نطلعوا للفوق
لجين : ايه مام انا نجي معاكم نعاون
حياة : نتي ريحي دوك ريهام تطلع
ريهام : يعني تهنيت من عجوزتي زدت جيت للشغل
حياة طرطقت عينيها فيها سكتت
رنيم : انا نروح ندوش منبعد نلحقكم
راحت رنيم دوشت و خرجت نشفت شعرها دارت خيمار على راسها و طلعت لقات رحمة طيبت الفطور لناس الدار و الطيابات جاو بداو يدوزنو للعشاء ، و كل واحد وين لي يسقم لي يغسل لي يطيب شوية هكذا لحقت رباب و مروان
وسام يقين رنيم هبة و ريهام تعاونوا يد بيد فكلش يغسلوا يحطوا يمسحو يسيقو يوجدو حتى لحق وقت الفطور راحت عندهم رحمة بارسكو كانوا فالدار لي اونفاص
رحمة : البنات هيا حبسو شوية ارواحوا تفطروا
هبة : دوك نجيو طاطا
يقين : هيا البنات
رنيم : روحو نتوما انا نكمل نسقم طوابل
يقين : اههه وعلاش متفطريش
رنيم : مرانيش قادرة
هبة : تندمي على ماكلة طاطا رحمة ماكلتها عسل يا رنيم
رنيم : معليش بصح راني شبعانة بلاك منبعد ناكل
هبة : ايه دبري راسك
وسام : الطفلة هاذي عايشة غير بالاوكسيجين
خرجو هوما و هي كملت سقمت كامل لحالة منبعد خرجت راحت للكوزينة كانت 3 تاع العشية لقات رحمة و فاطمة رحمة تحط فالفطور و فاطمة واقفة معاها ؛ و فلطابلة كان ادم و مروان و سيف راح يفطرو غير شافتو كانت راح ترجع حتى نطقت رحمة
رحمة : رنيم وعلاش مجيتيش تفطري مقبيل
رنيم : اههه طاطا راني شبعانة
فاطمة : كولي ماكلة رحمة ما تتعاودش
رحمة : اقعدي نحطلك معاهم
رنيم : اههه لالا مرانيش قادرة
فاطمة : اقعدي ما تحشميش منين راح تحشمي من مروان ولا سيف ولا ادم لي والفتيه و والفك
رنيم طرطقت عينيها من كلام فاطمة و حمارت
رحمة : بووه وعلاش تحشم راهم كي خاوتها
مروان : ارواحي اقعدي ختي
راحت رنيم قعظت و ادم كان اونفاص ليها محبتش تخزر فيه
سيف : شفتي قتلوك بالشغل
تبسمت رنيم و رحمة حطتلهم الطباسا ؛ رنيم رفدت المغرفة بسيف ميتة بالحشمة ذاقت شوية و طبعت الطبسي على تطلعية راسها تلاقات عينها مع ادم لي غير شافته قلبت عينيها
رنيم : طاطا انا شبعت تحبي نعاونك فكاش حاجة
رحمة : بصحتك ؛ لالا مكان والو كلش راهو واجد دوكا
دورت راسها على غيث لي دخل
غيث : خالتو شوفي شكون جبتلك
رحمة : راو جا وليدي
راح سلم عليها
غيث : شوفي شوفي
دخلت ميرا و ليال راحو سلموا عليها
ليال : طاطا هاذي غيبة شحال عندنا متلاقيناش
رحمة : الله لا يغيبك واشراكم
ميرا : ملاح طاطا
ليال : هاكي طاطا
رحمة : اهه وشنو هذا
ليال : جبتلك حاجة خفيفة تعرفي كنت في تركيا هاذ اليامات على هاذي تفكرتك بحاجة خفيفة
رحمة : يعطيك الصحة بنتي ... انا نروح نحطو فالشمبرة و نجي
خرجت رحمة و ميرا غمزت ليال
غيث : الناس لي تعرف تعيش
ليال راحت سلمت على ادم من خده
ليال : ادم توحشتك عندنا شحال متلاقيناش
مروان حمحم و دور راسو ؛ رنيم زيرت على يدها حاسة قلبها راح يخرج رفدت روحها و خرجت ديراكت
ميرا : وشبيها هاذي خرجت بلا ما تسلم ولا تقول حتى حاجة
ادم : ليال معليش جي
ليال : بيانسور
خرجو للكولوار لقا الناس فكل بلاصة
ادم : ارواحي
ليال : اممم
راح لشمبرته غير فتح الباب قابلته رنيم خارجة و فيدها الطماطيش بارسكو فاطمة كانت حطت الفاكهة و الخضرا فالشمبرة بحكم دارها شوية صغيرة ، شافته داخل محبتش تخزر فيه حتى تلقى ليال جاية مواراه
أنت تقرأ
انت املي _ باللهجة الجزائرية 🇩🇿 _
Romansaحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
